Монголын Үндэсний бөхийн холбооны  /МҮБХ/ Цэцдийн зөвлөл өнөөдөр /2020.09.05/ хуралдан МҮБХ-ны   “Их Эе” хуралдах товыг есдүгээр сарын 19-ны өдөр товлолоо. Энэ үеэр МҮБХ-ны шинэ тэргүүн сонгогдох аж.

Дархан аварга Х.Баянмөнх:

-Бөхийн холбоонд зөрчил үүсээд 18 жил болж байна. Монголын ард түмний өв соёл болсон монгол бөхийн барилдааны үйл ажиллагаа тасалдаж , зарим хүмүүсийг ашиг хонжоо шингэсэн явдал болж, бөхчүүд хохирох болсон. Бөхчүүд бус удирдлагуудын хэмжээнд байгаа зөрчилтэй асуудлыг цэгцлэх гэж Б.Бат-Эрдэнэ аварга бид хоёр тохироод  санал нэгдсэн. Мөөеө маань надад нэг удаа хэлж байсан юм. Энэ бөхийн холбоог бөх хүн удирдах ёстой гэж. Одоо бодоход Мөөеө маань маш зөв хэлж.

Э.БУРАМ