Монгол Улсад барилгын салбар үүсэж хөгжсөний 94 жилийн ой өнөөдөр тохиож байна. “Монголын барилгачдын өдөр" тус арга хэмжээг БХБЯ-наас зохион байгуулж, барилгын салбарын үе үеийн инженер, техникийн ажилтнуудад хүндэтгэл үзүүлэн, шилдэг аж ахуйн нэгж, байгууллагуудыг шагнаж урамшууллаа.

"Барилгачдын баяр-2020" арга хэмжээний хүрээнд "Барилга, нийтийн аж ахуйн салбарын оны шилдэг аж ахуйн нэгж, байгууллагыг шалгаруулах журам” -ын дагуу 2020 оны шилдэг аж ахуйн нэгж, байгууллагаар “МАК ЦЕМЕНТ” ХХК шалгарч, Барилгачдын талбайд өөрийн тугаа ийнхүү мандуулав. Барилгын салбарын нийт ажиллагсдадаа “Барилгачдын баяр”-ын халуун  мэнд  хүргэе.