Ливаны нийслэл Бейрут хотод асар том дэлбэрэлт болсноос хойш нэг сарын хугацаа өнгөрч байгаа ч нуранги доороос хүний зүрхний цохилт мэдрэгсэн гэх мэдээлэл тарсан даруйд аврагчид нурангиас хүн хайх ажлаа үргэлжлүүлжээ.

Дээрх мэдээлэл тарсан даруйд мэргэжлийнхэн тусгай мэдрэгч төхөөрөмж илгээн, Мар Михайл орчмыг нарийвчлан шалгасан байна. Гэвч үр дүнд хүрээгүй учир албан ёсоор аврах ажиллагааг цуцалжээ. Хэдий мэргэжлийнхэн хайх ажлаа дуусгасан ч сайн дурынхан нүцгэн гараараа нурангийг ухсаар үлдсэн байна.

Наймдугаар сарын 4-нд Бейрут хотын боомтод 2750 тонн аммонийн нитрат дэлбэрч, улмаар 200 хүн нас барж, 6000 хүн гэмтэж бэртэн, 300 мянган хүн орох оронгүй болсон билээ.

Мөн Ливаны армийн зохион байгуулж байсан өөр нэг эрэн хайх ажиллагааны үеэр дахин ачааны чингэлэгтэй 4.3 тонн аммонийн нитрат олдож, цэргийн инженерүүд түүнийг аюулгүй нүүлгэн шилжүүлсэн байна.

Эх сурвалж: BBC