АНУ цагаач хүүхдүүдийг эцэг, эхээс нь тусгаарлан хорьжээ | News.MN

АНУ цагаач хүүхдүүдийг эцэг, эхээс нь тусгаарлан хорьжээ

АНУ цагаач хүүхдүүдийг эцэг, эхээс нь тусгаарлан хорьжээ

АНУ цагаач хүүхдүүдийг эцэг, эхээс нь тусгаарлан хорьжээ

Сүүлийн хэдэн сар АНУ хэдэн зуун цагаач хүүхдийг зочид буудалд хорьж, засгийн газрын ажилчдаар мануулж байгаа нь тэдний ирээдүйг ноцтой эрсдэлд оруулаад байна.

Цагаачдын болон хүний эрхийн байгууллагууд АНУ-ын Засгийн газрыг цар тахлын нэрийг ашиглан хуулийн цоорхойгоор  гэмгүй хүүхдүүдийг  улсаасаа албадан хөөхөөр улайрч байна хэмээн буруушааж байгаа аж.

“Тэдгээр хүүхдүүдийг гадаад ертөнцтэй харилцах боломжгүй харанхуй өрөөнүүдэд хорьж байна. Хүүхдүүд гадаад ертөнц байтугай цагаачдын албанд ч хандаж чадахгүй байна. Тэднийг маш чанга хатуу нөхцөлд байлгаж байгаа нь хүүхдийн эрхийг ноцтой зөрчсөн үйлдэл мөн” хэмээн Техасын иргэний эрхийн төлөө тэмцэгч, ахмад өмгөөлөгч Карла Марисол Варгас хэлжээ.

Цагаачлал, хилийн хууль сахиулах байгууллагуудын хэлж байгаагаар шүүх хурлын эцсийн шийдвэр гараагүй байгаа аж. Харин засгийн газрын зүгээс тусгаарлалтад байгаа хүүхдүүдийн эрүүл мэнд, аюулгүй байдлыг ханган ажиллаж, эрүүл ахуйн шаардлага хангасан, зөвлөмж хэрэгжүүлсэн нөхцөлд байлгаж байгаа гэж тайлбарлаж буй. Гэвч бодит байдал дээр хүүхдүүдийг хэн ч харж хандалгүй, хүчирхийлэл, анхаарал халамж дутмаг орчинд хорьж байгаа хэмээн иргэд мэдээлж байна.

Цар тахлын үед цагаач хүүхдүүдийг зочид буудалд тусгаарлах явдал улам ихэсч байгааг шүүхийн баримтууд харуулж байгаа юм. Тухайлбал, Аризона, Техас, Луйзиана гэсэн гурван мужид дор хаяж 25 зочид буудлыг цагаач хүүхдүүдийн тусгаарлах байр болгон ашиглаж байгаа аж.

Гэр бүлтэйгээ хамт ирсэн ч өсвөр насны 570 гаруй, бага насны 80 гаруй хүүхэд  гуравдугаар сараас хойш хоригджээ.

Хүүхдүүдийг төлөөлөн шүүх хуралд оролцож байгаа хуульчийн мэдээлснээр, хоригдож буй хүүхдүүд шүүгчтэй, эсвэл хуульчтай холбоо тогтоох боломжгүй нөхцөлд байгаа аж. Тэд хаалттай зочид буудлуудын дотор юу болж байгаа тухай жижиг сажиг мэдээллүүдийг энд тэндээс цуглуулсаар өдийг хүрчээ. Гэвч тэдний хэлж байгаагаар одоо ч маш олон зүйл олны нүднээс далд байсаар байна.

Эцэг эхээсээ тусдаа хоригдож буй хүүхдүүд

Гондурасаас ирсэн 16 настай хүү Эл Пасо зочид буудалд 28 хоног хоригдохдоо утсаар ярих аавынхаа хоолойноос айдас мэдэрдэг байжээ. Эл Пасо зочид буудалд хүүхдүүдийг өдөрт ердөө 10 минут эцэг эхтэй нь утсаар яриулдаг. Түүгээр ч зогсохгүй тийнхүү ярихдаа чанга яригч дээр нь тавьж, ажилтны хяналт доор ярих ёстой.

“Хүмүүс бидний үйлдэл бүрийг хянаж байдаг. Тиймээс би аавдаа байгаа газраа зааж өгч чадаагүй. Би түүнд байгаа буудлынхаа хаяг, нэрийг ч хэлж чадаагүй. Аав минь хаана байгааг минь үргэлж асууна, ‘Хэлж болохгүй ээ’ гэж хариулахад минь бүр ихээр санаа зовдог байсан” хэмээн хүү ярьсан байна.

Цагаач хүүхдүүдэд албан ёсны биеийн байцаалт, гар утас гэх мэт зүйл байхгүй тул эцэг эх нь тэднийг хайж олоход тун бэрх болдог. Ялангуяа долдугаар сараас хойш хүүхдээ алдсан маш олон цагаач гэр бүл хуульчдад хандах болсон байна.

Хуульчид дугаараа бариад буудлын гадаа зогсдог

Заримдаа арайхийж хүүхдүүдийг оллоо ч тэдэнд хүрэх бараг боломжгүй  байдаг байна. Жишээ нь, бүлэг хуульчид долдугаар сард цагаач хүүхдүүд "Хэмтон" зочид буудалд хоригдож байгааг олж мэджээ. Гэвч тэднийг дотогш оруулах байтугай барилгад ойртуулаагүй аж. Тиймээс хуульчид дотор байгаа хүмүүсийн анхаарлыг татахын тулд машиныхаа дуут дохиог хангинуулан, утасны дугаараа том самбар дээр бичээд барин зогсоцгоосон байна.

Үр дүнд нь хэд хэдэн хүүхдүүд цонхоор тэднийг олж харсан ч “Бидэнд утас байхгүй, гэхдээ та нарын тусламж хэрэгтэй байна” гэж бичээд, цонхон дээрээ наахаас өөр зүйл хийж чадаагүй аж. Хуульчид руу үнэхээр нэг ч хүүхэд залгаагүй боловч мэдээ харсан зарим эцэг эхчүүд хүүхдүүдээ тэнд байгааг мэдэж авчээ.

Улмаар цагаач гэр бүлүүд хуульчидтай хамтран зочид буудалд шаардлага тавихад зочид буудлын зүгээс тэдний барилгыг Засгийн газар ашиглаж байгааг мэдэгдсэн байна.

Зочид буудлууд доторх нөхцөл байдал

Эл Пасод хоригдож байсан хүүгийн ярьснаар зочид буудалд эхэндээ харгалзагчид нь сайхан ааштай, хүүхдүүдийн нэхсэн бүрийг өгч, хамтдаа кино үзэн, тоглуулж, идүүлж, унтуулж, тэр байтугай богино хугацаагаар гадаа гаргадаг байсан аж. Гэсэн хэдий ч дураараа явж болохгүй, хаана байгаагаа мэдэхгүй, цаашид юу болохыг ойлгохгүй байх нь тэдэнд маш их айдас, түгшүүр мэдрүүлж байжээ.

Нэгэн өмгөөлөгчийн ярьснаар, хүүхдүүдийн анхдагч хэрэгцээг буудлын ажилтнууд хангаж, богино хугацаагаар хаалттай гадаа талбай, бассейнд тоглуулдаг байсан ч тэдэнд зориулсан сэтгэл зүйч, боловсрол олгох төлөвлөгөө огт байгаагүй аж. Зочид буудлын зүгээс хүүхдүүдийг төрийн хамгаалалтад байлгаж байгаа хэмээж буй бөгөөд маш олон асуултад хариулаагүй хэвээр байна. Мөн засгийн газрын нэгэн ажилтан “Эрүүл мэндийн төвийн зөвлөснөөр тэднийг олон нийтээс тусгаарлах богинохон хугацаанд хүүхдүүдэд хэрэгтэй бүх зүйлийг бид бэлдэж өгсөн. Тэдэнд дулаан ор, идэх хоол, зурагт, видео тоглоомууд зэрэг сатаарах бүх зүйл бий. Тэд бүр өрөөнийхөө дулааныг ч өөрсдөдөө зориулан тохируулах боломжтой” хэмээн ярьжээ.

Эх сурвалж: CNN

Энэ мэдээнд өгөх таны сэтгэгдэл?
3
БурууБуруу
2
ЗөвЗөв
2
ХахаХаха
1
ХарамсалтайХарамсалтай
0
ХөөрхөнХөөрхөн
0
ГайхмаарГайхмаар
0
ТэнэглэлТэнэглэл
Баярлалаа!

Холбоотой мэдээ

8 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-09-04 66.181.187.239

Хамгийн ихээр ардчилал ярьдаг хамгийн харьгис засаг захиргаатай улс: 1945 оноос хойш ашиг хонжооны төлөө маш олон улсад өнгөт хувьсгал хийж, олон сая хүний амь насыг хөнөөсөн. Эдний засаг захиргаа орлого, ашиг харагдвал одоо ч хаан ч өнгөт хувьсгал хийх, дайн эхлүүлэхэд бэлэн. Дайн, зэвсэгт хүчний салбарт хамгийн их мөнгө төсөвдөө тусгадаг. 718 тэрбум доллар-2019 онд.

Avatar

Зочин 2020-09-04 202.179.24.48

Ардчилал гэж дураараа авирлах тухай биш. Нэг төрлийн бас дэглэм. Дэглэмгүй нийгэм гэж байхгүй. Хятад улс уйгаруудыг яаж байна, АНУ цагаачдыг яаж байна, Орос сөрөг хүчний удирдагчдаа яаж байна. Тэнгэр газар шиг ялгаатай.

Avatar

Зочин 2020-09-04 66.181.178.10

ЯМАР МАНГАР ЮМ БЭ?.ЦАГААЧ ХҮҮХЭД ГЭЖ ХЭН? ЯАЖ ОРЖ ИРСЭН БЭ?ЭЦЭГ ЭХ НЬ ХААЧСАН БЭ? CNN АРДЧИЛСАН НАМЫНХ,СОНГУУЛЬ БОЛОХ ГЭЖ БАЙНА.ЖААХАН БОДОЖ ЧАДАХГҮЙ ЮУ?НЭГ Л ИХ АРДЧИЛАЛ АМЕРИК 2 ХАРААСАН АДГУУСНУУД.

Avatar

иргзн 2020-09-04 202.179.27.143

алив өнөө манайханы Ардчилал энэ тэр гээд байдаг тэр Ардчилал чинь ийм л Аймаар Арьс өнгөөр ялгаварласан , Хүний Эрхийг зөрчсөн, тэгээд бас Ардчилалын Өлгий гээд байдаг АНУ-д ийм л Харигслал явагдаж байна ш дээ, Цагдаа нар нь Хар арьстангуудыг гудамжинд нохой шиг буудаж , Цагаач хүүхдүүдыг тусгайлан Хорино гэдэг чинь Америкчуудын өөрсөлийнх нь хэлдэгээр Өөрсөд өө ёстой Геноцид харигслал явуулж байна ш дээ

Avatar

Зочин 2020-09-04 211.36.140.124

Mongol shig hogtstei oroond horij nphoin hool ogchhood bur ooriih ni mongiig avaad shuu..tged darga tsereg ard tumengui bugd dairch davshlaafui l bna da..olnii tanil mongotei nohoinuudiig blhr hussen buudald ni vairluulaad nogoo hed ni live hiij orooho magtaad l..mongol bol darga..bayan..gadaaduudad uneheer byalduuch pyaldaga..archaagui humuuseer duursen uls pzda gej…nii5 ni negiihe toloo duugarah bish erh medeltnuudiin bogsiig dolooj tedniig demkhiin huslen bolson huuuseer duurchee hoorhi

Avatar

Зочин 2020-09-04 43.242.242.59

Харгис капитализмыг байгуулж байгаа орон наанаа хүний эрх гэж ярьдаг боловч үнэн чанартаа хамгийн их зөрчдөг улс. Цагаач нарыг ийм л тавилан хүлээнэ. өөрийн гэсэн оронгүй улс яая гэхэв. Харин монголчууд эх оронгүй юм шиг улс үндэстэн нь байхгүй юм шиг тэнд цагаачлаад аав ээж нь цагаачлуулаад байгаа нь хачирхалтай. Хүний эрхэнд байхаас эрх чөлөөтэй өөрийнхөө хүссэнээр нутагтаа дотны хүмүүстэйгээ жаргаж байсан нь дээрээ. Би хэзээ: ч цагаач болохгүй. Би монгол улсдаа хэрэгтэй

Avatar

Зочин 2020-09-04 202.9.40.22

виз нь гараагүй юм байхдаа

Avatar

kub 2020-09-04 202.9.40.8

amerikuud yum chini zuv l yum khiij baigaa

NewsMN Гар утасны хувилбар Татах
NEWS.mn

Мэдээллийн эх сурвалж