Тайванийн эрх баригчид паспортын загвараа өөрчлөх шийдвэр гаргажээ. Уг шийдвэр нь тайвань хүмүүсийг эх газрын Хятадын иргэдтэй андуурагдахаас сэргийлэх зорилготой аж.

Одоогийн паспортын нүүрэн дээр англи хэлээр “Тайвань” гэсэн үгийг жижгээр, “Бүгд Найрамдах Хятад Улс” (Republic of China) гэсэн үгийг томоор хэвлэсэн байдаг бол шинэ паспортын нүүрэнд “Тайвань” гэдэг үгийг латин үсгээр томоор, “Бүгд Найрамдах Хятад Улс” гэдэг үгийг жижигрүүлэн ханз үсгээр хэвлэхээр болжээ.

Цар тахлын улмаас гадаад улс орнуудад тайвань хүмүүс хятад хүнтэй андуурагдан гадуурхагдах, хилийн хоригт өртөх эрсдэл бий болсон байна. Тайванийн эрх баригчдын уг шийдвэрт Хятадын тал тийм ч таатай хандахгүй байгаа ба паспортынхоо загварыг өөрчилснөөр Хятадын “Нэг Хятад” бодлогод нөлөөлж чадахгүй хэмээн мэдэгджээ.

Эх сурвалж: BBC