"Зарим иргэд ногдол ашгаа арилжсан гэдгээ мэдэхгүй байна" | News.MN

"Зарим иргэд ногдол ашгаа арилжсан гэдгээ мэдэхгүй байна"

"Зарим иргэд ногдол ашгаа арилжсан гэдгээ мэдэхгүй байна"

"Зарим иргэд ногдол ашгаа арилжсан гэдгээ мэдэхгүй байна"

 “Эрдэнэс Таван толгой” ХК-ий 1072 ширхэг хувьцааны ногдол ашгийн мөнгийг өнөөдөр /2020.09.03/-өөс эхлэн иргэдийн арилжааны банкны дансанд шилжүүлэх болсон тухай “Үнэт цаасны  төвлөрсөн хадгаламжийн төв”-ийн гүйцэтгэх захирал Ж.Байгалмаа мэдээлэл хийлээ.

“Үнэт цаасны  төвлөрсөн хадгаламжийн төв”-ийн гүйцэтгэх захирал Ж.БАЙГАЛМАА:

-Манай байгууллага Монгол Улсын үнэт цаасыг хадгалдаг, бүртгэдэг, үнэт цаастай холбоотой шилжүүлэг хийдэг 100 хувь төрийн өмчит компани. “Эрдэнэс Тавантолгой” ХК  дөрөвдүгээр сарын 24-ний өдөр болсон хувьцаа эзэмшигчдийн хурлаараа нийт хувьцаа эзэмшигчдэд  ногдол ашиг олгох шийдвэрийг гаргасан. Ингэснээр энэ оны тавдугаар сарын 1-ний өдрөөс эхлэн ногдол ашиг олгогдох талаар түүхэн шийдвэр гарсан. Энэ хүрээнд ногдол ашиг зуучлан олгох гэрээ хоёр компанийн хооронд хийсэн бөгөөд тэрхүү 1072 хувьцааны ногдол ашиг өнөөдрөөс эхлэн үнэт цаасны данс нээлгэж, өөрийн нэр дээрх арилжааны банкны дансаа холбуулсан иргэдийн Үнэт Цаасны Төвлөрсөн Хадгаламжийн Төв дахь үнэт цаасны дансанд байршиж эхэллээ. Ногдол ашиг авах 2 сая 512 мянга 768 иргэн, 486 ААН-ийн 179 тэрбум 830 сая төгрөгийн ногдол ашгийг зуучлуулан тараах гэрээ хийсэн.

Үүний дагуу ЭТТ ХК 2020 оны тавдугаар сарын 5-нд 60 тэрбум төгрөг, наймдугаар сарын 6-нд 40 тэрбум төгрөг, мөн сарын 25-нд үлдсэн 79.8 тэрбум төгрөгийг шилжүүлж, төрийн санд 179 тэрбум 830 сая төгрөг байршаад байна. Ингэснээр ногдол ашгийг иргэдийн дансанд шилжүүлэх үүрэг 100 хувь манай байгууллагад хамаарч байна.

Мэдээллээ баталгаажуулсан иргэдийн  ногдол ашгийг наймдугаар сарын 28-ны өдөр бичилтийг нь хийгээд дууссан. Бичилт хийнэ гэдэг нь иргэн Бат хэдэн ширхэг хувьцаа эзэмшиж байгаагаас хамааран хэдэн төгрөг олгох вэ гэдгийг системийн дагуу автоматаар бичээд дууссан  гэсэн үг. Угтаа бид 1072 хувьцааг тараах бэлтгэл ажлыг бүрэн хангасан. Өнөөдрийн байдлаар 1 сая 883 мянган иргэн хувьцааны данс нээлгэсэн байгаагаас 1 сая 100 мянга гаруй иргэн банкны мэдээллээ баталгаажуулсан байна. Банкны мэдээллээ баталгаажуулна гэдэг нь үнэт цаасны дансаа, өөрийн ногдол ашиг авах банкны данстай холбуулна гэсэн үг. Ингэснээр ногдол ашиг нь орно.Манай компанийн зүгээс ногдол ашиг тараах бэлтгэлийг маш сайн хангаж ажиллаж байгаа. Тодруулбал, бид УБЕГ, Хөдөлмөр, Халамж үйлчилгээний хэлтэс, арилжааны 13 банк, үнэт цаасны 53 компанитай хамтарч ажиллалаа.

Харин зарим иргэд 2011 онд оюутны сургалтын төлбөр болон Засгийн Газарт “Сайн хувьцаа” нэрийн дор тодорхой тоо ширхгийн хувьцааг арилжсан. Тэдгээр иргэд 1072 ширхэг хувьцаатай иргэдтэй ижил хэмжээний ногдол ашиг авах боломжгүй тул ТҮЦ машин болон мэдээллийн сангаас өөрт хэдэн ширхэг хувьцаа байгааг шалгаж үзэх нь зүйтэй. Мөн бид гадаадад амьдардаг болон хөгжлийн бэрхшээлтэй иргэдэд ногдол ашгаа хэрхэн авах талаар сонголтыг олгож байгаа. Тэдгээр И-баримтад бүртгэлтэй дансаар болон бусад хэлбэрээр авах боломжтой гэв.

Хувьцаагаа сургалтын төлбөр болон бэлэн мөнгөөр арилжаалсан хүмүүс, огт арилжаалаагүй хүмүүс гээд хоорондоо ялгаатай ногдол ашиг авах юм.

С.УНДАРМАА

Энэ мэдээнд өгөх таны сэтгэгдэл?
2
ХахаХаха
2
ТэнэглэлТэнэглэл
2
БурууБуруу
1
ЗөвЗөв
1
ГайхмаарГайхмаар
0
ХөөрхөнХөөрхөн
0
ХарамсалтайХарамсалтай
Баярлалаа!

Холбоотой мэдээ

6 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Ajaa taij 2020-09-03 202.9.46.114

11n ondoch biluu 10r horoolold ocheloj huvitsaanii saya tuguu avahgui gej huudas buglusun. Harin daraa ni turiin banknaas tanii mungu garsan baina av gesen. Avahgui gej urugluu ugsun getel negent bichilt hiigdsen baina avahaas argaggui gej hucheer ugsun. Ene emegnelt ineedemt yavdliin buruutang heleh turiin alban haagch baina uu?

Avatar

Зочин 2020-09-03 202.179.25.105

1072 нэсэн нь 1063 болсонуу 9 ийг нь хэн гусав

Avatar

Зочин 2020-09-03 202.126.89.238

Брокер диллерийнхэн гэж паразитууд шүү дээ, шимэгчид

Avatar

Зочин 2020-09-03 103.229.122.238

Аргай пүүс утсаа авахгүй арилсан бна хэрхэн ашгаа хүртэх вэ хариу авъяа брокерийн компаниа яаж солих вэ

Avatar

Зочин 2020-09-03 192.82.76.117

Элий балай авгай

Avatar

Зочин 2020-09-03 182.160.0.36

Аль эрт сонгуулийн өмнө 2011 оны эцсээр тэтгэвэрийнхэнд 1сая төгрөг тараасан. Юу ч ойлгоогүй байхад нь 1 сая төгрөгийг тараасан. Юуны 1 сая төгрөг гэдгээ ч ойлгоогүй авцгаасан. Одоо тэр 1 саяа тэглэчихмээр юм даа. Тэтгвэрийнхныг насаар нь Төр хохироосоноо мэдэх л учиртай. Жил бүр Төрийн буруугаас тэтгэвэрээ инфляцид идүүлдэг. Одоо тэрийгээ хэзээ хэзээгүй үхэх хөгшчүүлтэй Төр засаг үхэн хатан тооцоо хийж хэрэггүй биз ээ. Төр одоо хайраа үзүүлэх цаг болсон.

NewsMN Гар утасны хувилбар Татах
NEWS.mn

Мэдээллийн эх сурвалж