Үндсэн хууль зөрчөөгүй гэж үзэв | News.MN - Мэдээллийн эх сурвалж

Үндсэн хууль зөрчөөгүй гэж үзэв

Хуучирсан мэдээ: 2016.01.31-нд нийтлэгдсэн

Үндсэн хууль зөрчөөгүй гэж үзэв

Нэр бүхий иргэд Үндсэн хуулийн цэцэд хандаж Монгол Улсын Засгийн газрын тогтоолоор баталсан “Эдийн засгийн ил тод байдлыг дэмжих тухай хуулийг хэрэгжүүлэх журам”-ын зарим заалт нь Үндсэн хууль зөрчсөн гэж үзэж өргөдөл, мэдээлэл ирүүлсэн билээ. Тэдгээрийн дагуу үүссэн маргааныг хянан шийдвэрлэх Үндсэн хуулийн цэцийн Дунд суудлын хуралдаан өнгөрөгч баасан гаригт боллоо.

Уг хуралдаанаар “Эдийн засгийн ил тод байдлын дэмжих тухай хуулийг хэрэгжүүлэх журам”-ын 2.1.1 дэх заалтын ““нуун дарагдуулсан” гэж хувь хүн, хуулийн этгээд хөрөнгө, орлого, үйл ажиллагаагаа Эдийн засгийн ил тод байдлыг дэмжих тухай хуулийн 4.1-д заасны дагуу 2015 оны 4 дүгээр сарын 1-ний өдрөөс өмнө мэдүүлэх, бүртгүүлэх, тайлагнах үүргээ биелүүлээгүйн улмаас холбогдох албан татвар болон нийгмийн даатгалын шимтгэлийг төлөөгүй, дутуу төлсөн байхыг ойлгох бөгөөд энэ нь холбогдох төрийн байгууллага, албан тушаалтны аливаа хяналт шалгалтаар тогтоогдоогүй байхыг;” гэсэн нь Үндсэн хуулийн холбогдох заалтыг  зөрчөөгүй байна гэсэн дүгнэлтийг Үндсэн хуулийн цэц  гаргалаа.

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

Зочин 2016-01-31 202.179.26.73

Ил тод байдлын хуулиар ил болсон , нуун дарагдуулж байсан 7 тэрбумын хөрөнгө ил болжээ. Өөрөөр хэлбэл энэ хөрөнгөтэй дүйх татвар төлөгдөөгүй , тэр хэмжээгээр улсын төсөв хомсдож , соёл ,боловсрол, нийгэмийн арга хэмжээний санхүүжилт дутаж, төсөвийн хүрээний ажиллагсадын цалин, иргэдийн халамж , тэтгэвэр тэтгэмжийг нэмэгдүүлж чадахгүй байсаар байна. Ил тод байдлын хууль нь томоохон аж ахуйн нэгжид - УИХ - суугаа нөхдийнхэд үйлчилсэн болохоос биш , ердийн , байнгын дарамтанд байж татвараа төлдөг жижиг бизнес эрхлэгчдэд үйлчлээгүй шүүдээ. Одоо таван жилийн давтамжтай ийм хууль гаргадаг болоод тэд таван жил тудамд өршөөгдөж , нуун дарагдуулсан асар их хөрөнгөөр тэд улам баяжиж , хөрөнгөжиж байх юм. Энэ нь их хөрөнгө нуун дарагдуулж улсын төсөвийг хомсдуулсан нь их гавьяатай , бас буруугүй үйлс байсан мэт болж урамшуулагдаж байхад яагаад үндсэн хууль зөрчөөгүй гэж дүгнэгддэг байна. Үндсэн хуульд баян ч бай ядуу ч бай хүн бүхэн хуулийн өмнө ижил үүрэг , хариуцлагатай байх ёстой биш билүү . Ядахдаа өмнөх өршөөлийн хуулинд хамрагдаж байсан , дахин энэ удаа хамрагдаж байгаа нь хэд байгаагыг нь авч үзмээр юмдаа. Үндсэн хуулийн цэцийнхэн минь ээ.