Хонь

Ажил хэрэг, мөнгө санхүү: Ажил хэргийн хувьд гэнэтийн санаандгүй зүйлс их тохиолдоно. Энэ нь сайн бас муу ч байж болох тул аливаа зүйлд бэлтгэлтэй байж “Б” төлөвлөгөөтэй байгаарай. Ажил хэрэг дээр хамтын ажиллагаа, бичиг баримт, гэрээ хэлэлцээр, тоо данстай холбоотой зүйлсэд хөнгөн хуумгай хандаж болохгүй. Гэхдээ Хонины ордод ноёрхогч Бархасбадь гаригийн нөлөөгөөр маш олон сайхан боломж таарч, санхүүгийн хүндрэлээс гарах болно.

Хайр дурлал: Энэ сард Сугар гариг Хонины орд руу эргэж байгаа бөгөөд энэ нь хайр дурлалын илэрхийлэл төдийгүй хосуудын харилцааг зөв тийш нь чиглүүлэхэд дэм болдог. Тиймдээ ч Хониныхон ирэх сард сэтгэлийн хөдөлгөөн ихтэй байх болно. Өнгөрөгч сар хэцүү, ээдрээтэй байсан байж болох ч одоо бүх зүйл сайхан болно. Гэхдээ хөнгөн хуумгай шийдвэр гаргахаас болгоомжлоорой.

Эрүүл мэнд: Биeдээ гарсан бага ч гэсэн өөрчлөлтийг тоолгүй өнгөрөөлгүй эмчид үзүүлэх хэрэгтэй шүү. Энэ сарын хоёрдугаар хагаст илүү их анхаарал болгоомжтой байх хэрэгтэй. Сарын сүүлийн долоо хоногт осол аваар, эсвэл хүнд өвчин тусч болзошгүй шүү.

Үхэр

Ажил хэрэг, мөнгө санхүү: Шийдвэрлэх асуудлууд ар араасаа цуварч, цоо шинэ зохион байгуулалт шаардсан нөхцөл байдалтай тулгарна. Үүний үр дүнд хэтийн төлөвлөгөөгөө өөрчилж ч мэдэх юм. Ирэх сарын хугацаанд Үхрийнхний бухимдлыг төрүүлэх гол зүйл нь мэдээлэл солилцох болон бичиг баримттай холбоотой байх болно. Дасч сурсан хэв маяг, дэглэмээ өөрчлөх цаг нь аль хэдийнэ болж, санаачлагатай, холч ухаантай байх хэрэгтэйг од эрхэс сануулж байна. Энэ сард Үхрийнхний ажил хэргийн хувьд тийм ч сайн байхгүй ч хувийн орлого муугүй байх болно. Гэхдээ мөнгөнд болгоомжтой хандаж, зөв зүйлд зарцуулах хэрэгтэйг мартаж болохгүй.

Хайр дурлал: Есдүгээр сарын 18-нд тус гариг Үхрийн ордноос шилжин явснаар сүүлийн гурван жилийн хугацаанд нэг л болж өгөхгүй, удаашраад байсан хайр дурлалын амьдрал чинь сэргэн мандаж эхэлнэ. Одооноос эхлээд хязгаарлагдмал, ганц бие амьдралдаа баяртай гэж хэлэхдээ бэлдээрэй. Санчир гариг Үхрийн ордыг орхиж явсны дараа Бархасбадь гариг ивээлдээ авснаар хайрын романс, шинэхэн учралуудаар бялхах нэг жилийн хугацааг ганц биечүүдийн өмнө нээж байна.

Эрүүл мэнд: Эрүүл мэндийн хувьд өөрийн дархлаанд бат итгэлтэй байж, санаа зовох зүйлгүй гэж бодож байж болох ч энэ сард болгоомжтой байхгүй бол горьгүй нь. Чамд заналхийлж байгаа гол зүйл бол чиний амьдралын буруу хэв маяг юм. Залхуу хойрго, хэнэггүй зангаасаа болж томоохон асуудалтай тулгарч болзошгүй. Ажлын машин байхаа больж, өөрийгөө амраа. Тэгээд илүү ихээр инээмсэглээрэй. Амьдралын хэв маяг, хооллолт болон эрүүл мэндийнхээ талаар нухацтай бодох цаг нь иржээ.

Ихэр

Ажил хэрэг, мөнгө санхүү: Ажлын талбар дээр Ихрийн ордныхныг шаргуу ажиллах гурван жил хүлээж байна. Саад бэрхшээл болоод таагүй зүйлс тохиолдож ч магадгүй. Тиймээс одооноос өөрийгөө бага багаар амрааж эхэл. Хэдийгээр чиний хийх ажлын хэмжээ их, саад бэрхшээлтэй, хоёрдмол байдал үүсч магадгүй ч гэлээ ажиллахын хэрээр орлого өсч, санхүүгийн асуудлаа шийдэх бүрэн боломжтой болно. Харин чамд өөрт чинь эмх цэгцгүй, хэцүү байгаа мэт санагдаж магадгүй шүү. Сар эхлэхэд л та мэдлэг, авьяас, ур чадвараа ил гаргаж, эелдэг харьцаа, санаачлага, сэргэлэн зан чанараа ашиглан өөрийгөө илэрхийлэх гэж хүсэх нь асар их сэтгэл ханамжийг чамд өгөх болно.

Хайр дурлал: Ихрийн ордны хосуудын харилцаа шинэ сард ахин нэг шатаар ахих болно. Учир нь Санчир гариг шууд нөлөөлж эхлэн 2020 оныг дуустал чамаас хараагаа салгахгүй. Энэ үед гэр бүлийн харилцаа болон гэр орондоо цаг гаргаж харилцаагаа илүү боловсронгуй болсноор харах хэрэгтэй шүү. Ганц биечүүдэд хайр дурлалыг зүгээр нэг зугаа биш ач холбогдолтой зүйл гэдгийг ойлгож, илүү хариуцлагатай байхыг од эрхэс сануулж байна. Хэдий хангалттай сайн анхаарч, санаачлагатай байсан ч харилцаа чинь өмнөх шигээ хатуу ширүүн хэвээр байвал сэтгэлээр уналгүй нэг ёсны шалгуур гэж бодоорой.

Эрүүл мэнд: Харин эрүүл мэнд чинь тун сайн байх нь. Спорт бүжиг, дугуй унах, аялах, алхах, гээд эрчим хүч их зарцуулах зүйлс чамд сонирхолтой байна. Уран зураг, уран баримал гэх мэт бүтээлч урлагийн төрөл бүхий хобби нь чамд тайвшрал өгнө. Өөрийнхөө мөрөөдлийн дүр төрхөө бүтээхийн тулд шаргуу ажиллаж, авьяас чадвар, эрч хүчээ харамгүй зарцуулаарай.

Мэлхий

Ажил хэрэг, мөнгө санхүү: Мөн энэ сард таны зарим санхүүгийн асуудал шийдэгдэх болно. Ажил дээрээ хариуцлагатай, сахилга баттай байх хэрэгтэй. Ажил мэргэжлийн хувьд ямар нэгэн шинэ санаа, өөрчлөлт, шинэ ажил хэрэгжүүлэхээр зэхэж байгаа бол шуудхан л би үүнийг өөрчиллөө, шинэ ажлаа эхлүүллээ гэлгүйгээр бага багаар төлөвлөгөөтэй, хянамгай эхлүүлбэл илүү үр дүнтэй байна.

Хайр дурлал: Мэлхийнхнийг захирагч Санчир гариг энэ сард ухрах хөдөлгөөн хийх тул тус ордны ганц бие хүмүүс хайр дурлалын хувьд энэ сар ногоон гэрлээр гарч байгаа адил бүтэмжтэй байх болно. Энэ сар Ангараг гариг гайхалтай байрлалд байгаа тул танд аз жаргал, шинэ боломжуудыг бэлгэдэж байна. Буд гариг энэ ордны хайр дурлалын одон дээр байрлаж байгаа учраас ганц биe хүмүүсийн хувьд хэн нэгэнтэй шинэхэн харилцаа үүсгэж магадгүй.

Эрүүл мэнд: Эрүүл мэнддээ анхаарах хэрэгтэй. Ямар нэг архаг өвчтэй бол сэдэрч магадгүй тул болгоомжтой байгаарай. Хамгийн сайн мэдээ гэвэл өөртөө итгэлтэй байвал ажил үйлс чинь бүтэмжтэй байх болно гэдгийг санаарай. Энэ сард ямар ч ажилтай байсан ч гэр бүлийнхэнтэйгээ уулзаж байх хэрэгтэй шүү.

Арслан

Ажил хэрэг, мөнгө санхүү: Сарын эцэст хэт чухал шийдвэр гаргахаас зайлсхий. Сугар гариг танай карьерын хэсгийг ч бас удирддаг учраас урагшлах хөдөлгөөн нь чиний хүссэн албан тушаал, орон зай руугаа чөлөөтэй хөдлөх замыг чөлөөлж, мухардлаас аврах болно. Намар эхэлснээр чиний амжилт ч бас динамик хөдөлгөөнд орсноор олон зүйлийг амжуулах болно. Урьдын адилаар алдар нэр, ур чадвараа үнэлүүлэхийн төлөө зүтгэх ч гэлээ яг одоогийн байдлаар чамайг хамгийн их хөдөлгөгч хүчин зүйл нь мөнгө байна. Хэзээ бүх бооцоогоо тавьж, хэзээ тоглоомыг алгасах вэ гэдгээ мэдэрч чадвал ашиг орлого чинь ч сайн байх болно.

Хайр дурлал: Зургаан долоо хоногийн турш ухрах хөдөлгөөн хийсэн Сугар гариг буцаад Арслангийн ордыг чиглэж эхэллээ. Тиймээс энэ сарын хоёр дахь долоо хоногоос эхлээд чиний хайр дурлалын харилцаа буцаад хэвийн төлөвт шилжинэ. Онцгүй асуудлууд шийдэгдэж, бүрхэг зүйлс тодорч эхэлнэ. Гэхдээ ийм эгзэгтэй нөхцөл байдалд яарч хөдөлж болохгүй.

Эрүүл мэнд: Өвчин эмгэгийн Санчир гариг 26-наас амралтын байдал руу шилжих тул бие чинь дээрдэхийг мэдэрнэ. Мөн энэ үед чиний гэр бүл, гэр орон, хөрөнгөтэй холбоотой асуудлууд ч алга болох учраас биеийг чинь чилээх зүйл алга. Энэ есдүгээр сард өөрт байгаа эрч хүчээ ашиглаад оюун санаагаа тултал нь дайчлаарай.

Охин

Ажил хэрэг, мөнгө санхүү: Санхүүгийн хувьд зардлаа хянаж, өр төлбөрөө төлж дуусгах цаг нь иржээ. Мөнгөтэй холбоотой чухал шийдвэр гаргахаа түр азнаарай. Аравдугаар сарын 9-нөөс хойш буюу Буд гараг Охины ордод эргэж ирсний дараа гаргасан шийдвэрүүд хамгийн сайн нь байх болно. Есдүгээр сарын 28-нд тохиох сарны хиртэлт нь Охины ордныхны санхүүгийн байдалд өмнө нь таамаглаж байгаагүй хувьсгал авчирч болох учир сарын турш хэмнэлттэй байх хэрэгтэй. Гэхдээ ажил хэрэг дээр үүссэн тааламжтай нөхцлөөс ашиг хүртэх болно.

Хайр дурлал: Өмнөх сард Бархасбадь гариг Охины ордны хайр дурлал хосуудын харилцааг ивээж эхэлсэн бөгөөд есдүгээр сард ч тэндээ байх болно. Тиймээс хайр дурлалын асуудал анхаарлын төвд хэвээр байх нь гэдгийг дуулгая. Бархасбадь гаригийн байдал нь шинээр хайр дурлалын харилцаа үүсгэх, хэрвээ хэн нэгэнтэй ийм харилцаа байгаа бол албан ёсны болгох хүслийг тань нэмэгдүүлнэ. Гэхдээ та зарим нэг хүнийг бодит байдлаас нь хэт сайнаар үнэлээд байж магадгүй шүү. Энэ сард дотно харьцаатай хүнийхээ үнэн мөн чанарыг таньж мэдэх болно.

Эрүүл мэнд: Эрүүл мэндийн хувьд маш сайн байх болно. Нар болон Сугар гариг Охины ордод байрлаж байгаа тул маш их эрч хүч, аз жаргал өгч, энэ сарын турш сэргэлэн цовоо байх болно. Биe сулрах, өвдөх, осол аваар гэх мэт бүхий л муу зүйлс тохиолдох магадлал энэ сард буурсан байна.

Жинлүүр

Ажил хэрэг, мөнгө санхүү: Жинлүүрийн ордны ноёлогч Сугар гариг есдүгээр сарын 6-наас тус ордод шууд нөлөөгөө үзүүлж эхэлснээр ухаан санаа чинь идэвхгүй болчихоод байсан биедээ эргэж ирэх болно. Зохион байгуулалттай үйл ажиллагаа, бүлэг хүмүүсийн дунд орж, ижил сонирхолтой хүмүүстэйгээ нэгдэж эхэлнэ. Шинэ гэрээ хэлцэл, хамтын ажиллагаа, дэмжлэгүүд чамайг хүлээж байна. 2020 оны есдүгээр сарыг ерөнхийдөө Жинлүүрийнхний сар гэж хэлж болно. Мөн Санчир гариг Жинлүүрийн ордыг орхисноор саад тотгор, санхүүгийн таагүй байдлууд арилна гэдгийг итгэлтэйгээр дуулгая.

Хайр дурлал: Есдүгээр сарын 25-ныг хүртэл Жинлүүрийнхэн Сугар-Ангараг гаригуудын хамтын нөлөөнд байснаар аз од чинь гийх нь. Ангараг бол хосуудын харилцааг ивээгч, Сугар нь хайр дурлалын гариг юм. Мөн Сугар Жинлүүрийн ордны ноёлогч гариг бол Ангараг нь хүсэл тачаал, дур булаам байдлыг бэлэглэгч юм. Тиймээс Жинлүүрийнхний хайр дурлалын амьдрал энэ сард ирээдүйн аз жаргалын төлөвлөгөө болон хөгжилтэй романтик зүйлсээр дүүрэн байх нь ээ.

Эрүүл мэнд: Эрүүл мэндийн хувьд Сугар гаригийн шууд нөлөө завийг чинь хөдөлгөх салхийг чам руу илгээх болно. Учир нь түүний дэргэд эрч хүчтэй Ангараг гариг байгаа шүү дээ. Анхаарлаа төвлөрүүлж чадаагүй, мэдээллээ бүрэн солилцоогүй, мөн бүдүүлэг зан гаргаснаас болж асуудал үүсч мэднэ. Аялал зугаалгаар явсан ч ер нь хаа ч бай анхааралгүй байж болохгүй.

Хилэнц

Ажил хэрэг, мөнгө санхүү: Сугар, Нар, Бархасбадь гаригууд бүгд нэгдэн чиний ажил мэргэжлийн талбарт таатай байдал үүсгэж аз тохионо. Тэгэхээр энэ есдүгээр сард Хилэнцийн ордныхон ялалтын бүрээгээ үлээж, алга ташилт сонсохын тулд нэр хүндээ өсгөж, өөрийгөө илүү боловсронгуй болгон бүх хүчээ дайчлах хэрэгтэй. Хэдийгээр алдар нэр, албан тушаал хангалттай боловч бэлэн мөнгөний дутуу дулимаг байдал хэвээр үргэлжлэх нь. Тиймээс энэ сард санхүүгийн нөөцөө бүрдүүлж аль болох зардлаа тооцоолж мөнгөө хэмнэ. Та өөрийнхөө чадах хэмжээнд хүртэл хэмнэх хэрэгтэй.

Хайр дурлал: Хилэнцийн ордныхон энэ есдүгээр сард шунал тачаал, сэтгэл хөдлөлөөр дүүрэн байна. Хайр дурлал болон ажил хэргээ тэнцвэртэй хадгалах хэрэгтэй болно. Хостой Хилэнцийн ордныхон хамтрагчаасаа илүү зүйл хүлээж байж магадгүй. Заримдаа бүүр хэтэрхий ихийг шаардах нь бий. Хэрвээ та хосын харилцаандаа сэтгэл хангалуун, аз жаргалыг мэдэрч, эв нэгдлийг хүсч байгаа бол хэтэрхий их хүлээлт, зорилготой зүйл хүсэхээ багасгах хэрэгтэй. Тэгвэл чамд ч, хайртад чинь ч илүү дээр байх болно.

Эрүүл мэнд: Эрүүл мэндийн хувьд эрч хүчээр дутагдаж гачигдахгүй ч гэлээ дотоод сэтгэл үймээн самуунтай, нойргүйдэл, стресс, сэтгэлийн хямралтай байх ба амьсгалын систем, мөр, гар, эгэм, хавирга зэрэгтээ бэртэл авч болзошгүй. Тиймээс өөрийнхөө эрүүл мэндэд анхаарч сонор сэрэмжтэй бай! Хов жив гүтгэлгээс хол байж үндсэн зорилго чиглэлтэй бай! Энэ сард мөнгө зээлэх болон төлөхөд тохиромжгүй.

Нум

Ажил хэрэг, мөнгө санхүү: Нар, Бархасбадь гариг хоёрын туслалцаатайгаар есдүгээр сар Нумынхны хувьд амжилт бүтээлээр дүүрэн сар болж өнгөрнө. Гэхдээ хэт том зүйл рүү зорьсноор биелэх цаг хугацаа нь удаашрах магадлалтай. Хамтран ажиллагч, хамгаалагч, дэмжигчид чинь чамайг хойш нь татах юм уу зөрчилдөөн үүсч нэр хүнд чинь бага зэрэг хохирч болзошгүй. Гэхдээ удааширлаа гээд муу зүйлгүй гэдгийг санаарай, удаан байсан ч урагшлах нь л хамгийн чухал. Суралцах, аялах, гадаад түншүүдтэй холбоо тогтоож магадгүй. Санхүүгийн хувьд бүх юм хэвийн байдалдаа эргэн орно.

Хайр дурлал: Нумын ордны хайр дурлалыг хариуцагч Буд гариг одоо ухрах хөдөлгөөн хийж байгаа учраас та уярамтгай байх бөгөөд хайрттайгаа аль болох эвийг сахихыг хүснэ. Гэхдээ зарим зүйлс хүссэнээр болохгүй, тааламжгүй гэнэтийн бэлгүүд гарч ирж мэднэ. Тэр нь найз нөхөд болон мөнгөтэй холбоотой байх магадлал өндөр. Энэ үед хайрттайгаа хамт аялалд явах, эсвэл өөр орчинд очих нь зөв алхам болно. Харин ганц биечүүдийн хувьд хуучин харилцаагаа сэргээх, эсвэл холын зайны харилцаа үүсгэж магадгүй.

Эрүүл мэнд: Буд гаригийн нөлөөгөөр эрүүл мэндийн холбогдолтой асуудлууд урган гарч, эмнэлэгт үзүүлж, эмчилгээ хийлгэж магадгүй. Эрч хүч, зогсолтгүй хөдөлгөөний хажуугаар тэвчээргүй бөгөөд төвөгшөөнгүй зангууд илрээд байх вий.

Матар

Ажил хэрэг, мөнгө санхүү: Үл хөдлөх хөрөнгө, байр орны асуудалд илүү ихээр анхаарна. Нууцыг ил болгож, учрыг нь олох хамгийн тохиромжтой үе. Мөн хайртынхаа санаа бодлыг өмнөхөөсөө илүү гүнзгий ойлгох болно. Харин ажил мэргэжлийн талбар дээрээ тун идэвхтэй байх болно. Нэг талаас асуудлууд тодорхой болж ирэх ч нөгөө талаас улам ээдрээтэй нөхцөл байдлыг дагуулж байна. Энэ сард мөнгө гол зүйл байх болно. Сугар гаригийн тусламжтайгаар асуудлууд шийдэгдэж, Ангараг гариг санаачлагатай, хариуцлагатай байж цааш урагшлахад чинь тусална.

Хайр дурлал: Есдүгээр сард хайр дурлал, хүсэл тачаалын Сугар гариг Матрын ордныхныг ивээснээр тийм ч нам гүм байхгүй бололтой. Хайр дурлалыг сайхан муухай аль аль талаар нь мэдэрнэ гэсэн үг. Хосуудын хооронд мөнгөний асуудал зөрчил, бухимдлыг өдөөх хандлагатай байна. Хайртын чинь санхүү, эсвэл хөрөнгө оруулсан төсөл нь амжилттай байх ч та хоёрын маргааны эх үндэс болно.

Эрүүл мэнд: Эрүүл мэндийн хувьд энэ сар Матрынхных. Тийм болохоор жаахан өөрчлөлтөд хэтэрхий сүр бадруулах хэрэггүй. Гэхдээ ажил амралтаа зөв зохицуулахаа мартаж болохгүй. Ажлын ширээнийхээ ард нэг суугаад л бусад юмаа умартдаг гэдгээ мэдэж байгаа биз. Тайвшраад нэг л зүйлд тэвчээртэй, тайвнаар цагаа зарцуулаарай.

Хумх

Ажил хэрэг, мөнгө санхүү: Санхүүгийн хувьд боломжийн байж харилцагч түншүүдийн тал дээр бүтэмжтэй байх болно. Гэхдээ энэ нь чамд олон боломж харуулж байж болох ч эрсдэлтэй гэдгийг санаарай. Тиймээс санхүүтэй холбоотой зүйл дээр болгоомжтой байгаарай. Энэ сард гэрээ хэлцэл хийвэл сайн.

Хайр дурлал: Сугар гариг хосуудыг харилцаан ивээж эхлэх учраас аливаа болзошгүй хүндрэл, саад бэрхшээлүүд бага багаар арилах болно. Тиймээс хийхийг хүсч байгаа зүйлээ тодорхой болгох хэрэгтэй. Сугар гариг есдүгээр сарын 25 хүртэл Ангараг гаригтай давхацсанаар чамайг илүү дур булаам, тачаангүй харагдуулах болно. Тиймээс энэ сард та маш романтик, эрч хүчтэй, дүрэлзсэн нэгэн байж, дүрэм журмыг үл ойшоох болно. Романтик байдал чинь чамайг хөнгөн хуумгай болгож болзошгүй болохоор болгоомжтой байгаарай.

Эрүүл мэнд: Ачаалал ихтэй байж ядарч байгаа мэт санагдаж байгаа бол санаа битгий зовоорой. Ирэх сард тайван амрах боломж бүрдэх болно. Жижиг сажиг зүйлд санаа зовоох хэрэггүй. Бусадтай эвтэй байж харилцаагаа хэвээр нь хадгалж авч явах нь чухал шүү. Энэ нь чамайг эрч хүчээ тэнцвэртэй байхад чинь тусална.

Загас

Ажил хэрэг, мөнгө санхүү: Есдүгээр сарын карьерын төлвийг хурдан шаламгай хөдөлгөөн, чиний оруулах оролцоо, хувь нэмэр тодорхойлж байна. Давчуу нөхцөлд ажиллаж, энэ саржингаа завгүй өдрүүд өнгөрөх боловч хичээл зүтгэл чинь чамд мөнгөн орлогыг авчрах юм уу, сайхан туршлага болж үлдэнэ. Хамтын ажиллагаа чухал байгаа өнөө үед шинэ санал, гэрээний сураг дуулдаж магадгүй. Хянуур няхуур хандаарай. Ирээдүйтэй зүйлд ч болгоомжгүй байдал саад учруулж мэднэ. Гэнэтийн санхүүгийн хэрэгцээ тулгарч магадгүй тул нөөцтэй байсан ч зүгээр.

Хайр дурлал: Бархасбадь гариг таны есдүгээр сарын амьдралд амт нэмэхээр бэлдэж байна. Зөвхөн энэ сар ч биш, Загасны ордныхонд амьдрал бүтэн жилийн турш “тааламжтай санал” тавих нь ээ. Хамгийн өгөөмөр гариг болох Бархасбадь нь чамд аз жаргал, сэтгэл дүүрэн байдлыг авчирна. Гэхдээ байрлалаасаа болоод зарим үед ухрах хөдөлгөөн ч хийж магадгүй. Хамтрагч чинь чамаас зайгаа барих, хүсэн хүлээж байснаас чинь өөр байх, эсвэл та өөрөө мэдэх ёсгүй байсан зүйлээ мэдэж магадгүй. Үгүй бол санхүү, ажлын стресс зэрэг нийтлэг асуудлууд та хоёрын дүүрэн жаргал дундах хэсэгхэн зовлон болно.

Эрүүл мэнд: Энэ сард та гоо сайхан, эрүүл мэнддээ анхаарал хандуулж, биеэ арчилж тордох болно. Чиний хувьд чухал хэн нэгний төлөө ч үүнийг хийж магадгүй. Хариуцлага өндөрссөнтэй холбоотойгоор дарамтад орж, ачааллаа хэтрүүлж магадгүй. Чухал зүйлдээ л анхаарч, бүхнийг төгс болгох гэсэн хүслээ хойш тавиарай. Бусдын ажилд оролцох хэрэггүй.