“Лайк” товчлуур олон сонголттой болно | News.MN - Мэдээллийн эх сурвалж

“Лайк” товчлуур олон сонголттой болно

Хуучирсан мэдээ: 2016.01.30-нд нийтлэгдсэн

“Лайк” товчлуур олон сонголттой болно

Нийгмийн цахим сүлжээний “Фейсбүүк” хуудсанд нийтэлсэн зураг, нийтлэл, дүрс бичлэгийн талаар сэтгэгдлээ илэрхийлэх “лайк” буюу “таалагдлаа” гэсэн ганцхан сонголт байдаг. Харин тус компани энэ сонголтыг илүү өргөтгөж, сэтгэл хөдлөл илэрхийлсэн зургуудыг “лайк” товчлуурын хажууд байрлуулахаар ажиллаж байна.

Марк Цукербергийн мэдэгдсэнээр, энэ өргөтгөл Испани, Ирланд болон бусад хэд хэдэн газарт туршилтаар нэвтэрсэн байна. Тэрээр тун удахгүй “Фейсбүүк” хэрэглэгч хүн бүхэн энэ өргөтгөлийг ашиглах боломжтой болно гэж амлажээ. Хүмүүс “Фейсбүүк” хуудсан дахь нийтлэлд уурласан, баярласан, гунигласан зэрэг бүх төрлийн сэтгэгдлээ “таалагдсан” гэх ганцхан товчлуураар дамжуулж илэрхийлэх боломжгүй байгааг шүүмжилж ирсэн юм.

Энэ дутагдлаа нөхөхийн тулд “маш их таалагдаж байна”, “инээдтэй”, “баяртай”, “гунигтай”, “ууртай” зэрэг товчлуур болон уламжлалт “лайк” товчлуураас хүссэнээ сонгож, нийтлэлийн тухай сэтгэгдлээ илэрхийлэх боломж нээгдэх юм байна. Дэлхий даяар өдөр бүр нэг тэрбум гаруй хүн “Фейсбүүк” ертөнцөд холбогддог гэх тооцоо байгаа юм. “Лайк” товчлуураараа алдаршсан тус цахим сүлжээнд хийх энэхүү өргөтгөл томоохон өөрчлөлт авчирна. Иймээс энэ шинэчлэлийг хэрэглэгчдийн сэтгэл ханамжид нийцүүлсэн байдлаар бүрэн хийж дуусгахад нэлээд хугацаа шаардлагатайг тус компанийнхан хэлж байна.

Т.НОМИН

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

Зочин 2016-01-30 85.10.210.199

google+ facebook ees haamaagui goyo

Зочин 2016-01-30 103.26.193.9

facebook mongold haagdaasai

Зочин 2016-01-30 147.75.194.73

ineedtei gunigtai bayarlasan geh towchnuud hereggui ee, sonin bish baina. dislike towch hamgiin gol heregledeh towch baih heregtei baina. hug iin piazbook

Зочин 2016-01-30 37.49.226.236

fb deer like darah utaggvi. Harin unlike darah ymnuud ih baina shuu

Зочин 2016-01-30 202.126.91.154

гоё юм биш үү

Зочин 2016-01-30 182.160.37.225

yamar ch tovch hereggui. facebook hereggui

Зочин 2016-01-30 103.26.193.9

Facebook hereggu mongold haagdasai

Зочин 2016-01-30 103.26.193.187

dislike towch ih heregtei baina