Токиогийн нислэг хойшилж, есдүгээр сарын 12-нд нисэхээр болжээ | News.MN

Токиогийн нислэг хойшилж, есдүгээр сарын 12-нд нисэхээр болжээ

Токиогийн нислэг хойшилж, есдүгээр сарын 12-нд нисэхээр болжээ

Токиогийн нислэг хойшилж, есдүгээр сарын 12-нд нисэхээр болжээ

Улсын Онцгой комисс (УОК)-ын Шуурхай штабаас өнөөдөр (2020.09.01) цаг үеийн асуудлаар мэдээлэл хийлээ.


Энэ үеэр есдүгээр сарын нислэгт орсон өөрчлөлтийн талаар ГХЯ-ны Консулын газрын захирал Л.Мөнхтүшиг мэдээлэл өглөө. Тэрбээр "Өнгөрсөн удаагийн тусгай үүргийн нислэгийн талаарх мэдээллийг өгөхийн зэрэгцээ есдүгээр сард хийх нислэг тэр дундаа тоо өөрчлөгдсөн тухай мэдээлэл хийнэ.  Зарим тусгаарлах байранд өвөлжилтийн бэлтгэл ажил хангах засвар үйлчилгээ зайлшгүй хийх болсны улмаас есдүгээр сарын 9-нд Токио руу хийхээр төлөвлөж байсан тусгай үүргийн нислэгийг гурав хоног хойшлуулж, есдүгээр сарын 12-нд үйлдэгдэх болсныг албан ёсоор мэдэгдье. Энэ талаарх мэдээллийг Элчин сайдын яамаар дамжуулан Японд байгаа иргэдэд түгээж эхэлсэн. Иргэд маань ойлгож хүлээж авна гэж найдаж байна.

Өнгөрсөн хугацаанд бид 66 удаагийн нислэгээр 13.603 иргэнийг эх оронд нь авч ирээд байна. Есдүгээр сард хийх нислэгийн урьдчилсан хуваарийг та бүхэнд танилцуулсан. Шуурхай штабаас тусгаарлах байрны  тоог нэмэхээр ажиллаж байгаа. Ийм хүсэлтийг иргэд тогтмол тавьж байна. БНСУ-д коронавирусийн халдвар нэмэгдэж байгаа учраас тэнд суулт хийж байгаа иргэд өөрсдийн эрүүл мэндэд анхаарахыг хүсье. Түүнчлэн ОХУ-аас нутаг буцах хүсэлтэй иргэдийн тоо буурсан. Бид ойрын хугацаанд ОХУ-аас ирэх хүсэлтэй болон БНХАУ-аас буцах хүсэлтэй цөөн тооны иргэдийг хилээр нэвтрүүлэх товыг удахгүй зарлана" гэв.

“ИРГЭДИЙН САНААНД ТААРСАН БУУДАЛД ОРУУЛАХ ГЭЖ 08.00 ЦАГ ХҮРТЭЛ АЖИЛЛАЖ БАЙНА”

ЦЕГ-ын Нийтийн хэв журам, олон нийтийн аюулгүй байдлын албаны дарга, хурандаа Н.ЛХАГВАСАЙХАН:

-Өндөржүүлсэн бэлэн байдлын нөхцөлд нэг хоногт 183 алба хаагч дэглэм сахиулан ажиллаж байна. Улсын хэмжээнд цар тахлаас урьдчилан сэргийлэх зорилгоор 2020 оны нэгдүгээр сараас хойш 22.075 хүнийг ажиглалтад авч, 291 сэжигтэй тохиолдлыг лабораторийн шинжилгээнд хамруулсан. Улсын хэмжээнд давхардсан тоогоор 64 байршилд 12.936 алба хаагч хамгаалтад үүрэг гүйцэтгэж байна.

Тусгаарлан ажиглах байранд иргэдийг хүлээж авахад нийтлэг зөрчлүүд гарч байна. Жишээлбэл, коронавирусийн шинжилгээ өгөхгүй, байрны орчин бохир, хоол унд муутай, интенэт орчин байхгүй, тав тухгүй байна, хятад эзэнтэй зочид буудалд буудлахгүй, зочид буудал бясаа жоомтой байна, дарга нарт хэлнэ зэргээр төрийн алба хаагчдын ажилд саад учруулж байна. Цаашид ийм зөрчил гаргуулахгүй байх тал дээр арга хэмжээ авах шаардлагатай байна. Сүүлийн үед гадаадаас ирсэн иргэд “Энэ зочид буудалд байрлахгүй” гэж эсэргүүцэх боллоо. Зарим тохиолдолд цагдаагийн алба хаагчид эдгээр иргэдийг санаанд нь таарсан байранд оруулах гэж өглөөний 08.00 цаг хүртэл нойр хоолгүй хүнд нөхцөлд ажиллаж байна. Энэ байдал их чирэгдэл учруулж байна.

Нурсултан-Улаанбаатар чиглэлийн аяллын онгоцоор зургадугаар сарын 10-нд ирсэн дөрвөн иргэн “Вэйнзө” буудалд буухгүй гэж эсэргүүцсэн. Мөн Франкфурт-Улаанбаатар чиглэлийн онгоцоор долдугаар сарын 27-нд ирсэн 40 иргэн Баянхангай амралтын газар буухгүй гэж олон цагаар хүлээлгэсэн. Сиатл-Улаанбаатар чиглэлийн онгоцоор наймдугаар сарын 5-нд ирсэн найман иргэн, “Монголько” амралтын газар, арван иргэн “Сэлбэ ресорт” амралтын газар, Монголын үндэсний дээд сургуулийн дотуур байранд орохгүй гэж эсэргүүцсэн. Хорио цээрийн дэглэмийн үед олон нийтийн газарт нус, цэр, шүлсээ ил задгай хаясан 45.086 иргэн, цахим тоглоомын газар, урлаг, спортын газар ажлуулсан 29, цахимаар худлаа мэдээлэл тараасан 51, бөхийн барилдаан, хурдан морь уралдуулсан 19, жагсаал хийсэн 16, хорио цээрийн дэглэм зөрчсөн 131, тусгаарлах байрны дэглэм зөрчсөн 27, гэрээр тусгаарлах байрны дэглэм зөрчсөн долоон зөрчлийг илрүүлж, нийт 548.7 сая төгрөгийн торгууль шийтгэл ногдуулсан.

А.СҮРЭН

Энэ мэдээнд өгөх таны сэтгэгдэл?
3
БурууБуруу
1
ГайхмаарГайхмаар
0
ЗөвЗөв
0
ХахаХаха
0
ХөөрхөнХөөрхөн
0
ХарамсалтайХарамсалтай
0
ТэнэглэлТэнэглэл
Баярлалаа!

10 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-09-01 202.9.46.174

Tenuulch hulgaichuud gadaadad hulgai hiij .bas eh orndoo duugai irehgi eldviin yum yrij hucacgaah yumáa bair ssv hool muuch geh shig

Avatar

Зочин 2020-09-01 203.91.115.53

Өдрийн 50 к аар 7 одтой зочид буудалд буухгүй нь мэдээж Зарим бас арай хэтрээд байгаамаа

Avatar

Зочин 2020-09-01 203.91.115.53

Хэтэрхий их хэрүүл ам хийгээд байхаар арын ирж байгаа хүмүүст бас муугаар нөлөөлдөг бололтой Эх орондоо ирсэн бол хэд хоног наанатай цаанатай ам хэлээ замбараатай баймаар иум

Avatar

Иргэн 2020-09-01 39.7.28.133

Бүтэн8сар болж байхад одоо болтол байрны асуудал яриатай.бахь хоол муу бохир орчинд агааргүй орчинд 21 хоног хориостой хов ярьцгаасан үнэн чадваргүй төрийн албаныхан уим.

Avatar

Зочин 2020-09-01 103.10.23.136

УОК-ын аил удааширлтай. зохион байгуулалтай муутай бас дээр нь 21 хоног гэсэн дэлхийн улс орнуудын хаана байхгүй урт хугацааг санал болгож байна. 14 болгоод үнээ нэмээд үйлчилгээ зохион байгуулалтаа сайжруулах хэрэгтэй.

Avatar

Зочин 2020-09-01 66.181.176.22

Ta нарыг энэ ажлыг зохион байгуул гэвэл яах бол доо

Avatar

Зочин 2020-09-01 202.126.89.40

ГАДУУР ХҮМҮҮС МАСК ЗҮҮХЭЭ БАЙЧИЖЭЭЭ…..ОДОО ЯААНААА……БЭЭЛИЙ БҮР ЦААШААА…..
САЙДАА….АРД ИРГЭДЭЭ МАСК ЗҮҮЛГЭЭЧЭЭ

Avatar

Зочин 2020-09-01 202.179.26.105

Гудманд халдвар няат

Avatar

Зочин 2020-09-01 103.57.94.111

бхэл бүтэн 6 сар болж байхад шинээр юу ч хийсэн хийх чадваргүй нь ч тодорхой боллоо муугаа мэдэхгүй албан тушаалтай зууралдаад баыхаар чаддаг хүмүүст нь ажилаа өг жохуу б** 2 н**ш худлаа хөөрхөө боль та сайндаа сонгогдоогүй 1 сонголтгүй болхоор нөгөө луйвараар сонгогдсон

Avatar

Зочин 2020-09-01 103.10.23.136

Энэ Мөнхтүшиг, Ууганбаатар энэ тэр үнэхээр ажил зохион байгуулж мэддэггүй хүмүүс юм

NewsMN Гар утасны хувилбар Татах
NEWS.mn

Мэдээллийн эх сурвалж