2020 оны есдүгээр сарын 1-нээс дампуурлаа зарлах процессийг хөнгөвчилсөн журам мөрдөгдөж эхэлж байна. Энэ журмын дагуу ойрын нэг жилдээ 100 мянган хүн дампуурлаа зарлаж магадгүй хэмээн Эдийн засгийн хөгжлийн яамны дэд сайд Илья Торосов хэллээ.

"50 мянгаас 500 мянган рублийн өртэй, эрхэлж байсан үйлдвэрлэлээ цаашид явуулах боломжгүй болсон хүмүүс хөнгөвчилсөн дампуурлын зарга үүсгэж болно. Хөнгөвчилсөн дампуурлын зарга нь шүүхэд хандахгүйгээр захиргааны байгууллагаар шийдүүлэх боломжтой болж байгаа хэрэг юм. Мэргэжилтнүүдийн тооцоогоор эхний жилдээ 100 мянга орчим хүн дамдуурлаа зарлах байх” хэмээн дэд сайд хэллээ.

Эх сурвалж: РИА НОВОСТИ