Сурагчид нийтийн тээврээр үйлчлүүлэхээс өөр сонголт алга | News.MN

Сурагчид нийтийн тээврээр үйлчлүүлэхээс өөр сонголт алга

Сурагчид нийтийн тээврээр үйлчлүүлэхээс өөр сонголт алга

Сурагчид нийтийн тээврээр үйлчлүүлэхээс өөр сонголт алга

 Хэдийгээр цар тахлын аюул намжаагүй, дэлхийн олон орон хөл хориотой байгаа ч Монголд уламжлал ёсоор хичээлийн шинэ жил эхэллээ. Хэдэн сар "амарсан" хүүхдүүд өнөөдөр ургах нартай уралдан хичээлдээ явж байгаа нь сайхан.  Гэвч, цар тахалтай онцгой нөхцөлд хичээл, сургууль орж байгаа тул  БСШУС-ын яамнаас хэд, хэдэн шийдвэр гаргасан. Нэг ангид олон хүүхэд хичээллүүлэхгүй, нээлт хийхгүй, гурван өдөр танхимаар, хоёр өдөр теле хичээллэх зэрэг  шийдвэрийг гаргаснаас гадна сурагчдыг аль болох нийтийн тээврээр зорчуулахгүй байхыг  ДЭМБ болон Эрүүл мэндийн яамнаас зөвлөж буй.  Харамсалтай нь, энэхүү зөвлөмж амьдрал дээр хэрэгжих боломжгүй билээ.  Учир нь, Монголын сурагчид олонх нь автобусаар хичээлдээ явдаг билээ.


Сургуулийн автобусаар хичээлдээ явдаг хүүхдүүд цөөн.  Эсрэгээрээ нийтийн тээврээр ихэнх нь хөл залгуулдаг. Иймээс ДЭМБ болон ЭМЯ-ны зөвлөмж амьдрал дээр хэрэгжих бараг боломжгүй гэхэд болно.

 Цэцэрлэгийн хүүхдүүдийг эцэг эхчүүд нь хувийн машинаараа зөөж болно гэхэд Улаанбаатарт үйл ажиллагаа явуулдаг 250 сургуулийг бүгдийг нь сурагчдын автобустай болгохгүй бол хүүхдүүд нийтийн тээврээр хичээлдээ явахаас өөр сонголтгүй. 

Нэг үеэ бодвол сургуулиудыг автобустай болгоход анхаарах болсон. Өнгөрсөн оны арваннэгдүгээр сараас эхлэн хоёр сар гаруйн хугацаанд нийслэлийн 33 чиглэлд 40 орчим автобусыг туршилтаар үйлчилгээнд нэвтрүүлсэн ч энэ нь хангалтгүй үзүүлэлт юм. Энэ жил ч бас есдүгээр сарын 15-ны өдрөөс эхлэн эхний ээлжийн 40 автобус хүүхдүүдэд үйлчлэх аж.

Улмаар энэ онд багтаан хүүхдийн автобусны тоог 200 болгож нэмэгдүүлснээр хотын төвийн алслагдсан бүс нутаг, захын хороололд суралцдаг хүүхдүүдэд хүрч үйлчлэх боломжтой хэмээн албаны хүмүүс үзэж байгаа юм. Эцэг эхчүүдийн хувьд сургуулийн автобус нийтийн тээвэртэй харьцуулахад эрсдэл бага ч хувийн машинтай хүүхдээ цэцэрлэг, сургуульд нь хүргэж өгнө гэх байр суурийг илэрхийлж байв.

ЭЦЭГ ЭХЧҮҮД ХҮҮХДЭЭ ХИЧЭЭЛД НЬ ХҮРГЭЖ ӨГӨХ НЬ ИЛҮҮ АЮУЛГҮЙ НАЙДВАРТАЙ

Иргэн  Н.ЭРХЭМБААТАР: 

-Сургуулийн автобусаар зөвхөн хувийн сургуульд суралцдаг хүүхдүүд зорчдог болохоос биш улсын сургуульд сурч байгаа хүүхдүүд үйлчлүүлж чаддаггүй. Сургуулийн автобус хүрэлцээтэй байлаа ч хувийн машинтай хүүхдээ сургуульд нь хүргэж өгнө. Энэ нь халдварт өвчний эрсдэлтэй үед хамгийн аюулгүй гэж боддог. Нийтийн тээвэртэй харьцуулахад сургуулийн автобус эрсдэл бага ч эцэг эх нь хүүхдээ сургууль, цэцэрлэгт нь хүргэж өгөх нь илүү найдвартай бас аюулгүй.

Иргэн Б.ТУУЛ: 

-Нийтийн тээвэртэй харьцуулахад сургуулийн автобус эрсдэл бага. Гэсэн ч автобус хүрэлцээгүй үед нийтийн тээврээр зорчихоос өөр аргагүй нөхцөл байдал үүснэ шүү дээ. Цар тахлын үед хичээл, сургууль орж байгаа энэ үед хувийн машинтай хүүхдээ хичээлд нь хүргэж өгөх нь хамгийн аюулгүй.

Иргэн н.АЛТАЙ: 

-Нийтийн тээвэр, сургуулийн автобуснаас илүүтэй хувийн машинтай хүүхдээ хичээлд нь хүргэж өгөх хамгийн аюулгүй. Эцэг эх нь өөрсдөө хүүхдээ хичээлд нь хүргэж өгч, орой нь авах болохоор санаа зовох асуудалгүй. Сургуулийн автобус хэзээ ирэх бол, автобусандаа амжиж суусан болов уу үгүй бол автобус хүлээж байгаа юм болов уу, хаана явж байгаа бол гээд санаа зовох асуудал их. Дунд ангийн хүүхэд биеэ даасан болохоор нийтийн тээврээр зорчих нь аюулгүй байх. Бага насны хүүхэдтэй бол эцэг эхчүүд өөрсдөө хүүхдээ машинтай хичээлд нь хүргэж өгөх нь аюулгүй.

ИРГЭН Ч.ЭНХЖАРГАЛ: 

-Сургуулийн автобус хүрэлцээтэй бол заавал машинтай хүүхдээ хичээлд нь хүргэж өгөхгүй. Хувийн машинтай хүүхдээ сургуульд нь хүргэж өгье гэхэд түгжрэлд сургууль, ажлаас хоцордог. Нийтийн тээвэртэй харьцуулахад сургуулийн автобус найдвартай бас эрсдэл бага. Гэхдээ сургуулийн автобус хүрэлцээгүй байна. Цөөн хэдэн автобус нь хувийн сургуулийнх л байдаг юм билээ. Улсын сургуульд сурдаг хүүхдүүд сургуулийн автобусаар зорчих нь ховор шүү дээ.

Иргэн У.ЖАРГАЛСҮРЭН: 

-Эцэг эхчүүд хувийн машинтай хүүхдээ хичээлд нь хүргэж өгсөн нь илүү дээр болов уу. Боломжгүй бол аль болох сургуулийн автобусаар л хүүхдүүд зорчих хэрэгтэй. Гэхдээ алслагдсан бүс нутагт амьдарч байгаа хүүхдүүд байгаа шүү дээ.

Сургуулийн автобус хүрэлцээгүй үед хүүхдүүд маскаа зүүгээд нийтийн тээврээр зорчихоос өөр сонголт байхгүй. Миний хувьд хүүхдийн маань сургууль гэртэй ойрхон болохоор өөрөө хүргэж өгдөг. Шаардлагатай тохиолдолд хувийн машинтай хүүхдээ хүргэж өгнө.


Эцэг эхчүүдийн хувьд ийн ярьж байна. Харин дунд, ахлах ангийн сурагчдын хувьд голдуу нийтийн тээврээр хичээлдээ явдгаа хэлж байгаа юм. Ямар ч байсан сурагчдыг нийтийн тээврээр үйлчлүүлэхгүй байх гэсэн ЭМЯ зөвлөмж Монголын нөхцөлд хэрэгжих боломж багатай харагдаж байна.

Б.ЦЭЦЭГ

Энэ мэдээнд өгөх таны сэтгэгдэл?
4
БурууБуруу
4
ТэнэглэлТэнэглэл
1
ХахаХаха
0
ЗөвЗөв
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
Баярлалаа!

Холбоотой мэдээ

21 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-09-01 64.119.21.207

Хотын баруун хэсэг 1р хорооллоос хорооллын модны 2н зам дагуу сурдаг хүүхдүүдийг ерөөсөө сургуулийн автобус явуулахгүй юм тэр хавьд сурдаг хүүхдүүд их л харагдах юм тэгээд 23 24р сургууль руу яасан ч их автобус явдаг юм 5 шар 24р сургууль, хаа байсан ботаник 23 24р сургууль гээд л явж байх юм өөр чиглэлд ер нь явдаг юм уу, эсвэл 23 24р сургууль тэгтлээ харъяаны биш хүүхдүүх аваад байдаг юм уу

Avatar

Зочин 2020-09-01 66.181.176.151

Дотроо халдвар тархаагүй гэдгийг судалж мэдэж байгаа болохоор эхлүүлсэн юм бол элдвийн дарамт шахалтаа болимоор юм урьдынх шигээ болгомоор юм хажиг зожиг ааш гэж адасга болсон хүмүүсийн таалалд нийцүүлж ийм ажил хийгээд байгаа юм уу ангид багш масктай сурагч масктай бүгдээрээ байвал тархины үхжилд дорхноо орно ш дээ хүчилтөрөгч агаар асар их дутагдана

Avatar

Зочин 2020-09-01 192.82.72.156

Оркуудын хот болчихсон шүү дээ. Яаж бодохоор 7 буудал, яармаг ,баянхошуу, найрамдалаас хотын төврүү хүүхдээ сургуульд зөөдөг юм байгаан. Тэрийг нь өөгшүүлээд нийтийн тээвэр хөгжөөгүй хотын автобуснуудыг сургууль дээр өнжүүлдэг гэнэ. -40 хүйтэнд ажлаасаа тарсан хүмүүс автобусны буудлаас нааш цааш 100 м т цуваад автобус хараад зогсчихно. Автобуснууд нь сургуулийн хашаанд бодвол угааж цэвэрлээд байж байх юмуудаа.хаха, америк явж үзсэн юмуудаа.

Avatar

Зочин 2020-09-01 192.82.75.44

Улс орны дампуурал л гэхээс өөр юу гэхэв дээ.

Avatar

Тулга 2020-09-01 202.55.191.40

цэцэрлэгт хүрээлэнгийн чиглэлд сургуулийн автобус явуулаач ээ. хотын төв рүү ганц явдаг автобус нь #63. тэр нь 30-40 минут болж байж нэг ирнэ. хичээл эхлэх тарах үеэр 60-70 хувь нь сурагчид байдаг, баянмонгол хороололд ирээд л хоосон шахуу болдог. #63 чиглэлийн автобусаа хуучин маршрутаар нь явуулж болдоггүй юм уу. шинэ гүүр даваад цэнгэлдэхээр 2 тойрог хийж 2 цаг түгжирч байхаар энхтайваны гүүрээ даваад гүүрэн догуураа ороод шууд чигээрээ явахад их амар байсан

Avatar

Зочин 2020-09-01 64.119.16.233

Яг үнэн зөв бичжээ

Avatar

Тулга 2020-09-01 202.55.191.40

Сургуулийн автобусаа цэцэрлэгт хүрээлэнгийн чиглэлд явуулаач ээ. Цэцэрлэгт хүрээлэнгээс хотын төв рүү явдаг ганц автобус нь #63, тэр нь 30-40 минут болж ирнэ. хичээл эхлэх тарах үед зорчигчдын 60-70 хувь нь бага дунд ангийн сурагчид, баянмонгол хороолол дээр ирээд л хоосон шахуу болдог. бас #63 чиглэлийн автобусыг хуучин маршрутаар нь энхтайваны гүүр даваад доогуур нь явуулж болдоггүй юм уу? шинэ гүүр даваад ямар ч ашиггүй цэнгэлдэхээр 2 тойрог хийж 1-2 цаг түгжирнэ. бензин тос үрсэн тойрог!!!

Avatar

Зочин 2020-09-01 66.181.176.151

Мулгуу сайд нарын шийдвэр хоёр гүүрний цаадах хүмүүсийн сэтгэлгээ амьдралын түвшингээр шийдсэн шийдвэрийг балаг

Avatar

Зочин 2020-09-01 202.126.89.129

Сурагчид автобусаар үйлчилэхгээд байгаа юм уу? Сурагчдад автобусаар үйлчилэхгээд байгаа юм уу?

Avatar

Тойргийн сургууль 2020-09-01 202.21.127.160

Хамрах тойрог буюу амьдарч буй орчиндоо ойр сургуульд хүүхдээ сургах боломжийг бүрдүүлэх, үүнээс өөр хувилбар энэ хорвоод үгүй.
Боловсрол олгох жигд тогтолцоог бүрдүүлэх нь улсын бодлого баймаар юм

Avatar

Зочин 2020-09-01 202.126.88.167

Манай нийтиийн тээвэр ч бас хүн суугаад явахад хэцүүхэн эд шүү…..тийм болоод л иргэн бүр машин барьж зам түгжирдэг бхдаа…..

Avatar

Болд 2020-09-01 202.131.245.210

Би өнөөдөр өглөө 9 сарын 1-нд хамгийн аймшигтай бөгөөд зэрлэг зүйлтэй тулгарлаа Манайх зайсанд байдаг юм Орой 11 цагийн үед гэртээ ороход зам хэвийн байсан Өглөө хүүхэдүүдээ аваад сургуульд нь дөхүүлэх гээд гарсан чинь ХААИС -н зүүн талын төв замыг хаагаад ухаад эхэлсэн байна За тэгээд машинууд буцаж эргэх гээд нөгөө талаас Зайсангийн KFC- орчимийн замууд ачаалал аваад цаашаагаа ярих юм биш Очиж очиж 9-1 ний өглөө Зунжин найр наадам амралт зугаалга хийж яваад өчигдөр гэнэт ухаан орсон юм ши

Avatar

Хахаха 2020-09-01 66.181.161.96

Хотын төсөв ш****г хулгайч нарын нийтийн автобусаар мөнгө шаалаа. Хахаха. Сургуулийн автобус шахаж ажлаа хийлээ

Avatar

Хотын уугуул иргэн 2020-09-01 122.201.21.26

Олон юм гуцалгүй заавар журмыг дааг. Өдий хүртэл болоо д ирлээ болоо юм биш үү Та нар дандаа эсэргүү ухаж түнхэж олж бичиж байдаг муу хар энэргитэй ОРУ-ууд

Avatar

Зочин 2020-09-01 202.179.2.138

hotiin uuguul hun bolj tuluvshuugui teneg s** shu chi

Avatar

иргзн 2020-09-01 202.179.27.143

Төрийн өндөр Албан тушаалтан, Төрийн байгууллагынхан хэрэггүй Данхайсан том бүтэц тэд нар нь
тэгээд Хулгай хийж элдэв Сан тонодогоо л больчих хэрэгтэй ш дээ, Дээгүүрээ дэндүү Үрэлгэн байхад Иргэдийнхээ төлөө Яаж юм хийж чадах вэ дээ,

Avatar

Зочин 2020-09-01 202.21.109.47

Хэзээ байхдаа сургуулийн хүүхдийг тусгай автобусаар зөөдөг болчоов. Тойрог тойрогтоо сургуульдаа хүүхдүүд нь өөрсдөө яваад болоод л байдаг байсан. Одоо бүр дампуурлаа. Энэ улс оронд чинь зохион байгуулалт нь улам л дордооод байхын.

Avatar

Зочин 2020-09-01 103.57.94.111

хамран сурах тойрогийн хүүхдүүдээ аваач сургуулийн автобус америк шиг улсад л тохиромжтой

Avatar

Зочин 2020-09-01 103.212.119.81

Хөгийн хөгийн юм мөн их сэтгэх юмаа ЭМЯ ,Боловсролын яамныхан. Нийтийн тээврийн унаанд чихцэлдэж яваад сургууль дээрээ зай барина , шүргэлцэхгүй гэх шиг.

Avatar

Зочин 2020-09-01 202.126.92.99

Сурагчдын автобустай болох нь түгжрэлээс гарах сайн хувилбар биш

Avatar

Зочин 2020-09-01 124.158.113.3

orkuud

NewsMN Гар утасны хувилбар Татах
NEWS.mn

Мэдээллийн эх сурвалж