Төгрөгийн ам.доллартай харьцах ханш (2020.08.13-ны байдлаар) оны эхнээс 3.5%, өмнөх оны мөн үеэс 6.9%-иар суларчээ. ТОП-20 индексийн үзүүлэлт 16,540 болж, оны эхнээс 14.4%-иар буурсан ч сүүлийн 14 хоногийн хугацаанд харьцангуй тогтвортой байгаа аж.

Монголбанкнаас мэдээлснээр, энэ оны долдугаар сарын байдлаар гадаад худалдааны эргэлт 6,730.7 сая ам.доллар болж, гадаад худалдааны тэнцэл 846.6 сая ам.долларын ашигтай гарчээ. Монгол Улс зөвхөн долдугаар сард 960.6 сая ам.долларын экспорт, 482.1 сая ам.долларын импорт хийсэн байна.

Б.ЖАРГАЛ