Долоон сарын дараа сургууль, цэцэрлэгүүд үүдээ нээж байна | News.MN

Долоон сарын дараа сургууль, цэцэрлэгүүд үүдээ нээж байна

Долоон сарын дараа сургууль, цэцэрлэгүүд үүдээ нээж байна

Долоон сарын дараа сургууль, цэцэрлэгүүд үүдээ нээж байна

Хичээлийн шинэ жил маргааш эхэлнэ. Тиймээс сургалтын үйл ажиллагааны бэлтгэл ажил бүрэн хангагдсан эсэх талаар Боловсрол, шинжлэх ухааны яамнаас өнөөдөр (2020.08.31) мэдээлэв.

Улсын хэмжээнд өнөөдрийн байдлаар 30 сургууль, 45 цэцэрлэгийн өргөтгөл барилгын ажил дуусч, есдүгээр сарын 1-нд хүүхэд багачуудаа хүлээн авахад бэлэн болжээ. Мөн улсын төсвийн хөрөнгө оруулалтаар 140 сургуулийн барилгын өргөтгөлийн ажил үргэлжилж байгаа аж.

Энэ онд багтаан 31 сургууль, 41 цэцэрлэг ашиглалтад оруулахаар төлөвлөсөн гэж БШУЯ-ны Хөрөнгө оруулалтын газрын дарга Ч.Энх-Амгалан хэллээ. Тэрбээр “2020-2021 оны хичээлийн жилд сургуульд суралцах хүүхдийн суудлын тоо 14 мянга орчмоор нэмэгдсэн. Цэцэрлэгийн орны тоо зургаан мянгаар нэмэгдсэн байна. Улсын хэмжээнд 171 цэцэрлэг барихаар төлөвлөснөөс өнөөдрийн байдлаар 45 нь ашиглалтад ороод байна. Ойрын гурван жилд багтаан цэцэрлэг, сургуулийн өргөтгөл барилгын ажлыг дуусгаж, ашиглалтад оруулна. Хичээлийн шинэ жил эхлэхтэй холбоотойгоор бэлтгэл ажлын хүрээнд сургууль, цэцэрлэгийн 104 барилгад засвар хийж, 92 хувийн биелэлттэй байна. Өнөөдрийн байдлаар улсын хэмжээнд 35 сургууль, 26 цэцэрлэг, 8 дотуур байрны засвар дууссан. Нийт 17 барилгын ажлын засварыг 2021 онд шилжүүллээ. Мөн есдүгээр сарын эхний хоёр долоо хоногт 14 барилгын ажлыг дуусгахаар төлөвлөж байна” гэлээ.

Хичээлийн шинэ жилийн бэлтгэл ажлын хүрээнд сургууль, цэцэрлэгт ариутгал халдваргүйжүүлэлт хийж буй бөгөөд санхүүжилтийг  нь орон нутгийн нөөц хөрөнгөөс гаргаж байгаа аж. Эрүүл ахуйн дэглэм сахих бэлтгэл ажлыг сүүлийн гурван долоо хоногт хангаж дуусчээ. Цаашид сургууль, цэцэрлэгүүдэд ариутгал халдваргүйжүүлэлтийг тогтмол хийх талаар БШУЯ-наас Сангийн яамтай хамтран ажиллахаар болсон байна.

Б.ЦЭЦЭГ

Энэ мэдээнд өгөх таны сэтгэгдэл?
5
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

2 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-08-31 66.181.177.155

Цэцэрлэгийн хүүхдийн бэлтгэл гэж жилийн хэрэглээ бэлтгүүлдгийг болих хэрэгтэй. Сар сард нь өгөхөд болно ш дээ. Ядарсан иргэдэд аль болох дарамт үүсэхгүйгээр шийдэх талаас нь хандаж байх хэрэгтэй шүү

Avatar

Irgen 2020-08-31 202.21.120.187

ЯАЛТГҮЙ ЭНЭ ЗАСГИЙН ГАЗАР ЮМ ХИЙГЭЭЛ БГААМ ДА

NewsMN Гар утасны хувилбар Татах
NEWS.mn

Мэдээллийн эх сурвалж