Монголд хүүхдийн амь үнэгүйдэж байна | News.MN

Монголд хүүхдийн амь үнэгүйдэж байна

Монголд хүүхдийн амь үнэгүйдэж байна

Монголд хүүхдийн амь үнэгүйдэж байна

Эцэг эхчүүд, томчуудын хайхрамжгүй хэнэггүй зангаас болж бага насны хүүхэд гэмтсэн, амиа алдсан гэх аймшигт мэдээ өдөр алгасалгүй дуулдах боллоо. Тухайлбал, хамгийн сүүлд гэхэд наймдугаар сарын 24-ний өдөр Төв аймгийн Эрдэнэ сумын нутаг, Цонжин болдог гэх газар “Toyota prius” маркийн хоёр автомашин мөргөлдөж, зорчигч дөрвөн сартай хүүхэд нас барав.  

Дээрх хэргээс ердөө нэгхэн хоногийн дараа Дундговь аймаг, Эрдэнэдалай сум, “Боргиотын нуур”-ын эрэг дээр дөрвөн хүүхэд тоглож байгаад 11 настай, эрэгтэй Б, найман настай, эрэгтэй Б нар живсэн харамсалтай хэрэг гарав. Маргааш нь буюу наймдугаар сарын 26-ны өдөр тэдний цогцсыг нуурын хойд эргээс 30 метр зайд 1.5 метр гүнээс олж гаргасан нь хүмүүсийг дахин сэртхийлгэв.

Наймдугаар сарын 26-ны өдөр Хэнтий аймаг, Баянмөнх суманд “Хэрлэн” голд гурван настай эрэгтэй хүүхэд осолдож, голоос зүүн зүгт 8 км-т “Улаан олом” гэдэг газар голын эргээс цогцсыг нь олж, сумын цагдаад шилжүүлэн өгсөн байдаг.

Хүүхдээ хайрлан хамгаалъя, балчир үрсийнхээ эрүүл, аюулгүй амьдрах орчныг бүрдүүлмээр байна гэж энгийн иргэнээсээ авахуулаад удирдах албан тушаалтан, УИХ-ын гишүүд, сайд дарга нар хүртэл дуу нэгтэй ярьдаг. Өнөөдөр төр, засгийн эрхмүүд, холбогдох байгууллагынхан хүүхдийн ирээдүйн төлөө халаасаа хоослоход ч бэлэн мэтээр цэцэрхэж, дуу нэгтэйгээр “за” гэж хэлдэг. Ам нээх болгондоо тэд хүүхдийн аюулгүй, ая тухтай орчинг бүрдүүлнэ гэж цээжээ дэлдэж суудаг. Гэтэл бодит байдал дээр хүүхдийн төлөө амаа л сайн хөдөлгөж, “За” гэж хэлчихээд, гараа хөдөлгөхөө мартчихдаг гэмтэй, зантай. Харамсалтай нь томчууд бидэнд үүнийг ухааруулахын тулд олон хүүхэд хэдхэн өдрийн зайтай алтан амиа өгөв.

Энэ бол ердөө л сүүлийн нэг  сарын хугацаанд болсон эмгэнэлтэй явдлын тоо. Өмнөх жилүүдийнх, цоожтой хаалганы цаана үлдсэн бэртсэн, гэмтсэн хүүхдүүдийн тоог тоолбол сэтгэл эмзэглэхээс цаашгүй. Хүүхдүүдээ сайн боловсролтой, эрүүл чийрэг өсгөх нь бүү хэл амьд явах баталгааг нь хангаж чаддаггүй манай улс аз жаргалын индексээр 156 орноос 83-т бичигдэж, сүүл мушгиж байгаа нь аргагүй юм. Үүнээс үзэхэд өнөөгийн нийгэмд хүүхдийн эрхийн асуудал ямар хэмжээнд хүрсэн нь харагдаж байна.

Энэ бүх золгүй явдалд төр засаг, албан байгууллагуудыг буруутгаад өнгөрч болохгүй. Хамгийн гол нь эцэг эхчүүдийн хариуцлага маш чухал. 

Эцэг эх үр хүүхдээ эрүүл, аюулгүй орчинд амьдрах нөхцөлийг нь  бүрдүүлэх үүрэгтэй. Хэдий ажил ихтэй, хүүхдүүддээ цаг зав гаргаж чадахгүй, яаж ч ядарч, завгүй байсан хүүхдийнхээ эрүүл аюулгүй орчныг анзаарахгүй өнгөрөөж болохгүй. Цоожтой хаалганы цаана, таны хараа хяналтаас гадна, таны хариуцлагагүй байдлаас болж хэдэн хүүхэд хорвоог орхиж, тахир дутуу болж, нийгмээс тусгаарлагдаж байна вэ гэдгийг эцэг эхчүүд бодох цаг болжээ.

Э.БУРАМ

Энэ мэдээнд өгөх таны сэтгэгдэл?
15
ХарамсалтайХарамсалтай
2
ЗөвЗөв
1
ХахаХаха
1
ТэнэглэлТэнэглэл
0
ХөөрхөнХөөрхөн
0
ГайхмаарГайхмаар
0
БурууБуруу
Баярлалаа!

Холбоотой мэдээ

18 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-08-31 122.201.23.28

ДЭЭР НЬ ХҮҮХЭД ӨСЧ ХҮМҮҮЖИХ ЭРҮҮЛ АЮУЛГҮЙ НӨХЦӨЛ ХААНА БАЙНА ВЭ? ЭНД ТЭНДГҮЙ ЯМАР Ч ХАРУУЛ ХАМГААЛАЛТГҮЙ УХСАН НҮХ, ТОГТОЙ УТАС ХАШАА. НЭГДҮГЭЭР ХОРООЛЛЫН 23Р БАЙРНЫ АРД ГЭХЭД Л БАРАГ 100М УХСАН НҮХ. СУРГУУЛЬ ЭХЛЭХЭД ХҮҮХЭД УНАВАЛ ЯАНА? ХЭН ХАРИУЦАХ ВЭ

Avatar

Монгол улсын иргэн 2020-08-31 202.9.46.175

Цар тахлын гайг хүүхдийн зуурдын хохирлоор нөхөж байгаа юм шиг энэ жил яасан их ххирол учирч байнаа. Сургууль, цэцэрлэгээ ажиллуулбал ёс журмаар нь ажиллуулж хараа хяналтаа сайжруулаач дээ. Цахим тоглоомын газрууд нээж байхаар өдөр өнжүүлэхийн тоог нэмээчээ. Эцэг эх нь ажилгүй хоногийн хоолоо олох гэж гадуур гүйж байхад хүүхдүүд нь эзэнгүй үлдэж хохирч байна. Зүгээр л ажил сургуулиа хуучнаар нь явуулаач дээ. Ариун цэврийн дэглэмээ л сайн сахих хэрэгтэй. Гадуур бүгд сэлгүүцэж байхад

Avatar

D 2020-08-31 150.129.140.84

Joloochiin 100 huvi butuu teneg maluudaa mashinaa haana zogsoohoo medehgui erguu jolooch nar mash ih bgaa zugrre hudulguund oroltsood yavj bhad mashinaa zogsooj chadahgui murguj bgaa huniig jolooch geh yumuu

Avatar

зочин 2020-08-31 202.21.120.242

Төв аймгийн Эрдэнэ сумын нутаг, Цонжин болдогт байнга л хүнйи амь эрсдэж байхын ямар учиртай газар вэ?

Avatar

Зочин 2020-08-31 203.91.115.48

Etseg ehiin 100% buruu, hun shig usguj chadahgui bol bitgii garga. Huuhdiig huuhdeer haruulna gedeg chin bas l ger buliin huchirhiileld bagtana, albadlagaar ajilluulj baigaa gesen ug shuu

Avatar

Zochin 2020-08-31 192.82.71.192

Joloochiin buruugaas olon huuhed, Tom humuus Tahir dutuu boloh, ami nasaa alddag. Zarim jolooch nar mash soyltoi yavgan zorchigchdiig hundeldeg ajil uils ni saihan buteh boltugai gej bayrlaj talarhdag. Etseg, ehchuud ur huuheddee bainga anhaaral tavih yostoi gol us, mashin bolzoshgui ayulaas. Zarimdaa denduu hunii umnuus huuhed turuulsen yum shig baidgaa bolih heregtei.

Avatar

123 2020-08-31 23.227.142.146

Yag unen. Etseg ehuud n, uvuu emee n zam garah durem, bolgoomj seremjtei bhiig zaahgui bol uur henees iluu surah ve te? Bagsh nar yahav anhaaruul sanuulj bolj bna gehdee ted tursun etseg eh n bish bolhoor ondooshd. Mongoliin gudamjind ajiglagdsan neg yum uy ve gevel, etseg eh n, uvuu emee n, gartsgui gazraar huuhdee daguulaad garj bsn, getel zamiin garts n usreed l 10 alhah zaind bdag. 10 han alhamshdee, zalhuuraad deerees n yamar ch hariutslag bhgui huuhdee daguulaad dairuulah shahaad l gsan.

Avatar

Зочин 2020-08-31 202.126.89.111

ОРОСД АЛДАРТ ЭХИЙН ОДОНГОО БОЛИОД ЭЦЭГ ЭХИЙН АЛДАР ГЭДЭГ ОДОН ӨГДӨГ ЮМ Б. 4 САЯ ТӨГРӨГ ДАГАЛДДАГ ЮМ Б. ДОР ХАЯЖ 4 ХҮҮХЭД ӨСГӨСӨН БАЙХ ЁСТОЙ ( ЗААВАЛ ТӨРСӨН ЭЦЭГ, ЭХ БАЙХ АЛБАГҮЙ) ХАМГИЙН БАГА ХҮҮХЭД НЬ 5 НАС ХҮРСЭН БАЙХ ЁСТОЙ. ЯМАР ОРЧИНД ӨСГӨЖ Б, ХЭРХЭН ХҮМҮҮЖҮҮЛСЭН Б, БИЕ БЯЛДАР ЭРҮҮЛ МЭНД НЬ ХЭР БАЙНА ГЭЭД ОЛОН ЗҮЙЛИЙГ ХАРГАЛЗАН ҮЗЭЖ БАЙЖ ОЛГОДОГ ШАГНАЛ ЮМ БИЛЭЭ. МАНАЙ МЯНГАТ МАЛЧИН, АЛДАРТ ЭХ ГЭЭД ЧАНАР БИШ ТОО ХӨӨЦӨЛДДӨГ ОДОН ШАГНАЛ БИШ ЮМ БИЛЭЭ…

Avatar

Зочин 2020-08-31 103.229.120.217

орк жолооч нар гарц руу хар хурдаараа орж ирэх юм. малнуудыг хөөж зайлуул

Avatar

Зочин 2020-08-31 202.9.46.205

Бурхан анх хүүхэд заяахдаа эхэд нь харж асрамжлах үүргийг нь өгсөн байдаг юм ш дээ. Хүүхэд эндсэний 100% ийн буруутан нь ээжүүд нь. Жэндэр ярьдаг хүүхнүүдээс буруугаа асууцгаадаа.

Avatar

Зочин 2020-08-31 103.229.120.217

эргүү жолоч нарын буруу, эргүү минь

Avatar

Зочин 2020-08-31 202.9.46.205

Одоо тэгээд голд живсэн хүүхдийн өмнө жолооч буруутай юу? Гэртээ гэмтсэн хүүхдийн өмнөөс бас жолооч буруутай айн.

Avatar

123 2020-08-31 23.227.142.146

Za gender yariad soliorood yahvee! 2 tal hoyulaa buruutai. Jolooch nar n ongiroo, yamarch anhaaral seremjui barag l nesej bna lee sh mongoliin evderhii zamuud deeguur. Hedhen SECOND gartaaraa garch bgaa humuust zam tavij ugui uurlaj chignaaldaj tenegtdeg. Deerees n huuhduudee daguulaad garts oirhon bsan ch gartsgui gazraar uvuu, emee, aav, eej n tumruur huuhdee hamgaalchihsan yum shig dairuulah shaad l garch bna lee. Neg tald n buruu chiheh yamarch hereggui l bhgui yu. 2uulaa l hariutsana.

Avatar

Зочин 2020-08-31 66.181.166.36

Эцэг эхийн хариуцлага шүү дээ. Хүүхдүүддээ зөв.зан үйл сурга

Avatar

Зочин 2020-08-31 192.82.69.135

Гол уснаасаа 1ба 2км зайтай буух

Avatar

Zochin 2020-08-31 202.21.127.166

Zamaar garahdaa gartsaar bas bolgoomjtoi garah heregtei

Avatar

Apdiin cecen xvv 2020-08-31 202.179.21.208

tolgoin xoocon xvmvvc mashin bapij bolox guie

Avatar

ЗОЧИН 2020-08-31 202.9.46.153

ЭНЭ ОНЫ ЭХНИЙ 7 САРД МАНАЙ УЛСАД 500 ГАРУЙ ХҮН ОСОЛ АВААРЫН УЛМААС НАС БАРСАН НЬ ДАЙН БОЛЖ БАЙГАА ГАЗРААС Ч ХАМААГҮЙ ИХ БАЙГАА НЬ ТУН ХАРИУЦЛАГАГҮЙ ЯВДАЛ ЮМ. ТЭР ТУСМАА ХҮҮХЭД… ЖОЛООЧИЙН ХАРИУЦЛАГЫГ ЧАНГАТГАХГҮЙ БОЛ ЦӨӨХӨН МОНГОЛЧУУД НЭГ Л ӨДӨР ДУУСАХ НЬ БАЙНА………………

NewsMN Гар утасны хувилбар Татах
NEWS.mn

Мэдээллийн эх сурвалж