Керчээс Севастополийг холбосон “Таврида” хурдны зам наймдугаар сарын 27-нд нээгдэж, тээврийн хэрэгсэл зорчиж эхэлсэн. ОХУ-ын Тээврийн яамнаас мэдээлснээр эхний өдөр уг замаар нийтдээ 30 мянга орчим тээврийн хэрэгсэл зорчин өнгөрчээ.

Замын нээлтэд Ерөнхийлөгч Владимир Путин оролцож, Aurus машинаа өөрөө жолоодон замын хөдөлгөөнийг нээсэн юм. Эхний өдрийн тээврийн хэрэгслийн гол урсгал Симферополиос Севастополийн чиглэлд байсан байна.