Холлувудын сайхан залуучуудын нэгт тооцогддог 56 настай жүжигчин Брэд Питт экс эхнэр Анжелина Жолигоос салсаныхаа дараа хэд хэдэн эмэгтэйтэй нэр холбогдсон ч нэгэнтэй ч удаан хугацаанд үерхэж, дотносоогүй билээ. Тэрбээр саяхнаас шинэ найз бүсгүйтэй болж, хувийн амьдралдаа ихэд сэтгэл хангалуун байх болсон талаар хэвлэлүүд мэдээлжээ.

Брэд Питт өөрөөсөө бараг 30 насаар дүү өдгөө 27 настай Германы модель Николь Потуральски хэмээх бүсгүйтэй болзож эхэлсэн байна.

Брэд, Николь нар Францад амрахаар хувийн онгоц хөлөглөн явах үедээ хэвлэлийнхний дуранд өртсөн байна. Зарим хүмүүс Брэд Питтийг экс эхнэртэйгээ гадна төрхөөрөө адилхан бүсгүйг сонгосон байна ч гэж ярьж байгаа юм. Николийн хувьд 10 орчим жил моделиор ажиллаж байгаа ба таван гадаад хэлээр ярьдаг чамгүй боловсролтой бүсгүй юм байна. Брэд Питт, Жоли нар зургаан хүүхдийн эцэг эх бол Николь нэг хүүтэй аж.

Эх сурвалж: ELLE