“Хүүхдэд хугацаа дууссан тарилгын эм хэрэглэсэн” гэх иргэний ирүүлсэн гомдлын дагуу Баянгол дүүргийн 17-р хороо, ЭБО төвд байрлах "Агшуу медикал" ХХК-ийн хүүхдийн эмнэлэгт хяналт шалгалт хийжээ.

Тус эмнэлэг нь өөрийн байгууллагын нэр хаягийг байршуулаагүй, тухайн хаяг байршилд мэргэжлийн үйл ажиллагаа эрхлэх тусгай зөвшөөрөлгүй зэрэг зөрчилтэй байсныг илрүүлж, Зөрчлийн тухай хуулийн холбогдох заалтын дагуу зөрчлийн хэрэг нээн, Баянгол дүүргийн Прокурорын тогтоолоор үйл ажиллагааг нь түр зогсоов.