Мал хулгайлсан 10 хүнд холбогдох хэргийг прокурорт буцаалаа

Нийт 90 орчим сая төгрөгийн эд хөрөнгө, мал хулгайлсан арван хүнд холбогдох эрүүгийн хэргийг прокурорт буцаажээ. Яллагдагч нарт холбогдох эрүүгийн хэргийн урьдчилсан хэлэлцүүлгийн шүүх хуралдааныг наймдугаар сарын 24-ний өдрийн 09:00 цагт зарласан ба шүүх өмгөөлөгчдийн хүсэлтийг хүлээн авч, эрүүгийн хэргийг прокурорт буцаасан байна.

Шүүх хуралдаанд яллагдагчдын өмгөөлөгч нар “…мөрдөн шалгах ажиллагаа явуулахдаа Эрүүгийн хэрэг хянан шийдвэрлэх тухай хуулийн холбогдох заалтуудыг зөрчсөн тул тухайн хэргийг шүүхэд шилжүүлэх боломжгүй үндэслэлээр хэргийг прокурорт буцааж өгнө үү” гэх хүсэлт гаргасан аж.

Төв аймгийн Прокурорын газраас Эрүүгийн хуульд зааснаар яллах дүгнэлт үйлдэж ирүүлсэн яллагдагч Т.Мөнхгэрэл, З.Баттулга, Д.Чимэдбазар, Б.Баттулга, П.Лхаасүрэн, Ц.Мөнхтөр, Ц.Чүлтэмдорж, Э.Тогтохбаяр, Т.Сумъяамягмар, Н.Лхагвасүрэн нарт холбогдох эрүүгийн хэргийг Төв аймаг дахь Сум дундын эрүүгийн хэргийн анхан шатны шүүх долоодугаар сарын 27-ны өдөр хүлээн авав.

Дээрх нэр бүхий яллагдагч нар нь тээврийн хэрэгсэл ашиглан, 54 тооны бод мал болон 68,594,300 төгрөг, эд хөрөнгө хулгайлж 20,615,436 төгрөг, нийт бусдын эд хөрөнгөд 89,209,736 төгрөгийн буюу их хэмжээний хохирол учруулсан гэх гэмт хэрэгт холбогдсон юм.

Эх сурвалж: ТӨВ АЙМАГ ДАХЬ ШҮҮХИЙН ТАМГЫН ГАЗАР

4 сэтгэгдэл

Хариулахаа болих

Зочин 2020-08-29 202.9.46.40

Төрөөс тэрбум тэрбумаар нь хулгайлдаг нөхдийн хажууд 10 гаруй хүн 90 сая хулгайлсан гэхээр ёстой нохойн баас юм даа. Тэгтэл эднүүс бараг цаазлуулна биз. Монголын төр ядууст үнэн дээрэнгүй.

Хариулах

Lol 2020-08-29 202.9.46.129

Maliin hulgaichdiin yal nuguu nuhduudiinhees ijil bolon undur bhgui gej naidhaas

БЦ 2020-08-29 103.10.23.100

Малын хулгай Эрх мэдэдтэний төрөөс хулгайлах хулгай хоёр өнөөгийн нийгэмд гаарлаа яаана аа Ядаж бүх хөрөнгийг нь хурааж байгаач
Худлаа ял өгсөн болож жүжэглээд хулгайлсан хөрөнгө нь үлдэх юм Ийм болхоор Төрийн хулгай Малын хулгай хоёр гаарах нь аргагүй