Иргэдийн хувьцааны ногдол ашгийг хэзээ тараах вэ! | News.MN

Иргэдийн хувьцааны ногдол ашгийг хэзээ тараах вэ!

Иргэдийн хувьцааны ногдол ашгийг хэзээ тараах вэ!

Иргэдийн хувьцааны ногдол ашгийг хэзээ тараах вэ!

Засгийн газар “Ирэх тавдугаар сарын 1-ний өдрөөс эхлэн холбогдох хууль тогтоомжид нийцүүлэн иргэдэд 1072 хувьцааны ногдол ашиг тараана” хэмээн амалсан ч өнөөдрийг хүртэл олгоогүй. Тиймээс дөрвөн сарын турш горьдлого тээсэн иргэд хувьцааны ногдол ашгийн сураг сонгуулийн шоу болоод өнгөрлөө хэмээн бухимдаж буйгаа илэрхийлсээр байгаа билээ.

Иргэдэд хувьцааны ногдол ашиг тараах тухай “Эрдэнэс Тавантолгой” ХК-ийн мэдэгдлээс хойш үнэт цаасны компаниуд ихээхэн ачаалалтай ажиллаж байв. Харин Засгийн газар амалсан хугацаандаа мөнгөө өгөөгүйгээс зургадугаар сараас хойш хувьцааны дансаа нээлгэх иргэдийн тоо эрс цөөрчээ.

Монгол Улсын нийт 2,512,768 иргэн “Эрдэнэс Тавантолгой” ХК-ийн хувьцаа эзэмшиж буй мэдээлэл бий. Өөрөөр хэлбэл 2012 оны дөрөвдүгээр сарын 11-ний өдрөөр тасалбар болгон иргэний шинэчилсэн бүртгэлд хамрагдсан Монгол Улсын иргэн бүрт Засгийн газрын 216 тоот тогтоолоор “Эрдэнэс Тавантолгой” ХК-ийн 1072 ширхэг хувьцаа буюу нэг сая төгрөгийн үнэлгээ бүхий хөрөнгийг эзэмшүүлсэн. Түүнээс хойш 2011-2012 онд насны хишиг хувь хүртсэн, оюутны сургалтын төлбөр, эрүүл мэндийн даатгалын шимтгэлд суутгуулсан иргэд өнөөдөр хувьцаагүй байгаа ба 2016 онд “Сайн хувьцаа” хөтөлбөрт хамрагдсан иргэдийн хувьцааны тоо янз бүр байгаа юм.

Өнгөрсөн тавдугаар сарын байдлаар 1072 хувьцааны дансаа нээлгэсэн 1.6 сая иргэн байгаагаас дансаа баталгаажуулсан, бүртгэлийн асуудалгүй сая орчим иргэний хувьцааны ногдол ашгийн мөнгийг “Эрдэнэс Тавантолгой” ХХК эхний ээлжинд Төрийн сангийн данс руу шилжүүлсэн байдаг. Тус компаниас ногдол ашгийн эхний 60 тэрбум төгрөг орж ирсэн талаар Үнэт цаасны төвлөрсөн хадгаламжийн төвийн Стратеги, эрсдлийн удирдлагын ахлах мэргэжилтэн Т.Төгөлдөр мэдээлсэн юм. Дээрх мөнгөөр өнгөрсөн тавдугаар сард 702 мянган иргэний ногдол ашгийн 48 тэрбум төгрөгийг Үнэт цаасны тухай хуулийн дагуу хугацаанд нь олгох боломжтой байв.

Наймдугаар сарын 24-нд буюу өнгөрсөн Даваа гаригт ногдол ашгийн үлдэгдэл мөнгө Төрийн санд шилжиж орсон талаар “Эрдэнэс Тавантолгой” ХК-ийн Гүйцэтгэх захирал Д.Ганхуяг өчигдөр (2020.08.27) мэдээлэл хийхдээ мэдэгдэв. Өөрөөр хэлбэл,  тус компаниас нэгж хувьцаанд ногдох ногдол ашгийн хэмжээг 90 төгрөгөөр тооцож, нийт 179 тэрбум төгрөгийг Төрийн дансанд шилжүүлжээ. Энэ нь "Эрдэнэс Тавантолгой" ХК-ийн нийт хувьцааны 14.7 хувийг эзэмшдэг 2.5 сая иргэний 2.2 тэрбум ширхэг хувьцааны ногдол ашгийн мөнгө юм.

“Хувьцаа эзэмшиж буй бүх иргэн, аж ахуйн нэгжийн хувьцаанд ногдох ногдол ашгийн мөнгө бүрэн гүйцэд Төрийн сан руу шилжсэний дараа хувьцаа эзэмшигчдэдээ ногдол ашиг тараана” гэж амалсан Сангийн сайд өнөөдөр таг чиг. Ямар ч байсан "Эрдэнэс Тавантолгой" хувьцаатай бүх иргэдийн ногдол ашгийг Сангийн яамны мэдэлд шилжүүлсэн байна.

Иргэдийн хувьцааны ногдол ашгийн мөнгийг хэзээ иргэдийн данс руу шилжүүлэх асуудлаар холбогдох яам, албадаас тодруулахыг оролдсон ч тодорхой хариулт өгөх хүн өнөөдрийн байдлаар олдохгүй байна. Ингэхэд иргэдийн хувьцааны ногдол ашгийг хэзээ тараах вэ, сайд аа?

Б.ЖАРГАЛ

Энэ мэдээнд өгөх таны сэтгэгдэл?
16
БурууБуруу
5
ХарамсалтайХарамсалтай
5
ТэнэглэлТэнэглэл
4
ХахаХаха
3
ГайхмаарГайхмаар
2
ЗөвЗөв
1
ХөөрхөнХөөрхөн
Баярлалаа!

Холбоотой мэдээ

15 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Мөнгө 2020-08-28 66.181.161.51

Одоо тэр сангийн яам энэ тэр нь ажлаа хийгээд мөнгөө тараалдаа бас өөр юманд хийгээд мөнгөгүй болцон уу

Avatar

Зочин 2020-08-28 202.131.245.6

ажлын байр аа нэм, 70,80 ₮ хүмүүс юу хийх юм бэ

Avatar

Зочин 2020-08-28 49.0.212.4

Сонгуулийн шоу

Avatar

Зочин 2020-08-28 103.26.192.43

Хувьцааны ноогдол ашиг тараалаа гэж бодоход хүмүүс хувьцаагаа эзэмшсэн хэвээрээ байна биз дээ хүмүүсээ. Өөрөөр хэлбэл тухайн хүний эзэмшилд байгаа хувьцааны тоо хэвээрээ үлдэнэ гэж ойлгож байгаа шд.

Avatar

Зочин 2020-08-28 66.181.183.213

Хэдэн жилийн ашиг өгөх гэж бна Нэг жилд хэдэн төгрөгний ашиг гарч байгаан бол

Avatar

Erunhiilugch 2020-08-28 172.58.227.60

Tumur zamdaa zatsuulj baigaa bizdee, ulsiin hurungu mun gunii asuudliig Ih Hural ni heleltsej bataldaggui, Zasgiin gazar ni terniig ni medej hyanadaaggui yumuu? Undsen huuli haachsan be!

Avatar

zochin 2020-08-28 150.129.140.47

german baisan mongol oyutan covid 19 sars tusaad haldbar tarasan baina. ene mash hunderdeg obchin shuu.mongold ireed ahlurad uzsen covid 19 sars 2 tussan baiyee.sehend oryee.

Avatar

Одол 2020-08-28 66.181.161.54

Энэ чинь бид хувьцаагаа авах гэж байгаа болхоос Хүрэлсүх ,Хүрэлбааьар 2 оос гуйсан мөнгө бишшүүдээ.Хүрэлбаатар эсвэл ЗГ 2ын аль нэг нь эргэлдүүлээл бхйнаа.одоо болсоон өгөөчээ.

Avatar

Зочин 2020-08-28 122.201.24.252

Тийншдээ хувьцааныхаа ашигийг авах гэж байгаа болохоос төрөөс гуйх зүйл биш

Avatar

Зочин 2020-08-28 185.22.172.150

шинэ монгол сургууль нь луйварчин захиралтай болсон байна лээ. Манай хүүхэд тэнд сурдаг хэдэн жилийн өмнө их сургууль барина хандив байна уу гээд гүйж явсан захирал одоо бүр томорсон хандивийн ангийн хүүхэд дүүрсэн гээд томорч байдаг байна ш дээ пиии

Avatar

Ванга 2020-08-28 64.119.17.143

Орон нутгийн сонгуулийн өмнөхөн тараана та бүхэн тэвчээртэй хүлээцгээв

Avatar

Зочин 2020-08-28 103.229.178.26

худалч хүн гэдгийг нь одоо болтол мэддэггүй юм уу ? 🙂

Avatar

Зочин 2020-08-28 103.212.119.81

УОК-т шууд хандивла.

Avatar

Зочин 2020-08-28 192.82.70.151

Чамд хандивлах юм байвал хандивла.УОКын хандив багадаагүй.

Avatar

Зочин 2020-08-28 202.9.47.5

Uguuch ee piz danuudaa nov shnuudaa

NewsMN Гар утасны хувилбар Татах
NEWS.mn

Мэдээллийн эх сурвалж