Хуульчдын холбооноос мэдээлэл хийлээ | News.MN - Мэдээллийн эх сурвалж

Хуульчдын холбооноос мэдээлэл хийлээ

Хуучирсан мэдээ: 2016.01.28-нд нийтлэгдсэн

Хуульчдын холбооноос мэдээлэл хийлээ

Монголын Хуульчдын холбооноос өнөөдөр /2016.01.28/ “Монгол ньюс” мэдээллийн төвд хэвлэлийн бага хурал хийлээ. Хуралд Монголын Хуульчдын холбооны Ерөнхийлөгч Б.Гүнбилэг, тус холбооны Бодлого зохицуулалтын хэлтсийн дарга А.Оюунчимэг, Хуульчдын эрх, хууль ёсны ашиг сонирхлыг хамгаалах хорооны дарга Ж.Ариунаа нар оролцов.

Өнөөдөр хуралдсан Үндсэн хуулийн цэцийн Их суудлын хуралдаанаар “Шүүх байгуулах тухай хууль нь Үндсэн хууль зөрчсөн” гэсэн шийдвэрийг гаргасан бөгөөд УИХ-аас Шүүх байгуулах тухай хуулийг Үндсэн хуульд нийцүүлэн дахин батална. Тиймээс Монголын Хуульчдын холбооноос шүүхийн бүтцийн асуудлаар хууль батлахдаа шүүгчийг албан тушаалаас нь чөлөөлөх хууль зүйн үндэслэл тодорхой, хуульд нийцсэн байдлаар зохицуулах ёстойг уламжлахаар хэвлэлийн бага хурал хийлээ.

Шүүх байгуулах тухай хууль 2013 оны нэгдүгээр сарын 24-ний өдөр шинэчлэн батлагдсантай холбогдуулж, Шүүхийн ерөнхий зөвлөлөөс Монгол Улсын Ерөнхийлөгчид зарим шүүхийн Ерөнхий шүүгч, шүүгчийг албан тушаалаас чөлөөлж, буцаан томилох санал гаргасан.  Монгол Улсын Ерөнхийлөгч зарлиг гаргахдаа нэр бүхий 12 хуульчийг дахин шүүгчээр томилоогүй. Монголын Хуульчдын холбооноос Монгол Улсын Ерөнхийлөгчид томилохоос татгалзсан талаарх үндэслэл, шалтгааныг тодруулахаар гурван ч удаа хүсэлт илгээсэн боловч тодорхой хариу ирүүлээгүй байна.

Монголын Хуульчдын холбооноос шүүхийн шинэтгэл, шүүхийн бүтэц, зохион байгуулалтын өөрчлөлт нэрийн дор тодорхой үндэслэл, шалтгаан заалгүйгээр шүүгчийг албан тушаалаас нь чөлөөлөх нь хэсэг хуульчдын эрх, хууль ёсны ашиг сонирхлыг хөндсөн асуудал мэт харагдавч өргөн утгаараа шүүгчийн албан тушаал эрхэлж буй хуульчдын хараат бус, бие даасан байдалд халдаж нийтлэг эрх ашгийг хөндсөн, цаашид ийм жишиг тогтоох ноцтой үр дагавартай асуудал болохыг мэдэгдэж, Монгол Улсын Ерөнхийлөгчөөс нэр бүхий 13 шүүгчийг томилохоос татгалзсан үндэслэлээ тайлбарлахыг хүсч буйгаа уламжиллаа.

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

Зочин 2016-01-28 59.153.115.168

Зарим аймагийн шүүгчийгбүр халвалтаарна

Хх 2016-01-28 202.21.118.98

Ерөнхийлөгчийн зөвөө,шаардлага хангахгүй юмнуудыг

Зочин 2016-01-28 202.9.40.27

Гүнбилэг хүүхээ, Оюунчимэг гэдэг хүүхэд чинь яасан дарга байх тавилантай юм бэ ? Дарамтад ороод хэлтсийн даргаа бологов уу, эсвэл хүнээ буруу сонгочихов уу ?

зочин 2016-01-28 59.153.115.237

зөв шүү эрдэмтэн хүний хүүхэд зөв орчинд өссөн боловсролтой хүн аргагүй л өөр юм. Зоригтой дуугарч чадна гэдэг мэдлэг чадвартай хүний шинж Үнэхээр шүүхийг улс төрийн хараат болгосоны илэрхийлэл чинь наад сэдэв чинь шүү Бас Цэцийг юу болгож байна хар даа дүр эсгэсэн ардчилал гэж өнөөдрийн монгол төрийн нүүр царайг хэлдэг байх даа

зочин 2016-01-28 103.26.195.109

энэ хуульчдын холбооны газрын дарга болсон А Оюунчимэг нь Монголын нотриатчидын холбоог самарч хаяад сүүлээ хавчин зугтааж гарчихаад одоо хуульчидын холбоог самрах нь дээ Ц Нямдоржийг хууль зүйн сайд байх үед нь үндсэн дээ сайдын ширээн дээр л өнждөг байсан гэж мөн ч олон хүний амнаас сонсож билээ

4564889478949 2016-01-28 103.9.90.98

зөв шүү ерөнхийлөгчийн энэ муухай үйлдлийг 3 жил ам дамжин ярьлаа одоо болтол хууль зөрчсөн ерөнхийлөгчийг огцруулах саналыг УИХ оруулах л ажил үлдэж байх шив Хуульчид шүүгчийнхаа эрх ашгийг хамгаалж чадахгүй юм бол өөр хэн хамгаалах уу хэн хараат бусаар шүүх таслах хуулийн дагуу ажлаа хийх вэ

4564889478949 2016-01-28 103.9.90.98

зөв шүү ерөнхийлөгчийн энэ муухай үйлдлийг 3 жил ам дамжин ярьлаа одоо болтол хууль зөрчсөн ерөнхийлөгчийг огцруулах саналыг УИХ оруулах л ажил үлдэж байх шив Хуульчид шүүгчийнхаа эрх ашгийг хамгаалж чадахгүй юм бол өөр хэн хамгаалах уу хэн хараат бусаар шүүх таслах хуулийн дагуу ажлаа хийх вэ