Л.Эрдэнэчимэг, Ц.Оюунгэрэл нар мэдээлэл хийлээ | News.MN - Мэдээллийн эх сурвалж

Л.Эрдэнэчимэг, Ц.Оюунгэрэл нар мэдээлэл хийлээ

Хуучирсан мэдээ: 2016.01.28-нд нийтлэгдсэн

Л.Эрдэнэчимэг, Ц.Оюунгэрэл нар мэдээлэл хийлээ

Өмнөговь аймгийн Гурвантэс сумын иргэд, төрийн болон төрийн бус байгууллага, аймгийн иргэдийн хурлаас Өмнөговь аймгийн Гурвантэс сумын нутаг дэвсгэрт орших Тост, Тосон бумбын нурууг Улсын тусгай хамгаалалтад авах асуудлыг шийдвэрлэж өгөхийг хүссэн санал, хүсэлтийн дагуу 2016 оны 1 дүгээр сарын 23-26-ны өдрүүдэд Улсын Их Хурлын гишүүн, Байгаль орчин, хүнс, хөдөө аж ахуйн байнгын хорооны дарга Л.Эрдэнэчимэгээр ахлуулсан ажлын хэсэг Өмнөговь аймгийн Гурвантэс сумын нутаг дэвсгэрт очиж ажиллан, нөхцөл байдалтай газар дээр нь танилцаад иржээ.

Ажлын хэсгийн ахлагч УИХ-ын гишүүн, ажлын хэсгийн ахлагч Л.Эрдэнэчимэг, Улсын Их Хурлын гишүүн Ц.Оюунгэрэл, Өмнөговь аймгийн Гурвантэс сумын Засаг дарга Г.Гангамаа, тус сумын ИТХ-ын дарга Б.Дэжид нар өнөөдөр /2016.01.28/ хэвлэлийн бага хурал зарлан Өмнөговь аймгийн Гурвантэс сумын нутагт үүсээд буй нөхцөл байдлын талаар мэдээлэл хийлээ.

Өмнөговь аймагт ажилласан ажлын хэсэгт УИХ-ын Тамгын газрын Байгаль орчин, хүнс, хөдөө аж ахуйн байнгын хорооны ажлын алба, Хяналт үнэлгээний хэлтэс, Хэвлэл мэдээллийн хэлтсийн ажилтнууд, Байгаль орчин, ногоон хөгжил, аялал жуулчлалын яам, Уул уурхайн яам, Мэргэжлийн хяналтын ерөнхий газар, Ашигт малтмалын газар, Газрын тосны газар, Ирвэс хамгаалах сан, Өмнөговь аймгийн Гурван тэс сумын засаг дарга, иргэдийн төлөөлөгчдийн хурлын дарга болон холбогдох албан тушаалтнууд багтсан байна хэмээн УИХ-ын гишүүн, Байнгын хорооны дарга Л.Эрдэнэчимэг мэдээллийнхээ эхэнд онцоллоо.

Тэрбээр, Өмнөговь аймгийн Гурвантэс сумын нутаг дахь Тост, Тосон Бумбын нуруу нь аймгийн төв Даланзадгад хотоос баруун зүгт 308 км зайд, Гурвантэс сумаас баруун тийш 40 км зайд, Гурвансайханы байгалийн цогцолборт газрын хилээс 25 км зайд, өмнө талаараа улсын хилд тулж, хойд талаараа Нэмэгтийн нуруу болон Алтан уул зэргээс өргөн хөндий, хоолойгоор тусгаарлагдан оршдог. Алтайн нурууны зүүн төгсгөл, Говийн Алтайн нурууны салбар болох Тостын нуруу нь Монгол оронд төдийгүй дэлхийд ховордож улаан дансанд орсон цоохор ирвэсийн өндөр нягтшилтай, идээшин амьдардаг цөөн нутгийн нэг бөгөөд Монгол орны улаан дансанд бүртгэгдсэн 15 зүйлийн том сүүн тэжээлтэн, 26 зүйлийн жижиг хөхтөн, 7 зүйлийн шувууд, 10 зүйлийн ургамалтай нутаг байна.

Гурвантэс суманд өнөөгийн байдлаар эрчимтэй хөгжиж буй уул уурхайн нөлөөнд Тостын нуруу хүчтэй өртөж байгаа тул цоохор ирвэсний амьдрах орчин, шилжилт хөдөлгөөн хийдэг гол нутгийг хамгаалах зорилгоор ангилал дээшлүүлэн улсын тусгай хамгаалалтад оруулах зайлшгүй шаардлага тулгарч байна хэмээлээ.

Улсын тусгай хамгаалалтад авахаар санал болгож буй газарт уул уурхайн хайгуул, ашиглалтын 21 тусгай зөвшөөрөл олгосоноос 5 тусгай зөвшөөрөл нь цуцлагдаж үлдсэн 13 хайгуул, 3 ашиглалтын тусгай зөвшөөрлийн дагуу 12 аж ахуйн нэгж байгууллага үйл ажиллагаа явуулж байгаа аж.

Тухайлбал, Тостын нуруунд ашиглалтын /МҮ-17038, МҮ-019036/ нийт 43153.96 га талбайг “Саудгоби коэл транс” ХХК, нүүрсний хайгуулын 10 талбайн 112681,08 га талбайг 7 аж ахуйн нэгж, алтны хайгуулын 3 тусгай зөвшөөрлийн 6511,71 га талбайг 3 аж ахуйн нэгж, ховор металын 1 тусгай зөвшөөрлийн 19,35 га талбайг 1 аж ахуйн нэгж байгууллага, Алтан уул Торомхоны ашиглалтын 2 тусгай зөвшөөрлийн /МҮ-014917, МҮ-017452/ талбайн 16361,72 га, хайгуулын ХҮ-007305 тоот тусгай зөвшөөрлийн 8010,74 га нийт 24372 га талбайг Солонгосын хөрөнгө оруулалттай “АГМ Майнинг” ХХК эзэмшиж буй юм байна.

Ажлын хэсгийн ахлагч, УИХ-ын гишүүн Л.Эрдэнэчимэг, “Гурвантэс сумын Баясах багийн хэмжээнд “Саусгоби сэндс” ХХК-д 2011 онд олгосон ашиглалтын тусгай зөвшөөрлийн 10992,92 га талбайд болон нөлөөллийн бүсэд 19 булаг шанд байдаг бөгөөд нийт 37 өрхийн 12620 толгой мал өвөлжиж байна.

“Берун Майнинг” ХХК-д тусгай зөвшөөрлөөр олгогдсон талбайд Гурвантэс сумын 9 гайхамшигт ордог "Хүрэн ханын хэц" нэртэй байгалийн өвөрмөц тогтоц бүхий үзэсгэлэнт газар багтжээ. 4 булагтай энэ талбайд 30 өрхийн 8000 гаруй толгой мал өвөлжиж байгаа бол “Монгол чадал интернейшнл” ХХК-д олгосон тусгай зөвшөөрлийн 1110,49 га талбайд тус багийн 8 өрхийн 2227 толгой мал өвөлжиж байна.

Тостын нуруунд усан хагалбар зэргэлдээх уул хоорондын хөндийн газар доорх усны тэжээлийн гадаад муж давхцан оршдог тул энэ нуруунд бүрэлдэж байгаа урсац Хөвд орчмын булаг шанд, баян бүрдүүд цаашлаад Хуршуутын гол, Нарийн сухайт орчмын олон тооны худаг ус булаг шандыг тэжээж байдаг учир уул уурхайн ашиглалтын явцад хатаж ширгэх, устаж үгүй болох аюулд хүрч байна” хэмээн хэллээ.

Иймд УИХ-ын гишүүн Л.Эрдэнэчимэг, Ц.Оюунгэрэл, С.Оюун нарын нэр бүхий гишүүд Өмнөговь аймгийн Гурвантэс сумын нутаг дэвсгэрт орших Тост, Тосон бумбын нурууг Улсын тусгай хамгаалалтад авах тухай УИХ-ын тогтоолын төслийг санаачлан боловсруулж Засгийн газраас санал авахаар хүргүүлээд байна хэмээн тэрбээр сэтгүүлчдэд мэдээлсэн.

УИХ-ын гишүүн Ц.Оюунгэрэл, говийн баян бүрд, бэлчээр ус, унаган байгалийг авч үлдэхийн тулд энэ тогтоолын төслийг санаачилсан хэмээгээд асар өргөн уудам талбайг хамарсан лицензтэй талбайг ашиглавал булаг шандууд ширгэж, Монгол оронд төдийгүй дэлхийд ховордож улаан дансанд орсон цоохор ирвэс, 15 зүйлийн том сүүн тэжээлтэн, 26 зүйлийн жижиг хөхтөн, 7 зүйлийн шувууд, 10 зүйлийн ургамалтай нутаг сүйдэх аюул нүүрлээд байна хэмээсэн юм. Эрхэм гишүүн өнгөрсөн оны 12 дугаар сард Парис хотноо дэлхийн 200 орчим орны төлөөлөгчид оролцож, хорт утааны ялгарлыг бууруулах анхны гэрээг байгуулсан гээд дэлхийн дулаарлыг цельсийн 2 градусаас дээш нэмэгдүүлэхгүй барих зорилтыг уг гэрээнд тусгасан гэлээ. Дээр дурдсан асар өргөн талбайд нүүрс олборлох тусгай зөвшөөрөл олгоод байгааг тэрбээр онцлоод дэлхийн дулаарлыг зогсоохын тулд дэлхий нийт нүүрснээс татгалах уриалга гаргаад байхад бид нутаг орноо хамгаалахын тулд нүүрс олборлолтыг яагаад зогсоож болохгүй гэж хэмээн хэлсэн юм. Хөрш Хятад Улсаас эхлээд Энэтхэг, АНУ, Вьетнам улсууд нүүрсний хэрэглээгээ багасгах арга хэмжээ хэдийнэ авч эхэлсэн хэмээн УИХ-ын гишүүн Ц.Оюунгэрэл энэ үеэр мэдээлсэн юм.

Өмнөговь аймгийн ИТХ-ын дарга Б.Дэжид, Засаг дарга Г.Гангамаа нар Гурвантэс сумын нийт нутгийн 60 гаруй хувьд нь ашигт малмалын хайгуул, ашиглалтын тусгай зөвшөөрлийг олгосон гээд одоо олборлолт эхэлбэл малын бэлчээр, усгүй болох аюул нүүрлээд байгааг хэллээ. Сумын удирдлага энэ асуудлаар албан бичиг явуулан, асуудлыг биеэр ирж уламжилж байсан ч нэмэр болоогүй. Харин УИХ-ын гишүүд очиж байдлыг нүдээрээ харж ойлгосон учир Тост, Тосон бумбын нурууг Улсын тусгай хамгаалалтад авах ажил урагшлахаар боллоо гэж хэлсэн.

Мэдээллийн дараа УИХ-ын гишүүд сэтгүүлчдийн сонирхсон асуултад хариуллаа.

ЭХ СУРВАЛЖ: УИХ-ЫН ТАМГЫН ГАЗРЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС

 

 

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

Zochin 2016-01-28 31.33.41.104

Gatsaa erdenechimeg yvsan bol gatsaajil taarna

зочин 2016-01-28 202.179.28.159

Эрдэнэчимэг худалч дүр эмгэгч

зочин 2016-01-28 202.179.28.159

Эрдэнэчимэг 2 нүүртэй,хэзээ ч зөв зүйлийн талд байхгүй нь гэдгийг ажлын хэсэг ахлагч байхдаа худал хэлснийг иргэн би санах юм байна.

Зочин 2016-01-28 112.72.12.7

БЕНЗ очсон гэхээр л асуудал уваигүи шударга бус болчхож дээ?

Зочин 2016-01-28 202.179.28.243

Өмнөх гайнууд яагаад лиценз олгов, одоо нөхөн төлбөр гээд бөөн мөнгө нэхэгдэнэ

ойн савдаг 2016-01-28 202.131.228.20

Маш чухал ажлыг зөв шийдэж байгаа орон нутгийн дарга нар болон УИХ-ын эмэгтэй гишүүдэд баяр хүргэе. Энэ уулсад байгаа ховордсон ан амьтадаас гадна гүний усны тэжээлийн эх үүсвэрийг хамгаалалтанд авч байгааг үнэхээр дэмжиж байна.

Зочин 2016-01-28 103.10.23.8

сайн байна

зочин 2016-01-28 202.179.6.34

Сонгуулийн шоу

Зочин 2016-01-28 66.249.82.202

Зи энхболдын бууны ноход тэнд юу хийж байгаа болдоо ард нийтийн саналыг оор юм руу чиглуулэх ээлжит комбинац у

ахахаха 2016-01-28 202.179.10.150

УИХ-ын эрхэм хоёр гишүүнд ихэд баярлалаа,та хоёрын энэ хийж буй ажил бол ёстой монгол орноо эх нутагаа элгэн саднаа гэсэн буянтай өгөөжтэй ажил шүү,талийгаач залуугийн дурсгалыг хүндэтгэх арга хэмжээнд оролцож Оюунгэрэлийн уйлаж байгаад хэлсэн үг дутагдлаа хүлээсэн зэрэг нь энэ хүний ёс зүй хүмүүжил зан төлөвийг олон түмэнд харуулсан жинхэнэ монгол эмэгтэйн эх хүний дүр төрх байсан,ингэж дутагдлаа ард түмнийхээ өмнө шудрагаар хүлээдэг төрийн түшээ тийм ч олон байхгүй байх,энэ ажлаа эрчимжүүлэж эцсийн үр дүнг үзээрэй,далиманд нь хэлэхэд эх нутаг газар шороогоо юм л бол зарах худалдах ухах төнхөх дон шүгэлсэн зарим нэг сайд дарга нэртэй луйварчдыг харахлаар нүд хорсох боллоо,олон хүн ийм байдалтай байгааг луйварчид ойлговол зүгээр юмсандаа.

Зочин 2016-01-28 202.126.89.143

Л.Эрдэнэчимэг, Ц.Оюунгэрэл ta nart yunii xamaa bna. Oron nutgiin irged l medne shyy dee.

Г.Ганбат Дарханаас 2016-01-28 202.179.11.134

Их чухал , сайхан мэдээлэл байна . Гэхдээ сэтгүүлч маань мэдээ ,мэдээлэл бичихдээ үг үсгийн алдаа их гаргах юм аа . Сайн хянаж байгаач . Гурвантэс сумын ИТХ-ын дарга ,Засаг даргыг Өмнөговь аймгийн ИТХ-ын , бас Засаг дарга гээд биччихэж , албан тушаал дэвшүүлээд ....

Зочин 2016-01-28 202.126.91.101

2 гишүүндээ баярлалаа. Газар дээр нь очиж танилцаад арга хэмжээ авах ажил хийж байгаад нь. Үзэсгэлэнт сайхан эх орныхоо байгалийг хамгаалах ажилд нь өндөр амжилт хүсэе.