МИАТ ТӨХК-ийн Боинг 767-300 агаарын хөлгийн 2020 оны долдугаар сарын 9-ний өдрийн Истанбул-Улаанбаатар чиглэлийн ОМ7162 аяллын нислэгийн үеэр хоёр ихэр охин мэндэлсэн түүхэн баярт үйл явдал болсон билээ.

Энэ үeэр мэргэжлийн ур чадвар гарган эмнэлгийн тусламж үйлчилгээ үзүүлэн эх, хүүхдүүдийг эсэн мэнд амаржуулсан ЭХЭМҮТ-ийн Сэхээн амьдруулах эрчимт эмчилгээний тасгийн сувилагч А.Буянжаргал, Багахангай дүүргийн ахмадын сувиллын эмч Д.Мөнхсаруул, Улсын 2-р эмнэлгийн хүүхдийн эмч Д.Отгончимэг, Номун эмнэлгийн хүүхдийн эмч П.Сугармаа, ХӨСҮТ-ийн Яаралтай тусламжын тасгийн эрхлэгч Б.Батсүх, эх баригч Ё.Даваа нарт МИАТ-ийн нислэг үйлддэг чиглэлд нэг удаа үнэгүй зорчих эрхийн бичгийг өчигдөр гардуулан өгчээ.

Онгоцонд мэндэлсэн ихэр охид болон ээжид МИАТ ТӨХК-ийн нислэгийн бүх чиглэлд насан туршдаа үнэгүй зорчих эрхийн бичиг олгосон байна.