УИХ-ын гишүүн Б.Саранчимэг Агаарын бохирдлыг бууруулах асуудлын дэд хорооны даргаар томилогджээ. Байгаль орчин, хүнс, хөдөө аж ахуйн байнгын хороонд харъяалагдах Агаарын бохирдлыг бууруулах асуудлын дэд хорооны даргыг  тус хорооны гишүүдийн дотроос нэр дэвшүүлж, Байнгын хорооны гишүүдийн олонхын саналаар сонгоно гэсэн Монгол Улсын Их Хурлын чуулганы хуралдааны дэгийн тухай хуулийн заалтын дагуу Агаарын бохирдлыг бууруулах асуудлын дэд хорооны даргад Улсын Их Хурлын гишүүн Б.Саранчимэгийн нэрийг дэвшүүлснийг хуралдаанд оролцсон гишүүдийн олонх дэмжээ.

УИХ-ын гишүүн Б.Саранчимэг нь Баянзүрх дүүргээс хоёр дахь удаагаа сонгогдсон бөгөөд өнгөрсөн парламентын үед МАН-ын бүлгийн дэд даргаар ажиллаж байсан юм.

Ш.ОЧ