“Гэгээн муза-15” наадмын улаан хивсний ёслол “Хүн" театрт болно | News.MN

“Гэгээн муза-15” наадмын улаан хивсний ёслол “Хүн" театрт болно

“Гэгээн муза-15” наадмын улаан хивсний ёслол “Хүн" театрт болно

“Гэгээн муза-15” наадмын улаан хивсний ёслол “Хүн" театрт болно

Драмын урлагийн шилдэг уран бүтээл, уран бүтээлчдийг шалгаруулах "Гэгээн Муза-15" олон улсын театрын наадмын улаан хивсний ёслол наймдугаар сарын 30-нд 17.00 цагт “Хүн” театрт болно.

“Гэгээн Муза 15′′ олон улсын театрын наадам монодрама, хөгжмийн тоглолт, хүүхдийн тоглолт, хоёр эрэгтэй үзүүлбэр, драмын тоглолт гэсэн үндсэн таван ангиллаар болно гэдгийг зохион байгуулагчдын зүгээс хэлж буй. Энэ удаагийн наадамд төвийн болон орон нутгийн театр урлагийн 10 гаруй театр, чуулга, продакшны бүтээлүүд, олон улсаас 12 орны уран бүтээлч өрсөлдөх ажээ.

Тодруулбал, Монгол, ОХУ-ын Буриад, БНХАУ-ын ӨМӨЗО, ХБНГУ, Австри, Швейцарь, Украйн, Хойд Македони, Энэтхэг, Арабын нэгдсэн Эмират, Грек, Испани, Итали зэрэг улсын уран бүтээлчид уран бүтээлээрээ оролцох юм байна.

Мөн Монгол, ОХУ, Словени, Хонконг, Швейцарь, Швед, Грек гэсэн улсын шүүгч нар хамтран ажиллах гэнэ. Драмын урлагийн шилдгийн шилдгийг шалгаруулдаг “Гэгээн муза” наадам нь 2003 оноос эхлэн тасралтгүй үргэлжилсээр 15 дахь удаагийнхаа наадмыг зохион байгуулж байна. Өнгөрсөн 2018 оноос уг наадмыг хоёр жилд нэг удаа зохион байгуулдаг болсон юм.

Монгол гэр хэлбэртэй орчин үеийн шинэлэг шийдэл бүхий “Хүн” театр нь 300 хүний суудалтай. Гэрийн диаметр нь 30 метр, тооно хүртэлх өндөр нь 13.8 метр буюу гурван давхар байшинтай тэнцэх хэмжээтэй театр.

А.СҮРЭН

Энэ мэдээнд өгөх таны сэтгэгдэл?
1
ЗөвЗөв
1
ХөөрхөнХөөрхөн
1
ТэнэглэлТэнэглэл
0
ХахаХаха
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

иргэн 2020-08-26 202.131.227.82

юун улаан хивсний баяр вэ? олигтой уран бүтээл байхгүй. Хийсэн кино гэх зүйлийг нь соёл боловсролын яамаар нь оруулж цензур тогтоож байж гаргах эсэх талаар зөвшөөрөл өгдөг баймаар юм. Сүүлийн үеийн кино гэх юмнууд нь алаан хядаан, хэрүүл, секс, эрүүл бус хөгийн юмнуудыг телевизээр их гаргах болжээ. үлгэр дууриалал авах юм нэг ч үгүй, гадаадын киноноос хуулбарласан юмнууд л хийх юм даа.

Avatar

Зочин 2020-08-26 202.21.111.170

УОК-оос зөвшөөрөл өгөөгүй. Олон хүн нэг дор бөөгнөрүүлэх, үзвэр үйлчилгээ явуулах хол хорио цуцлагдаагүй шүү.

Avatar

зочин 2020-08-26 66.181.166.196

Улаан хивсний ёслол гэдэг эд ер нь чанаргүй хулхи бүтээлээ халхлах нэг халхавч юм биш үү, сүржин ёслолд орсон улс учиргүй муулаад байж чадахгүй хэлээ хазаад л өнгөрдөг юм шиг байгаа юм, ер нь бол хээл хахуулирхуу л эд шиг санагдаад байдаг юм

Avatar

Зочин 2020-08-26 203.91.116.147

Оросгүй юм байхаа больжээ

NewsMN Гар утасны хувилбар Татах
NEWS.mn

Мэдээллийн эх сурвалж