Орос маягийн хордуулах арга-Сталины үеэс Путины үе | News.MN

Орос маягийн хордуулах арга-Сталины үеэс Путины үе

Орос маягийн хордуулах арга-Сталины үеэс Путины үе

Орос маягийн хордуулах арга-Сталины үеэс Путины үе

Оросын сөрөг хүчний удирдагч, Ерөнхийлөгч Путины засаг захиргааг шүүмжлэгч Алексей Навальныйг хордуулсан гэх асуудал дэлхий нийтийн анхаарлын төвд байна. Түүнийг яг хордуулсан уу, хэрэв тийм бол яагаад ингэх болов, хэн үүнийг хийв, ер нь Оросын түүхэнд нэр нөлөө бүхий хүмүүсийг хордуулан хөнөөх явдал тасрахгүй байна гэх мэт олон асуулт урган гарч ирж байгаа юм.

Навальныйн хувьд энэ сарын 20-ны өдөр Сибириэс Москва руу явах замдаа гэнэт ухаан алдаж, түүний онгоц Омск хотноо газардахаас өөр аргагүй болжээ. Тухайн өдөр ганц аяга цайнаас өөр юу ч ууж идээгүй түүнийг хордуулсан байж болзошгүй гэж хамтрагчид нь сэжиглэсэн. Тэр комад орсон байсан ба Омск хотод эмнэлгийн техник технологи, багаж хэрэгсэл хангалтгүй учир өөр газар эмчлүүлэх нь зүйтэй гэж үзсэн.

Энэ үед Германы “The Cinema for Peace Foundation” төрийн бус байгууллага эмнэлгийн тусламжийн онгоц Омск хот руу илгээхийг санал болгож, Францын Ерөнхийлөгч Навальныйд улс төрийн орогнол олгох боломжтойг мэдэгдсэн. Эхэндээ түүний биеийн байдлаас шалтгаалан онгоцоор тээвэрлэх боломжгүй гэж байсан ч удалгүй хүнд үеэ давсан учир Герман руу шилжүүлэхийг эмч нар зөвшөөрчээ. Ингээд түүнийг Берлины “Charité” эмнэлэгт хүргэсэн.

Оросын талын эмч нарын дүгнэлтээр түүнийг хордуулсан гэх нотолгоо олдоогүй, чихрийн шижингээсээ болоод комад орсон байх магадлалтай гэж байсан бол маргааш нь Германы эмч нарын дүгнэлт гарч, түүнийг “cholinesterase inhibitor” бүлгийн ямар нэг бодисоор хордуулсан гэж үзжээ.

Энэ бүлгийн бодисуудыг химийн зэвсгээс эхлээд шавьжны хор хийхэд хүртэл ашигладаг аж. Одоогоор амь насанд нь шууд нөлөөлөх аюулгүй ч удаан хугацаанд эрүүл мэндэд нь сөргөөр нөлөөлж болзошгүй байгааг эмч нар мэдэгдээд байгаа. Энэ асуудлын талаар Германы канцлер Ангела Меркель мэдэгдэл хийж, Навальныйг хордуулсан хэргийг шалгаж, буруутай этгээдийг илрүүлэн хуулийн хариуцлага тооцохыг Оросын талд уриалсан. Мөн удаан хугацаанд чимээгүй байсан АНУ мөн мэдэгдэл хийж, тус улсын Төрийн нарийн бичгийн дарга Майк Помпео “АНУ дээрх асуудалд ихэд санаа зовниж байна. Шаардлага гарвал мөрдөн шалгах ажилд дэмжлэг үзүүлэхэд бэлэн байна. Ноён Навальныйг хордуулсан асуудлыг ил тод шалгаж, буруутай хүмүүст хариуцлага тооцох нь зүйтэй” хэмээн мэдэгдсэн байна.

Улс төрийн нөлөө бүхий хүмүүс, өрсөлдөгчдөө хор өгч хөнөөх арга Оросын түүхэнд олонтаа тохиож байжээ. Энэ арга Сталины үед бүр ч эрчээ авсан гэхэд болно.

Тухайн үеийн КГБ хорны тухай өндөр мэдлэгтэй хүмүүсээр хүрээгээ тэлж, богино  хугацаанд хор боловсруулах нууц лабратори хүртэл байгуулагдан ажиллаж байсан гэдэг. Яваандаа эдгээр нь хилийн чанадад алан хядах, хорлон сүйтгэх ажиллагаа явуулахад түшиц суурь  болж уг бүлгийг Яков Селбрянксий хэмээх этгээд толгойлж эхэлжээ. Хувьсгалын эсрэг сайн дурын армийн ерөнхий командлагч асан Барон Врангелийг устгах зорилгоор Бельгид 1928 онд явагдсан ажиллагааг энэ бүлгийн хамгийн анхны ажиллагаа гэж үздэг. Хор боловсруулах лабраторийг Ягода удирдаж эхэлснээс хойш маш өргөн хүрээнд үйл ажиллагаа явуулж лабраторийг өргөтгөн химийн болон хими бактериологийн хоёр хэлтэст хуваасан байдаг. Хожим Ягодаг баривчласны дараа түүнд Менжинский Куйбышев, Горький болон түүний хүү Пешков нарыг хордуулсан хэрэгт ял тулгаж, эрүүдэн шүүж байжээ. Тэр үеийн улс төрийнхний дунд өрсөлдөгчөө хордуулах арга “моод” болон дэлгэрч байсан гэхэд болно. И. Сталин хэлэхдээ В. И. Ленин амь тавьж байхдаа түүнээс хор өгөхийг гуйж байсан тухай цухас дурьдсан байдаг бол үүнээс хойш энэ арга дотоод явдлын яамны доод шатныхны дунд хүртэл тахал мэт тархжээ гэж түүхийн баримт бичгүүдэд дурдсан байдаг. Энэ үед Орос маягийн хорны золиос болсон хүмүүс маш олон бий.

Орчин үеийн Орос улсын түүхэнд ч хэд хэдэн нөлөө бүхий хүн энэ аргын золиос болсон.

Георгий Марков, Лондон, 1978 он

Болгарын тэрс үзэлтэн Георгий Марков Лондонд автобусны зогсоол дээр зогсож байхад нь үл таних этгээд багахан хэмжээний рицинтэй шүхэр биед нь хатгасан байна. Марков эмнэлэгт гурав хоногийн дараа амиа алджээ.

Рицин хэмээх бодис нь хүний амьсгалын зам, цус болон хоол боловсруулах эрхтэнд орсон даруйдаа үхэлд хүргэх аюултай бөгөөд насанд хүрсэн хүний аминд хүрэхэд чимх рицин байхад л хангалттай байдаг.


Анна Политовская, 2004 он

Оросын нэртэй сэтгүүлч Анна Политковская нь Чеченийн дайныг шүүмжилдэг эрэн сурвалжлах сэтгүүлч байсан ба тэрээр 2004 онд цай уусныхаа дараа ухаан алдаж, улмаар комад орсон юм. Азаар тэр амьд үлдэж, сэргэсэн ч түүний биеэс ямар ч хорт бодис илрүүлж чадаагүй. Энэ явдлаас хойш хоёр жилийн дараа тэр өөрийн амьдардаг орон сууцандаа буудуулж амиа алдсан.


Виктор Ющенко, Украин, 2004 он

Украины Ерөнхийлөгч асан Виктор Ющенко нь 2004 оны Ерөнхийлөгчийн сонгуулийн кампанит ажлын үеэр төрийн өндөр албан тушаалтнууд оролцсон оройн зоогийн үеэр диоксинд хордож, хлорын гэх хэзээ ч эдгэшгүй аймшигт өвчтэй болсон юм. Түүний цусан дахь диоксины хэмжээ эрүүл хүнийхээс 6000 дахин их гарсан байна. Хордсоных нь дараа Ющенког үхсэн хэмээн цуурч байлаа. Гэнэт хөгширч, нүүр нь барзайсан Виктор Ющенког Ерөнхийлөгчийн тангараг өргөснийх нь дараа ч Украины олон иргэн таниагүй. Тэр байтугай эмч хүн хүртэл “Энэ бол жинхэнэ Ющенко биш” хэмээж, генетикийн шинжилгээ хийлгэхийг шаардаж байсан юм. Тэрбээр сонгуулийн үеэр “Украиныг Европтой илүү ойр дотно байх ёстой” хэмээн олонтоо мэдэгдсэн. “Украин хөгжихийн тулд ОХУ бус Европтой илүү ойр байх учиртай” гэж уриалж байсан ба ОХУ түүнийг хордуулсан гэж өөрөө үздэг.


Александр Литвиненко, Лондон, 2006 он

Литвиненко Оросын тусгайгийнхан болон Ерөнхийлөгчийг хамгийн ихээр буруутгадаг хүмүүсийн нэг байсан Холбооны аюулгүй байдлын албаны офицер асан Александр Литвиненко 2000 онд Их Британид улс төрийн орогнол хүсчээ.  Тэрбээр Орост болсон олон халдлага, орон сууцны барилгуудыг дэлбэлсэн хэргийг Холбооны аюулгүй байдлын алба зохион байгуулсан гэж мэдээлж байв.

Түүнийг 2006 оны арваннэгдүгээр сард Лондонгийн Пиккадиллигийн суши ресторанд үдийн хоол идэх үеэр нь цацраг идэвхит бодисоор хордуулсан гэж үздэг. Задлан шинжилгээ хийхэд ховор, өндөр цацраг идэвхит элемент болох полоний-210 гэх бодисын ул мөр илэрчээ. Их Британи энэ аллагад тусгай албаны ажилтан асан, Төрийн думын гишүүн Андрей Луговойг буруутай гэж сэжиглэдэг.


Александр Перепеличный, 2012 он

Перепеличный бол 2009 онд Их Британи руу дүрвэсэн Оросын бизнесмен. Түүнийг Оросын албан тушаатнуудын авлигын схемийг судлахад олон улсын эрэн сурвалжлах бүлгийнхэнд туслаж байсан ба 2012 онд 44 настайдаа гүйлтийн дасгал хийж байгаад гэнэт нас барсан. Нас барахын өмнө эмнэлгийн үзлэгт хамрагдахад цоо эрүүл гарсан хүн ийнхүү дасгалын үеэр нас барсан нь анхаарал татаж байв. Эхэндээ нас барсан шалтгааныг зүрхний шигдээс гэж үзэж байсан ч дараа нь түүний ходоодноос гельземиум гэх нэн ховор ургамалд агуулагддаг хорт бодис илэрсэн байдаг.


Владимир Кара-Мурза, 2015 ба 2017 он

Владимир Кара-Мурза Оросын нэрт улс төрч агсан Борис Немцовын туслах, хамтран зүтгэгч төдийгүй Путиныг эсэргүүцэгчдийн нэг байв. 2017 оны хоёрдугаар сард эмнэлэгт хүргэгддэг шөнөө  эхнэр, хоёр хүүхдийнхээ хамт хадмындаа байсан бөгөөд АНУ-ын Вашингтон хот руу нисэхээс ердөө хэдхэн цагийн өмнө гэнэт л биеийнх нь байдал муудаж эхэлсэн байна. Москвагийн эмч нар ийм баримт байхгүй гэж хэвлэлийнхэнд мэдээлж байсан бол хараат бус шинжилгээ хийсэн Францын эмч Паскаль Кинц өвчтөний биеэс хүнд металлуудын ул мөр илэрсэн гэж баталж байжээ. Ардчиллын төлөө идэвхитэй тэмцэгч, мөн сэтгүүлч  тэрбээр 2015 онд мөн л хордсон гэх шалтгаанаар эмнэлэгт хүргэгдэж, хоёр сарын хугацааг эмнэлгийн орон дээр өнгөрүүлж байжээ. Тухайн үед бөөрний архаг дутагдалд орсон байсны зэрэгцээ цуснаас нь хүнд металл өндөр агууламжтай илэрч байж.


Петр Верзилов, Москва, 2018 он 

“Пусси Риот”  оросын  панк  хөгжмийн хамтлаг ерөнхийлөгч Владимир Путин олон улсын хүний эрхийг зөрчиж байгааг мэдэгдэхийн тулд ОХУ-д болсон хөлбөмбөгийн ДАШТ-ий үеэр Хорват, Францын  тоглолтыг үймүүлж шуугиан тарьж байлаа. Тухайн үед  зохион байгуулагчид тэднийг хүч хэрэглэн тоглолтын талбайгаас гаргасан. Энэ явдлын дараа тус хамтлагийн гишүүн, "Медиазон" цахим хэвлэлийн эрхлэгч  Петр Верзиловын бие 2018 оны есдүгээр сарын 11-ний өдөр гэнэт муудаж, Москвагийн эмнэлгийн хордлогын сэхээн амьдруулах төвд хэдэн өдөр эмчлүүлээд, улмаар түүнийг Берлиний "Charite" эмнэлэг рүү шилжүүлжээ. Германы эмч нар Верзиловыг хордуулсан гэдэгт итгэлтэй байсан ч ямар бодисоор хордуулсан талаар тогтоож чадаагүй бөгөөд 2018 оны зун Африкт Оросын гурван сэтгүүлч амиа алдсан хэргийг эрэн сурвалжилсны хариуд өөрийг нь хордуулсан гэж Верзилов үздэг.


Скрипаль ба түүний охин Юлия, Их Британи, 2018 он

Их Британийн Солсбери хотод Оросын болоод Британийн тусгай албанд тагнуулчаар ажиллаж байсан Сергей Скрипалийг охин Юлиягийнх нь хамт 2018 оны гуравдугаар сарын дөрөвний өдөр ухаангүй байхад нь олжээ. Тэднийг хордуулсан гэж үзсэн бөгөөд хэрэгт сэжиглэн Оросын иргэд болох Александр Петров, Руслан Боширов нарыг хожим баривчилсан юм.

Британийн цэргийн шинжээчид Скрипалийнхныг хордуулсан бодис нь "Новичок" гэх мэдрэл саажуулах бодисын бүлэгт багтдаг хорт бодис болохыг тогтоож, Их Британи Оросын эрх баригчдыг хүний амь насанд халдсан хэмээн буруутгаж, Оросын дипломатуудыг хөөн гаргаж байлаа. Энэ явдлаас хойш ОХУ болон Британийн дипломат харилцаа нэлээд муудсан. Юлия болон  Сергей Скрипаль нар хордсон ч эсэн мэнд үлдэж чадсан ч хэрэг явдлаас хойш хэдэн долоо хоногийн дараа үнэртэй усны шилэнд хийсэн хорыг хогийн саванд хаясан байсныг 44 настай Дон Стержесс гэх эр олоод, хордож амиа алджээ. Одоо Скрипал болон түүний охин Юлия нар Шинэ Зеландад, өндөр хамгаалалт дор амьдарч байгаа.

Эх сурвалж: Washington post, Foreign Policy

 

Энэ мэдээнд өгөх таны сэтгэгдэл?
5
ХарамсалтайХарамсалтай
4
ХахаХаха
4
ГайхмаарГайхмаар
2
ЗөвЗөв
1
ТэнэглэлТэнэглэл
1
БурууБуруу
0
ХөөрхөнХөөрхөн
Баярлалаа!

Холбоотой мэдээ

47 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-08-26 202.126.88.205

Их Жанжинг Сухбаатарыгминь бас Дэмид жанжинг хордуулж алсан улс даа

Avatar

нэр төр 2020-08-26 49.0.140.26

маш олон монгол хүнийг шүү

Avatar

Зочин 2020-08-26 64.119.20.11

Шижинтэй хүн Ганц аяга цайнаас өөр хоол унд хэрэглээгүй юм бол ухаан алдаж унах нь гарцаагүй !!

Avatar

Ovgon, 2020-08-26 43.242.243.134

vladolf putler geh fashist etgeed orosiin toriin terguun bolohtoi zeregtseed fashizmiin suns, kommunizmiin aguu ihiin soliorol oros orond ergen irsen. Odoo ene albindsan chotgor ene delhiid mon ih gai zovlon tarina, daraa ni oros orniig suiruulsneeer duusna. Oros trolluud hend uilchilj bgaagaa odoo oilgotsgoo, daraa ni ta nariin eelj irj ch magadgui shuu

Avatar

ХЭХЭ 2020-08-26 59.153.113.117

х****л ИДСЭН ОРОС ХАРХНУУД БИЕ БИЕНЭЭ АЛЖ Л БАЙГ

Avatar

Unen medee 2020-08-26 74.105.51.49

zugeer oilgoj ch chadahgui, Putiniig umuurch oriltsgoodog, bur undesnii seheetnuudiig ni uursnii n garaar horolj baihad tusgaar togtnol ugch baina gej muurch baidag uneheer umbuunuud yum uu gadnii gar hul setgegdel bicheed baina uu !

Avatar

Зочин 2020-08-26 192.82.75.155

Үнэндээ америк, барууныхан энэ хордуулах аргыг маш өргөн хэрэглэдэг. Тэд өөрсдөө хордуулчихаад Оросыг буруутгах шалтаг болгосоор ирсэн.

Avatar

ХЭХЭ 2020-08-26 59.153.113.117

ЧАМАЙГ ХОРДУУЛААД ШАРИК ДУТУУ БОЛГОЧИХСОН ЮМ БАЙНА ХАХА

Avatar

Зочин 2020-08-26 202.21.108.1

Үнэн бол Оросууд урвагчдаа хордуулдагын байна, харин Монголд эх орондоо хордуулж алдаг болсоор 30 жил жилийн нүүр үзлээ. Тэдгээр хүмүүс бүгд Хятадын эсрэг үзэлтэй байж цаг бусаар хорвоог орхисон нь гайхалтай.

Avatar

Ovgon, 2020-08-26 43.242.243.134

vladolf putler geh fashist etgeed orosiin toriin terguun bolohtoi zeregtseed fashizmiin suns, kommunizmiin aguu ihiin soliorol oros orond ergen irsen. Odoo ene albindsan chotgor ene delhiid mon ih gai zovlon tarina, daraa ni oros orniig suiruulsneeer duusna.

Avatar

Зочин 2020-08-26 122.201.21.120

Энэ нөхөр Орос орныг ямар их үзэн ядаж байх юм бэ Ийм мэдээлэл бол улс орны ард олны толгойг буруу ташаа мэдээллээр угааж, төр засгийн нь нэр төрийг тэдний унаган улмаар дотоодод нь самуун үймээн дэгдээх хорт оролдлогын нэг ,үүнийг тэр оронд дайсагнасан гурав дэх этгээдэд худалдагдсан хүмүүсийн хийдэг ажил л гээд байх юм байна даг

Avatar

mongolhvv 2020-08-26 192.82.77.169

naad ovgon geh emgen chin hurliiz g*** bgaa yumaa. neg muu tsustai harh bgaa yumaa.

Avatar

Зочин 2020-08-26 66.181.161.28

Монголын олон аавын хүүг хордуулж буудаж алсан даа. Төр төлөөсөндөө тэр хийн хоолойгоо үнэгүй тавьж өгөх хэрэгтэй

Avatar

Зочин 2020-08-26 66.181.184.167

оросууд Монголын сонгуульд нөлөөлөх гэж хийн хоолой төслийг олон жил пиардаж хуурч ирсэн төсөл … удахгүй орон нутгийн сонгууль болно

Avatar

Зочин 2020-08-26 24.16.36.214

ajil hiij bga yum bol gvitsed hiihgvi dee >>

Avatar

Зочин 2020-08-26 202.126.92.60

s** komunistuud ayultai

Avatar

Иргэн 2020-08-26 150.129.140.19

Чихрийн шижингийн ком гэнэт үүсч ухаан алддаг юмоо!
Өглөө ганц аяга цай уусан хүн хордоогүй байхаа.
Манай ардчилагчид нэгнийгээ ухаан алдвал хордуулсан гэх гээд их түгээж байна аа!
Монголд Элбэгдорж аль хэдийнэ хордуулах ажиллагаа явуулж, олон улс төрчдийг нухаа биздээ!
Хэлэмгий хүн сурамгай! гэж.

Avatar

Зочин 2020-08-26 66.181.186.33

Энэ юу ч биш. 1921-1951 онуудад Монголын удирдагчдыг болоод ард түмнийг нь шууд л буудаж, шоронд тамлаж алж байсан аймшигтай жишээг байна.

Avatar

Зочин 2020-08-26 202.131.245.243

Аан, мэдлээ мэдлээ. Коминтерний бууны нохдыг цэвэрлэж өгснөөрөө Сталин багш Монголын төрд их тус хүргэсэн юм байна. Одоо л нэг юм ойлголоо.

Avatar

Зочин 2020-08-26 202.126.89.48

Chi yasan teneg hvvr ve?

Avatar

mongolhvv 2020-08-26 192.82.77.169

tegej baij l bid tusgaar uls bolson doo… tusgaar togtnoliig tsusaar l olj abdag ymaa. zvgeer l oldogui ee..

Avatar

Зочин 2020-08-26 103.229.122.28

Барууныхан ажиллаад байна шүү

Avatar

зочин 2020-08-26 66.181.161.96

Тусгай албадын оролцоотой аллагыг хэн нь хэний төлөө хийснийг нэг муу сэтгүүлч шүүх үү? Үзсэн юм шиг гуцах юм. Заримыг нь оросууд нухсан л байгаа. Заримынх нь үхлээр барууныхан шоу хийж байгаа.

Avatar

Зочин 2020-08-26 192.82.70.211

Ard tumneesee urvabal uhdeg l yum daa.

Avatar

Зочин 2020-08-26 203.91.114.244

Оросуудтай идэж уумааргүйн бн

Avatar

Зочин 2020-08-26 202.131.245.243

90 оноос хойш монголчууд хятад хүнснээс л хордож үхэж байгаа шүү дээ. Эсвэл худлаа юм уу?

Avatar

Зочин 2020-08-26 150.129.140.19

Оросуудтай идэж уухад ч харин хужаатай идэж ууснаас хамаагүй аюулгүй байх шүү!

Avatar

Зочин 2020-08-26 202.131.234.194

Хоёр том хөршөө элдэвээр өдөх нь осолтой доо хүмүүсээ

Avatar

Зочин 2020-08-26 192.82.70.243

Хоёр их гүрний аль нь чиг дайраад ороод ирвэл баахан гэмгүй хүн барьж алуулах аалзны зулзаганууд л ийм юм бичиж бгаа юмаа хө

Avatar

үнэн 2020-08-26 202.21.126.82

Путин бол аймшигтай дарангуйлагч, орос оронд ямар хүний эрх, ардчилал байна. Оросууд дээр үеэсээ бүдүүлэг, залхуу, дээрэлхүү хүмүүс. хууль дүрэм, ёс заншил гэж үйлчилдэггүй.

Avatar

Зочин 2020-08-26 150.129.140.19

Зөв!
Тэгж байж л эмх цэгцтэй байлгана!
Манайд бол дэндүү байгаа шүү! Хувхай ардчилагчид улс орныг минь сүйрүүлж хаясан шүү дээ!

Avatar

Зочин 2020-08-26 192.82.70.243

Гяхгяхх монголчууд дээр үеэсээ ямар ард түмэн юм бол

Avatar

Зочин 2020-08-26 64.119.23.233

оросуудын хордуулж алсан монголын төр нийгмийн зүтгэлтнүүдийн жагсаалтыг гаргавал мөн урт юм болнодо

Avatar

Зочин 2020-08-26 192.82.65.120

Хордуулах арга бол баруунаас эхтэй. Дундад зууны үеэс одоо ч хэрэгжиж байгаа. Өөрсдөө хордуулчихаад бусад руу чихэж, гүтгэдэг аргатай. Энийг чинь л жинхэнэ англи маягийн аллага гээд байгаа юм шүү дээ.

Avatar

zochin 2020-08-26 192.82.69.48

ene urvagch orosuudiin gar hul tagnuul bn manai tusgaigiinhan anhaaraldaa avna biz

Avatar

Зочин 2020-08-26 192.82.77.169

chi ooroo hujaagiin gar hol neg muu hurliiz g*** bnaa..

Avatar

ИРГЭН 2020-08-26 202.179.15.3

ОРОСУУД ӨӨДТӨЙ ХҮМҮҮСЭЭ УСТАГДАГ НЬ БОЛЬШВЕКУУДААС ЭХТЭЙ БАЙСАН ДАА ХӨӨРХИЙ МУНХАГУУД НЬ ТӨР БАРЬДАГ ЦАГ ДООР АМЬДАРЧ БАЙНА ШҮҮ ДЭЭ ..МАНАЙХ Ч ЯЛГААГҮЙ ЗОРИГ БОЛОН БУСАД НЬ ИЙМ Л БОЛСОН.

Avatar

ХЭХЭ 2020-08-26 59.153.113.117

х****л идсэн улаан оросууд бие биенээ алж л байг

Avatar

Зочин 2020-08-26 202.131.245.243

Навальный орос биш хохол шүү дээ. Зүгээр үү?

Avatar

Зочин 2020-08-26 192.82.77.169

he he yg goy heljee..

Avatar

ХЭХЭ 2020-08-26 59.153.113.117

ХЭХЭ ҮХЭР МИНЬ ЧИ НЭГ МӨӨРХӨӨРӨӨ УКРАЙН БОЛ ОРОС ГЭЖ МӨӨРӨХ ДУРГҮЙГЭЭР ХҮРЭХЭЭР ОРОС БИШ ГЭХ ЯАДАГ МУУ ҮХЭР ВЭ

Avatar

Doorhi zochid 2020-08-26 74.105.51.49

Orosiin gar humuus Baihaa?? Mongold ezegneed Ehelj baigaa yum nishuu, Erunhiilugchiin songuuli uimuulbel yamar!!

Avatar

Зочин 2020-08-26 202.131.245.243

Хордуулах арга бол баруунаас эхтэй. Дундад зууны үеэс одоо ч хэрэгжиж байгаа. Өөрсдөө хордуулчихаад бусад руу чихэж, гүтгэдэг аргатай. Энийг чинь жинхэнэ англи маягийн аллага гээд байгаа юм шүү дээ.

Avatar

Зочин 2020-08-26 66.181.182.107

Тэгвэл барууныхан Путиныг шүүмжилдэг хүнийг хордуулж а**х гэсэн юм байна да. Одоо Германд байгаа, барууныхан баталгаатай а**х байх аа.

Avatar

Зочин 2020-08-26 202.131.245.243

Угаасаа барууныхан ашиггүй болсон гар, хөлүүдээ өөрсдөө устгаж, үхлээр нь хар пи ар хийдэг нь гэм биш зан. Бүр дундад зуунаас барууныханд ийм заншил тогтчихсон юм.

Avatar

ХЭХЭ 2020-08-26 59.153.113.117

хэхэ хөгшин төгцөг коммунист сүнс

Avatar

ХЭХЭ 2020-08-26 59.153.113.117

хөгшин төгцөг коммунист сүнс

NewsMN Гар утасны хувилбар Татах
NEWS.mn

Мэдээллийн эх сурвалж