Монгол орны эдийн засаг, нийгмийн хөгжил дэвшилд үнэтэй хувь нэмэр оруулж байгаа Олон улсын байгууллагууд, хоёр талын техникийн туслалцааны болон бусад гадаадын санхүүжилтээр хэрэгжиж байгаа төслүүд, Дипломат төлөөлөгчийн газрууд, гадаадын хөрөнгө оруулагчид болон гадаадын иргэдийг онцлон шалгаруулах, тэднийг урамшуулан дэмжих, нийтэд таниулах зорилгоор "Silk Road" буюу "Торгоны зам" шагналыг МҮХАҮТ зохион байгуулдаг. Шагналыг хоёр жил тутамд олгодог бөгөөд энэ жилийн "Торгоны зам-2016" шагнал гардуулах ёслолын ажиллагаа 2016 оны нэгдүгээр сарын 28-ны өдөр Пүрэв гаригийн 15.00 цагт МҮХАҮТ-ын Их танхимд болох гэж байна.

А.ШАРАВ