Усайн Болт коронавирусийн халдвар авчээ

Дэлхийн хамгийн хурдан хүн, найман удаагийн олимпийн алтан медальт Усайн Болт шинэ төрлийн коронавирусийн халдвар авч, гэртээ тусгаарлагджээ. Тэрбээр өнгөрсөн долоо хоногт 34 насны төрсөн өдрөөрөө амны хаалтгүй үдэшлэг зохион байгуулсан аж.

Ямайк улсын Эрүүл мэндийн яамнаас өчигдөр (2020.08.25) мэдэгдэл гарган, дэлхийн 100 м болон 200 м зайн ойрын зайн гүйлтийн дэлхийн рекордыг эзэмшигч Усайн Болт халдвар авсан хэмээв. Энэхүү мэдэгдлийн өмнөхөн Усайн Болт өөрийн цахим хуудастаа шинжилгээ өгсөн, хариугаа хүлээж байна гэж бичжээ. Удалгүй тэрбээр твиттер хуудастаа "Эрүүл энх байгаарай. Би өөрийгөө тусгаарлачихсан, сайн байгаа" хэмээн жиргэсэн байна.