Өршөөлөөр суллагдсан иргэдэд нэг сая төгрөгийн дэмжлэг үзүүлнэ | News.MN - Мэдээллийн эх сурвалж

Өршөөлөөр суллагдсан иргэдэд нэг сая төгрөгийн дэмжлэг үзүүлнэ

Хуучирсан мэдээ: 2016.01.27-нд нийтлэгдсэн

Өршөөлөөр суллагдсан иргэдэд нэг сая төгрөгийн дэмжлэг үзүүлнэ

Өршөөлийн хуулиар хорихоос суллагдаад өөртөө ажлын байр бий болгон, өөрийн гэсэн орлоготой болох боломж хайж бизнесийн төсөл ирүүлсэн иргэдэд санхүүгийн дэмжлэг үзүүлэх батламжийг өнөөдөр Хөдөлмөрийн сайд Г.Баярсайхан гардууллаа.

Монгол Улсад анхны ардчилсан сонгууль болж байнгын ажиллагаатай парламент байгуулагдсаны 25 жилийн ойг тохиолдуулан УИХ-аас 2015 оны наймдугаар сарын 11-нд баталсан Өршөөл үзүүлэх тухай хуулиар улсын хэмжээнд 2000 гаруй иргэн хорих ангиас суллагдсан. Тэдний 1032 нь нийслэлийн харьяат юм байна.

Хөдөлмөрийн яамнаас Нийслэлийн хөдөлмөрийн газартай хамтран ял эдлээд гарсан, суллагдах хугацаа нь дөхөж байгаа иргэдэд сэтгэл зүйн болон ажил мэргэжлийн чиг баримжаа олгох сургалт зохион байгуулж, ажил хөдөлмөрөөр төлөвшүүлэн дэмжих зорилготой “Хорих ангиас суллагдагсдад ажил мэргэжлийн чиг баримжаа олгох, тэдний хөдөлмөр эрхлэлтийг дэмжих төсөл”-ийг хэрэгжүүлжээ. Төслийн хүрээнд “Сайхан амьдрал таны гарт аян”-ыг өнгөрсөн оны арванхоёрдугаар сарын 10-наас энэ сарын 25-ны хооронд зохион байгуулжээ.

Өршөөлийн хуулиар суллагдсан болон суллагдах хугацаа нь ойртсон Улаанбаатар хотын харьяат иргэдэд өөртөө итгэх итгэл, амьдралын зорилготой болох, нийгэмд гараад айдсаас салах арга замыг заах сэтгэл зүйн сургалтад хамруулахын хамт ажил мэргэжлийн чиг баримжаа олгох зөвлөгөө өгөх, нийгэмшүүлэх, хөдөлмөрт бэлтгэх сургалт явуулсан. Мөн бичил бизнес эрхлэх хүсэлтэй зорилтот бүлгийн иргэдэд гарааны бизнесээ эхлэхэд санхүүгийн дэмжлэг болгож нэг сая хүртэлх төгрөг олгохоор болсон байна.

Санхүүгийн дэмжлэг олгох батламжийг гардуулах ёслолын үеэр Хөдөлмөрийн сайд Г.Баярсайхан “Ажил мэргэжлийн чиг баримжаа олгох, багийн менежмент, бизнесийн санаа хөгжүүлэх, төсөл боловсруулах сургалтанд Өршөөлийн хуулиар суллагдсан 819 иргэнийг хамруулан бичил бизнес эрхлэх төсөл бичих арга аргачлалд сургасан байна. Сургалтад хамрагдсан хүмүүсээс 63 нь бизнесийн төсөл ирүүлж, санхүүжилт хүссэн байсан. Ирүүлсэн төсөлтэй ажлын хэсэг танилцаж, хүн нэг бүртэй уулзаж, сонгон шалгаруулалт явуулсны үр дүнд 50 иргэнд тус бүр нэг сая төгрөгийн санхүүгийн дэмжлэг олгохоор болсны дагуу өнөөдөр та бүхэнд батламжийг нь гардуулж байна. Энэхүү дэмжлэг та бүхэнд өөрөө өөртөө ажлын байр бий болгож, өөрийн гэсэн орлоготой болох боломжийг олгох бөгөөд цаашид нийгэмд тодорхой байр суурь эзлэхэд тань тус болно гэдэгт итгэлтэй байна” хэмээсэн юм.

“Хорих ангиас суллагдагсдад ажил мэргэжлийн чиг баримжаа олгох, тэдний хөдөлмөр эрхлэлтийг дэмжих төсөл”-ийн хүрээнд зохион байгуулсан “Сайхан амьдрал таны гарт” аяныг Монголын хүний нөөцийн менежментийн холбоо, “Монголын оёмол бүтээгдэхүүний үйлдвэрлэгчдийн холбоо”,“Саруул ухаан”, “Нийгэм маркетинг” ТББ-уудтай хамтран хэрэгжүүлж,нийт 2070 иргэнд хөдөлмөр эрхлэлтийг дэмжих үйлчилгээг хүргэжээ. ШШГЕГ-ын харьяа нийслэлийн ойролцоо байрлах есөн хорих ангид ял эдэлж байгаа 1072 иргэнд сэтгэлгээ өөрчлөх сэтгэлзүйн сургалтыг зохион байгуулж, ажил мэргэжлийн чиг баримжаа олгох, багийн менежмент, бизнесийн санаа хөгжүүлэх, төсөл боловсруулах сургалтад Өршөөлийн хуулиар суллагдсан 819 иргэнийг хамруулан бичил бизнес эрхлэх төсөл бичих арга аргачлалд сургажээ.

Сургалт бүрийн дараа дүүрэг болгонд Ажлын байрны нээлттэй өдөрлөг зохион байгуулж, 15 ажил олгогчийн 61 ажлын байранд бүртгэл явуулж 122 иргэн ажилд орох анкет бөглөсөн байна. Мөн сургалтад хамрагдсан иргэдэд тухай бүрт нь ганцаарчилсан зөвлөгөө мэдээлэл өгч, бизнес эрхлэх сонирхолтой хүмүүст менежментийн зөвлөгөө өгч ажилласан байна. Мөн 63 иргэн бизнесийн төсөл ирүүлж, санхүүжилт хүссэн бөгөөд тэдний төсөлтэй танилцаж, сонгон шалгаруулалт хийн 50 хүнд санхүүгийн дэмжлэг олгохоор болжээ. Дэмжлэг авч буй хүмүүсийн дийлэнх нь оёмол хатгамал хийдэг, модоор жижиг эдлэл урладаг бөгөөд гарын ур дүйгээ ашиглаад хувийн жижиг аж ахуй эрхлэх боломжтой хүмүүс юм байна.

Г.ДАРЬ

 

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

zochin 2016-01-27 216.147.190.153

bugdeeree shorond orood,orshooloor sullagdatsgaaya,deer ni neg saya togrogtei boloh ni, hulgailsan deeremdsen mongoo adilhan hulgai hiisen baga gariinhandaa ogch baigaa yum baina tiimuu!,,!

Зочин 2016-01-27 137.186.121.166

НЯЛХ ҮРС ӨЛБӨРЧ БАЙХАД ХУЛГАЙЧ НАРТ 1 САЯ ТӨГРӨГ ЗУСАРДДАГ ТЭНЭГ ТӨР ЗАСАГТ ҮНЭХЭЭР ГУТАРЧ БАЙНА. ЮУ БОЛЖ БАЙНА АА ТА МИНЬ ЭЭ. ХЭРЭГ ХИЙСЭН АДГИЙН ШААРНУУДЫГ СУЛЛАСАН НЬ БОЛОО ЮМ БИШ ҮҮ, ДЭЭРЭЭС НЬ УРАМШУУЛАЛ ӨГЧ БАЙДАГ...

зочин 2016-01-27 103.57.95.175

Гэмт хэрэг хийсэн хүн тухайн хэрэгтэй тохирсон шийтгэл авах ёстой. Гэтэл тэднийг ял өршөөл үзүүлж байна гэж ял завшуулчихаад одоо бас төрөөс татвар төлөгчдийн мөнгөөр тэтгэж байгаа нь хүмүүсийг гэмт хэрэг хий, тэгвэл сая төгрөгөөр шагнуулдаг юм гэсэн зүйлд турхирч байгаа хэрэг бус уу. Ямар аймаар юм бэ. Хүүхэд залуучууд үүнийг юу гэж ойлгож хүлээж авах бол. Гэмт хэрэг хийгээд байя тэгэхээр сая төгрөгөөр шагнуулдаг гэж ойлгоно доо.

Зочин 2016-01-27 202.179.24.69

аргагүй ээ хулгайч хулгайчдаа хайртай байлгүй яахав

Уншигч 2016-01-27 202.179.10.150

Дараагийн сонгуульд гарахын тулд янз бүрийн ааш авир их гаргаж байнаа. Тийм их өглөгч энэрэнгүй эх оронч юм бол ажлаас халагдсан хүн бүрт бас мөнгө өгөөрэй

dr 2016-01-27 150.129.142.89

Энэ хоригдлууд бусдад хохирол учруулж орсон бгаа. Хохирогчдод нь сая тогрог огох естой байсан юм. Энэ тор vнэхээр самуурчээ

Зочин 2016-01-27 103.229.121.21

сая төгрөгийн төлөө шорон руу

Зочин 2016-01-27 202.179.25.194

Хулгайч дээрэмчдийг тэтгэдэг төртэй болжээ. Энэбол гүн эмгэнэл,

db 2016-01-27 150.129.142.10

ХЭЛМЭГДСЭН ХҮМҮҮСИЙН АР ГЭРТ ДУНД НЬ САЯ ТӨГРӨГ ӨГСӨН. ХЭРЭГ ХИЙСЭН ХҮН ТУС БҮРД САЯ ТӨГРӨГ. ХЭРЭГ ХИЙСЭН НЬ ДЭЭР ЮМ БАЙНА. ХҮМҮҮНЛЭГ ИРГЭНИЙ НИЙГЭМ, БУСАД ОЛОН ЗАРЧИМ ХААНА БАЙНА. НИЙТИЙН ХӨРӨНГИЙГ ХУУЛЬ БУСААР ЗАРЦУУЛЖ БАЙГАА ЭНЭ НӨХРИЙГ ШҮҮХЭД ӨГ.

ASD 2016-01-27 202.70.44.146

Saikhan medee bna ahiad niigemd aldaj bitii onoosoi ter ued tur tumur nuurteigee uzuulne shuu arga hemjeend hamragdsan humuust ajliin amjilt

Зочин 2016-01-27 202.70.44.146

Bi ene medeeg unshaad owoodoo gej bodson harin door bichsen setgegdeluudiig unshaad mel gaihlaa yagaad we Minii mongoliin zaluuchuud humuus mine iim aimar hargis boltson yumuu amidraldaa aldaj onoson humuus setgeliin tewcheer gargan niigemd butsan alhaj orood yamartai ch tusul bicheed yum hiie gej bhad daanch dee TA BUHNII ENE DOOR BICHSEN SETGEGDELUUDIIG ENE HUMUUS UNSHAAD HETSUU L BOLOH BHDAA HUURHII BID NAR CHINE TSUUHUN MONGOLCHUUD SHUU DEE .... INGEED BICHCHIHEER CHI SAY TUGRUGIIG NI AWAA YU GEH WII DEE NUGELTEI PZDANUUD

Зочин 2016-01-27 103.57.92.177

Аавынхаа хжлгайлсан мөнгөнөөс өгөөрэй

Зочин 2016-01-27 103.57.94.173

Сая төгрөгөөр шагнаж урамшуулна.

Зочин 2016-01-27 188.171.16.82

bayarsaihaan,chi vhbel taarna,.

Зочин 2016-01-27 188.171.16.82

bayarsaihaan,chi vhbel taarna,.

зочин 2016-01-27 103.26.194.226

Сонгуулиар сонголтоо зев хийгээрэй. Иргэдээ.

ахахах 2016-01-27 202.179.10.150

Энэ хүний мэдрэл нь зүгээр байгаадаа,иргэдээ доромжлож тохуурхсан энэ үйлдлээ ядаж хэвлэлд тавьдаг нь ч юу билээ,ийм юм ихээхэн хийвэл өөрийгөө л ганцаардууланадаа.

Zochin 2016-01-27 59.153.112.236

Soliorchihson yumaa neeree, Iim yum gej bh uu?

Зочин 2016-01-27 202.21.110.234

Тэд хууль зөрчиж шороонд суусан биз дээ. Алдар гавъяа байгуулаагүй. Одоо тэд ямар хэрэг зөрчил гаргаад байгаа билээ. Шударгаар хөдөлмөр хийж улсдаа татвар төлж байгаа хүмүүсийн төлсөн мөнгөөр ингэж тоглож болох уу ? Тэд нар чинь олон хүнийг хохироосон этгээдүүд шүү дээ

zochin 2016-01-27 59.153.85.83

gemt heregtnuudiig sulalchihaad araas ni bas mongo ogdog teneg togtoltsootoi uls manaihaas oor baihgui baihaa

Зочин 2016-01-27 202.179.28.249

Өршөөлийн хуулиар суллагдсан болон суллагдах хугацаа нь ойртсон хоригдлууд нь дандаа АН-д гишүүд байхаа янз нь. Гарч ирэнгүүт л уухайн тас сая төгрөг өгөөд л

Зочин 2016-01-27 202.179.28.249

Эд учруулсан хохирлоо төлөөгүй байвал яана даа

ахахаха 2016-01-27 202.179.10.150

Тэнэгүүдээ та нарын толгойг нь илэж байгаа энэ ял завшигчдын чинь ард амь нас эд материал эрүүл мэнд сэтгэл санаагаараа хохирсон асар олон иргэд байгааг мэддэг үү?ингэж хохирсон иргэдээрээ тоглох доромжлох эрхийг та нарт хэн ямар хуулиар олгосон бэ?ХАРИУЛААЧ ТА НАРААС ХАРИУЦЛАГА АСУУХ ЦАГ ИРНЭЭ.

ghghghg 2016-01-27 202.179.10.150

Маш зөв арга хэмжээ байна,эх орон ард түмэнийхээ сайн сайханы төлөө амь биеэ үл хайрлан тэмцэж хууль ёсыг зөрчин гэмт хэрэг өдүүлэж ял эдлэн улмаар өршөөлийн хууль нэртэй ял завшуулах нэгдсэн арга хэмжээгээр суллагдсан эдгээр эрхэм хүмүүсээ ганцхан сая төгрөгөөр шагнаад байхдаа яахав,ядаж таван саяыг чадвал арав арван саяыг олгооч,эдгээр улсыг гавьяа байгуулаад шоронд явахад нь хохирогч нэртэй үлдсэн улсаас мөнгө татсан ч яадаг юм бэ?түүнчлэн улс эх орондоо шудрагаар хөдөлмөрлөсөн бид мэтийн одоо болтол үхэхгүй амьд байгаа хүмүүсийн цалин тэтгэвэрийг зохих хэмжээгээр хасаад эдгээр өршөөлөөр суллагдсан улсын асар их гавьяаг үнэлэж тэдэнд олгох шагналынхаа иөнгийг нэмэхийг эрхэм сайд танаас хүсье.ийм хүмүүс мөдхөн ерөнхийлөгч болох биз.

Зочин 2016-01-27 103.9.90.66

Естой солиорч өгөх юм аа

Зочин 2016-01-27 202.21.110.186

Хулгайчууд сая төгрөгөөрөө архидаад шоронд шаалгүйдээ, бүү итгэ