Д.Эрдэнэбат нарт холбогдох шүүх хурал түр завсарлалаа

НЭМЭЛТ: 10.30 цаг

Нийслэлийн Прокурорын газраас Эрүүгийн хуулийн тусгай ангийн 22.1 дүгээр зүйлийн 2 дахь хэсгийн 2.1, 2.2, 2.3, 2.4-т тус тус зааснаар яллах дүгнэлт үйлдэж ирүүлсэн Д.Эрдэнэбат нарт холбогдох шүүх хуралдаан шүүгдэгч Б.Минжбадамын биеийн байдлыг тодруулах зорилгоор өнөөдөр буюу 2020 оны 08 дугаар сарын 24-ний өдрийн 13.30 цаг хүртэл завсарлалаа.

Д.ЭРДЭНЭБАТ НАРТ ХОЛБОГДОХ ШҮҮХ ХУРАЛ ҮРГЭЛЖИЛЖ БАЙНА

Нийслэлийн прокурорын газраас яллах дүгнэлт үйлдэж ирүүлсэн шүүгдэгч Д.Эрдэнэбат, Б.Болор, Н.Золжаргал, Д.Ганбат Д.Доржханд, Б.Минжбадам, Л.Санжаадорж, нарын долоон хүнд холбогдох шүүх хурал өнөөдөр /2020.08.24/ 09.00 цагт эхэллээ. Нийт 187 хавтас бүхий эрүүгийн хэргийг Сүхбаатар дүүргийн эрүүгийн хэргийн анхан шатны шүүх 2020 оны дөрөвдүгээр сарын 8-ны өдөр хүлээн авсан билээ.

Шүүгдэгч нарт холбогдох эрүүгийн хэргийн шүүх хуралдаан Сүхбаатар дүүргийн эрүүгийн хэргийн анхан шатны шүүхэд 2020 оны наймдугаар сарын 17-ны өдрийн 10.00 цагт эхэлсэн ч шүүх хуралдааны явцад буюу 2020 оны наймдугаар сарын 21-ний өдөр шүүгдэгч Б. Минжбадамын биеийн эрүүл мэндийн байдалтай холбоотой хүндэтгэн үзэх шалтгааны улмаас шүүх хуралдааныг үргэлжлүүлэн явуулах боломжгүй нөхцөл байдал үүссэн учраас хэргийн оролцогч нараас гаргасан хүсэлтийг харгалзан шүүх хуралдааныг завсарлуулаад байсан юм.

Э.БУРАМ