Токио-Улаанбаатар чиглэлийн тусгай үүргийн онгоц хөөрлөө | News.MN

Токио-Улаанбаатар чиглэлийн тусгай үүргийн онгоц хөөрлөө

Токио-Улаанбаатар чиглэлийн тусгай үүргийн онгоц хөөрлөө

Токио-Улаанбаатар чиглэлийн тусгай үүргийн онгоц хөөрлөө

Япон улсаас иргэдээ авчрах тусгай үүргийн онгоц өнөө өглөөний 07.55 цагт хөөрлөө. Токио-Улаанбаатар чиглэлд үйлдэж буй уг нислэг нь наймдугаар сарын хоёр дахь нислэг болж байна. Өмнө нь наймдугаар сарын 7-нд Токио руу нислэг үйлдэж, Японд байгаа иргэдээс хүсэлт гаргасан 600 гаруй иргэнийг авчирсан. Тусгай үүргийн онгоц өнөөдөр орой 19.15 цагт эх орондоо газардана. Тус нислэгээр бага насны хүүхэдтэй гэр бүл 33, жирэмсэн 12, өндөр настан, асран хамгаалагчтай 10, эрүүл мэндийн шалтгаантай 17, оюутан сурагч 35, ар гэрийн гачигдал, визний асуудал, санхүүгийн хүндрэлтэй зэрэг бусад хүндэтгэн үзэх шалтгаантай 150, нийт 263 иргэн эх орондоо ирнэ.

Эдгээр иргэдийг ХӨСҮТ, Цэргийн төв эмнэлэг, “Орентал”, “Алтай”, “Боржигон”, “Мөнххустай”, “Налгар” зочид буудлуудад тусгаарлана гэж УОК-ын Шуурхай штабаас мэдээллээ.

Энэ сард 14 удаа захиалгат нислэг үйлдэн 3,500 орчим монгол иргэнээ гадаадын улс, орнуудаас татаж авахыг Улсын онцгой комиссын Шуурхай штабаас мэдээлсэн. Сүүлд нэмэлт нислэгээр наймдугаар сарын 17-нд УОК-ын даргын өгсөн үүрэг даалгавар, чиглэлийн дагуу Хонгконг руу наймдугаар сарын 15 дахь нислэгийг үйлдсэн.

Наймдугаар сарын 14 удаагийн нислэгийн хуваарийг хүргэж байна.

  1. 08 дугаар сарын 01-нд Сөүл-Улаанбаатар
  2. 08 дугаар сарын 05-нд Сиатл-Улаанбаатар
  3. 08 дугаар сарын 06-нд Шинэ Дели-Улаанбаатар
  4. 08 дугаар сарын 07-нд Токио-Улаанбаатар
  5. 08 дугаар сарын 08-нд Франкфурт-Улаанбаатар
  6. 08 дугаар сарын 10-нд Прага-Улаанбаатар
  7. 08 дугаар сарын 14-нд Сөүл-Улаанбаатар
  8. 08 дугаар сарын 15-нд Сөүл -Улаанбаатар/транзит
  9. 08 дугаар сарын 20-нд Истанбул-Улаанбаатар
  10. 08 дугаар сарын 21-нд Франкфурт-Улаанбаатар
  11. 08 дугаар сарын 22-нд Сөүл-Улаанбаатар
  12. 08 дугаар сарын 24-нд Токио-Улаанбаатар
  13. 08 дугаар сарын 26-нд Франкфурт-Улаанбаатар
  14. 08 дугаар сарын 27-нд Сидней-Улаанбаатар чиглэлд тусгай нислэг үйлдэнэ.

А.СҮРЭН

Энэ мэдээнд өгөх таны сэтгэгдэл?
3
ЗөвЗөв
1
БурууБуруу
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
Баярлалаа!

Холбоотой мэдээ

2 сэтгэгдэл

News.mn сайтад сэтгэгдэл оруулахад анхаарах зүйлс

Avatar

- 2020-08-24 121.113.82.154

Нислэгт гадаад хүн хамрагдсан байна уу хянаарай..

Avatar

Зочин 2020-08-24 43.242.242.59

Боломжийн хирээр иргэдээ авчирч байгаад нь төр засагтаа баярлаж байна.

NewsMN Гар утасны хувилбар Татах
NEWS.mn

Мэдээллийн эх сурвалж