ҮГА-ны шинэ дарга ашиг сонирхлын зөрчилтэй юу? | News.MN

ҮГА-ны шинэ дарга ашиг сонирхлын зөрчилтэй юу?

ҮГА-ны шинэ дарга ашиг сонирхлын зөрчилтэй юу?

ҮГА-ны шинэ дарга ашиг сонирхлын зөрчилтэй юу?

Засгийн газар байгуулагдсанаас хойш агентлагийн дарга болон бусад дарга нарын томилгоо үргэлжилж буй. Гэхдээ зарим томилгоо олон нийтийн шүүмжлэл дагуулаад эхэлжээ. Тухайлбал, өнгөрсөн долоо хоног буюу  наймдугаар сарын 19-ний өдрийн Засгийн газрын хуралдаанаар Үндэсний геологийн албаны даргаар О.Чулууныг томилсон. Түүний хувьд геологийн салбарын мэргэжлийн хүн бөгөөд 1984 оноос геологийн хайгуул, энэ чиглэлээр тасралтгүй ажиллаж эхэлжээ. Хэдийгээр мэргэжлийн хүн ч гэлээ тэрбээр АТГ-т ашиг сонирхлын зөрчлөөс дуудагдаж магадгүй гэнэ.

О.Чулууны үүсгэн байгуулсан “Гео тех Импекс” ХХК нь төрөөс тендер авдаг, ялангуяа геологийн салбарын хэд хэдэн тендерт оролцдог, одоо ч энэ чиглэлээр үйл ажиллагаа явуулж байгаа аж.  “Гео тех Импекс” ХХК нь 2017 оноос хойш зөвхөн Уул уурхай, хүнд үйлдвэрийн яамнаас зарласан хоёр ч тендерт оролцсон байна. Ингэхдээ Геологийн хайгуул, судалгааны чиглэлийн 30-35 тэрбум төгрөгийн тендерүүдэд шалгарч, үр дүн гарсан байгаа юм.

Хамгийн сүүлд гэхэд 2020 оны гуравдугаар сард Монголросцветмет ТӨҮГ-аас зарласан хоёр ч тендерт мөн шалгарчээ. Түүгээр зогсохгүй тус компани Геологийн төв лаборатори төрийн өмчит компанийн  тендер шалгаруулалт, болон тэндээс зарласан төсөл хөтөлбөрүүдэд оролцдог гэдэг нь шилэн дансанд бүртгэгджээ.

О.Чулуун нь “Гео Тех Импекс”-ийг 2016 оны зургадугаар сарын 21-ний өдөр өөрийнхөө нэр дээр төсөл хөтөлбөрт хэрэгжүүлэхээр үүсгэн байгуулсан байдаг. Гэхдээ одоо тус компани нь О.Чулууны хүү болох Золбоогийн нэр дээр шилжүүлэгдсэн. Хэдийгээр  “Гео Тех Импекс” ХХК О.Чулууны нэр дээр биш ч түүний хүү бол агентлагийн даргын хамаарал бүхий этгээд. Тиймээс энэ нь өөрөө ашиг сонирхлыг зөрчил үүсгэх юм. Өөрөөр хэлбэл, Үндэсний геологийн газрын даргын хүү нь геологийн салбарын тендер, түүнтэй холбоотой төрийн үйлчилгээ авах нь хамаарал бүхий этгээдээр дамжих ашиг сонирхлын зөрчил үүсгэх үү гэдэг асуулт дагуулж байгаа юм.

Төрийн өндөр, дээд албан тушаалтан, жирийн төрийн албан хаагчид ч Авлигын тухай хууль, Төрийн албаны тухай хууль, Нийтийн албанд нийтийн болон хувийн ашиг сонирхлыг зохицуулах, Ашиг сонирхлын зөрчлөөс урьдчилан сэргийлэх тухай хуульд “хазаарлуулдаг”.  Тиймээс шинээр томилогдсон Үндэсний геологийн албаны дарга О.Чулуунд энэ хуулиуд үйлчлэх үү эс үйлчлэх үү гэдгийг холбогдох байгууллагууд нь шийдэх биз ээ.

Үндэсний Геологийн алба нь Уул уурхай хүнд үйлдвэрийн яамны харьяанд УИХ-аас энэ оны нэгдүгээр сард шинээр байгуулж, улсын төсвийн хөрөнгөөр Монгол Улсын ашигт малтмалын үйл ажиллагааг эрэн хайх хайгуул судалгааны ажлыг гүйцэтгүүлэхээр чухалчлан байгуулсан томоохон алба гэдгийг энд тодотгоё.

О.ЧУЛУУН ГЭЖ ХЭН БЭ?

Боловсрол:

  • 1977 онд Дорнод аймгийн Чойбалсан хотын 1-р 10-н жилийн дунд сургуулийг төгссөн.
  • 1977-1982 онд ОХУ-ын Эрхүү хотын Политехникийн дээд сургуульд “Геологийн зураглал, ашигт малтмалын ордын эрэл, хайгуул ”мэргэжлээр суралцан төгсөж, “Уулын инженер-геологич” мэргэшил эзэмшсэн.
  • 2000 онд ОХУ-ын Москва хотын Геологи хайгуулын академид “МУ-ын нутаг дэвсгэрийн ураны хүдэржилт, ураны эрдэс баялгийн түүхий эдийн баазыг хөгжүүлэх тэргүүлэх чиглэлийг тодорхойлох нь” сэдвээр геологи минералогийн шинжлэх ухааны дэд эрдэмтэний \боловсролын доктор\ зэрэг хамгаалсан.
  • 2011 онд Эрчим хүч, эрдэс баялгийн яам, ШУТИС-ын хамтарсан шийдвэрээр ашигт малтмалын эрэл хайгуулын “Зөвлөх инженер” зэрэг олгосо

Ажилласан байдал:

  • 1982-1984 онд Дорнодын геологийн экспедицид техник геологич, инженер геологчоор, тус экспедицийн Баян Тэрэмийн эрлийн ангид инженер геологчоор
  • 1984-1986 онд Дорнодын геологийн экспедицийн Баян Тэрэмийн эрлийн ангийн дарга, ерөнхий геологичоор,
  • 1986-90 онд Дорнодын геологийн экспедицийн Цавын хайгуулын ангийн ерөнхий геологичоор,
  • 1990-1992 онд Геологи шинжилгээний “Дорнод” нэгдлийн даргаар,
  • 1992-1993 онд “Улсын геологийн төв”-д ураны геологийн төслийн удирдагчаар,
  • 1993-1994 онд “Уран” ХХК \УҮГ\ -ийг үүсгэн байгуулж, захирлаар
  • 1994-1996 онд ЭХГУУЯ-ны Геологийн газрын даргаар,
  • 1997-2005 онд АМХЭГ-ын Геологийн албаны захирлаар,
  • 2005-2007 онд АМГТХЭГ-ын Геологийн газрын даргаар тус тус ажилласан.
  • 2007-2016 онд Бие даасан шинжээч, геологи хайгуулын ажлын зөвлөхөөр, \хувиараа\
  • 2019 оноос Монголын Геологийн Холбооны удирдах зөвлөлд сонгогдон ажиллаж байна.

Ш.ЧИМЭГ

Энэ мэдээнд өгөх таны сэтгэгдэл?
7
БурууБуруу
6
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
Баярлалаа!

Холбоотой мэдээ

33 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-08-24 202.9.46.171

%-ийн ашиг сонирхлын нөлөө шууд б.на.Ялангуяа хувийн компани өөрөө б.гуулж б.сан хүмүүс тун аюултай.Ингэж холион бантан хутгуулахгүйн тулд хүмүүсийн чин хүслийг харгалзах ёстой.

Avatar

ЗОЧИН 2020-08-24 202.9.46.131

ЯАГААД ЭНЭ ХЯТАД УГШИЛТАЙ ХҮНИЙГ ТОМИЛЖ БАЙГАА ЮМ ВЭ.

Avatar

Зочин 2020-08-24 49.0.212.4

Асар их зөрчилтэй

Avatar

Зочин 2020-08-24 117.111.16.69

хүрэлсүх гэж цайчихсан гар бнаа томилгоо бол арай дэндэж бнаа нэртэйгээр хүүхдийн бас нэш газрын дарга болгочооч

Avatar

Зочин 2020-08-24 49.0.212.4

Зөрчилтэй

Avatar

789466 2020-08-24 202.179.27.136

Бүх шатанд нь ажилчихсан маш сайн томилгоо байна. Ингэж энэ 2007 оныг хүртэл бүх шатанд нь ажиллахад Муу юм дуулдаагүй л хүн дээ. Хүрэлсүх , Ёндон зөв хүнээ томилжээ. Баяр хүргэе. Дэлгэрсайхан гэж луйварчин гишүүн бий тэр Баатарцогт гэж олхиогүй нөхрийг тавьж, бас Эрдэнээ гэж батгана Үүрийнтуяа гэж авгайг томилоод сүүлийн 15 жил Монголын газар нутгийн судалгааг сүйрэл рүү түлхчихсэн, одоо хөл толгой нь олдохгүй баахан чихээс.

Avatar

Зочин 2020-08-24 66.181.161.116

Yg l mergejleeree ajillaj, amidarsan l hun bn shdee. 35 terbum gej, 300 sayiin ajil ym bish uu? Arai zoruutei yu kkk

Avatar

Зочин 2020-08-24 202.55.191.205

Мэргэжлийн хүн тавьсангүй гээд л байдаг, мэргэжлийн хүн тавихаар ашиг сонирхлын зөрчил яриад л. Таалагдах юм ер алгаа. Хүн эзэмшсэн мэргэжлийнхээ л ажлыг хийнэ биз дээ, хувийн ч бай, хувьсгалын ч бай. Харин ч хувь хүнийхээ хувьд ч шулуун, шударга, зарчимч, мэргэжлийнхээ хувьд ч мундаг хүн. Өөр ямар хүн тавих байсан юм.

Avatar

zochin 2020-08-24 202.9.46.84

O.CHULUUNII TUHAI UNSHAAD TUR luibarchdaas yaaj salah be? gej jiriin irged bid sanaa zobj baihad nemj bitgii luibarchib hulgaichdiig shurguulaaj gej turuusuu guiya!! ZANDANSHATAR daga ta MB-NII zahiral LHAGBASURENGEE ert zailuulahgui bol tand gai bolno shuu!!

Avatar

Иргэн 2020-08-24 202.55.191.205

Яах аргагүй мэргэжлийн хүн байна. Нүдээ олсон томилгоо л гэж хэлье дээ. Энэ албан тушаалд санаархаж байсан хүмүүс л ийм юм ярьж байгаа. Яаж ч бодсон мэргэжлийн бус хүн геологийн салбарыг самарч байснаас хамаагүй дээр. Салбараа мэддэг, салбартаа олон жил ажилласан туршлагатай хүнийг томилж байгаа нь юу нь буруу байхав. Мэргэжлийн хүн мэргэжлийнхээ л дагуу ажиллана биз дээ. Тендер авсан болгон ашиг сонирхлын зөрчилтэй байх ёстой юу?

Avatar

ХУУЛЬЧ 2020-08-24 192.82.64.190

АШИГ СОНИРХОЛЫН ЗӨРЧИЛТЭЙ САЙД ГАНЦ ЭНЭ БИШ Л ДЭЭ ,,,,АТГ муу ажлаад НҮД НЬ САНААТАЙ ЮМ ХАРАХАА БАЙГААД ИРЭХЭЭР ЭРҮҮГИЙН ХУУЛИАР ЭС ҮЙЛДЭЛ БОЛНО ,,, МОНГОЛЧУУДАД АШИГ СОНИРХОЛЫН ЗӨРИЛТЭЙ БАЙЖ МАГАДГҮЙ АЛБАН ТУШААЛТНЫГ МЭДЭЭЛЖ УРЬДЧИЛАН СЭРГИЙЛЭХ АЖЛАА ХИЙЖ СУРАХ УЧИРТАЙСАН ,,,,,,ХОЙШИД ҮҮНЭЭС БОЛЖ АЛБАН ТУШААЛТАН АВИЛГЫН ХЭРЭГТ ХОЛБОГДВОЛ АШИГ СОНИРХОЛЫН ЗӨРЧЛИЙГ ИЛЭРҮҮЛЭХ ЁСТОЙ АТГ-ын ДАРГА НАРЫГ ХАМТАД НЬ ЭРҮҮД ТАТВАЛ ЭНЭ БАЙГУУЛЛАГА ЗАРЧИМТАЙ ,АРИУН ЦЭВЭР БОЛЖ МАГАДГҮЙ ,,,,,,,,,,,,

Avatar

Луйварчдад 2020-08-24 103.57.95.88

Аж үйлдвэрийн гавъяат ажилтан, доктор О.Чулууныг даргаар томилсонд орд баялгийг луйварддаг мафийнхан үхэх нь л дээ. У.Хүрэлсүхийн Засгийн газрын нүдээ олсон ганц томилгоо бол О.Чулууныг энэ чухал агентлагийн даргаар томилсон явдал. О.Чулуун бол эрдэм боловсролтой, ажлын туршлага чадвартай, зангарагтай, шударга зарчимч, хэний ч өмнө мэргэжлийн нүүр бардам хүн шүү дээ. Чулуун шиг хүнийг л сайд, төрийн нарийн бичгийн дарга, агентлагийн даргаар томилбол төрийн ажил цэгцэндээ орж, Улс маань хөгжинө

Avatar

зочин 2020-08-24 103.9.88.162

Яах аргагүй мэргэжлийн хүн байна даа,дарга нарын цүнх баригчдаас дээр байхаа

Avatar

zochin 2020-08-24 192.82.65.76

Asuudliig mongoor shiideed Sursan nohor bna

Avatar

Zochin 2020-08-24 115.65.112.192

Mergejliin khun mergejlin ajlaa khiigeed uls ornykhoo khugjild nemer tus bolood l yavj bna shuu dee. Zarim khumuus shig uls turiin nam dagaj guideggui, mungu kharj urvadaggui khun l bna. Teggkheer shudarga khun gedeg ni oilgomjtoi l baina daa. End sanaataigaar khuniig kharluulakh gesen yum l kharagdaad bna daa.

Avatar

Иргэн 2020-08-24 202.131.233.190

Ямар ч хүн өөрийн мэргэжлээрээ л ажиллана биздээ. Сүүлийн жилүүдэд мэргэжлийн бус хүмүүс аливаа салбарыг удирдаж самарч бгаа нь туйлын үнэн. Салбараа мэддэг, салбартаа олон жил ажилласан туршлагатай хүнийг томилж байгаа нь юу нь буруу байхав дээ. Ашиг сонирхлын зөрчил гаргаж байгаа эсэхийг нь шалгадаг, хянадаг газар нь хянаад явна биз ээ

Avatar

Зочин 2020-08-24 202.126.88.188

Mergejilten tomilohoor mergejilten geel bhin 🤦‍♀️ Yaa ch geed bga ym. Hediigeer mergejilten gelee jih shg hha mergejilten ym chin, mergejliin ajlaa hiij bgad ni bayarlah yostoi bizdee? News.mn neg ineedtei, tulburtei ym hiih ym te

Avatar

Зочин 2020-08-24 66.181.164.5

Мэргэжлийн хүн томилсон л байна шд. Олон жил ажилласан туршлагатай хүн туршлагаа зараад, консалтинг хийгээд амьдрахад буруу юм юу байх вэ дээ. Амжилт хүсье ээ.

Avatar

зочин 2020-08-24 202.179.30.242

Мэргэжлийн хүн байна яагаад болохгүй гэж

Avatar

Зочин 2020-08-24 203.98.76.161

xaxa mergejliin hun tavihgui gene, tomilohoor ni zurchiltei gene. ali salbarin mergejliin hun tomilogdohod ashig sonirhlin zurchiltei l gej haragdana. tiim hun gevel mergejliin bus uls turiin tomilgoogoo hii l de bas l shuumjline biz de

Avatar

UB irgen 2020-08-24 202.131.233.5

MANAN booj yhehnee. Ajlaa avahaas umnu ajil hiij amidarch bolohgyi yu?

Avatar

Зочин 2020-08-24 202.9.46.11

Ёндон нь монрост байхдаа тендер өгөөл одоо өөрөө сайд болоод энийгээ газрын дарга болгосон юмуу

Avatar

Зочин 2020-08-24 202.21.113.82

350 саяын тендерт л шалгарсан байна. Геологийн төв лабораторид шинжилгээний мөнгө гэж тушаасан л байна шд.

Avatar

нараа 2020-08-24 103.50.207.150

Зөв томилгоо байна. Мэргэжлийн хүн байна.

Avatar

Зочин 2020-08-24 51.195.148.18

Төрийн орон сууцны корпораци буюу ТОСК-ын хэдэн авилгачин дарга нарыг АТГ хэзээ шалгах вэ ? Ядарсан ард иргэдийг байрнаас нь хөөж гаргаад гаргасан байрандаа авилгал авч хүн оруулдаг гэсэн мэдээлэл маш их байна. Борлуулагдаж байгаа орон сууц, Түрээсийн орон сууцанд хүн оруулахдаа ямар ч ил тод байдал байхгүй, мэдээлэл байхгүй. Уул нь жагсаалтаараа дараагийн хүн орох ёстой нэг бол нээлттэй зар тавиад шаардлага хангасан хүн орох ёстой. Гэвч нууж чимээгүй байж байгаад дарга нар нь авилгал авдаг !!!

Avatar

Зочин 2020-08-24 212.21.66.6

Unen bh shuu. Tureesiin bairand oruulah gej 8-10 say turgrug avdag gesen. Bas humuusiig bairnaas ni hooj gargaad ter bairaa damlaj zarj 20-30 say tugrug unagaadag gesen. Bas darga nar ni bugd ah egch dvv nariinhaa ner deer bairtai, mon neg darga ni egchiinhee ajluuldag tsetserlegiin buh bagsh nariig bairan oruulsan ntr geed mash ih notstoi avilgaliin shinj chanartai asuudluud zondoo bdag gesen. ATG shalgadagguin bishuu bur umuuruud bdiin bishuu !!!! Mash ih avilgald idegdsen gazar daa TOSK gej !

Avatar

АХА 2020-08-24 202.131.243.186

Шалгах юм аа шалгаад мэргэжлийн хүнээр төр ажлаа хийлгэ.

Avatar

Зочин 2020-08-24 202.72.245.125

Сайхан мэргэжилтэн байна. Ингээд л мэргэжлийн хүмүүсээ түшээд нам, нас харгалзахгүй сонгож томилоод байвал сайхан л байна.

Avatar

Иргэн 2020-08-24 103.50.207.150

Хөөх геологийн албаны дарга гэж ийм л геологич байх ёстой байх даа төрд овоо хүмүүс орж ирж байна шүү

Avatar

Иргэн 2020-08-24 66.181.182.48

Мэргэжилийн хүнээ сонгосон нь сайн болжээ. Хүн амьдрах эрхтэй. Мэргэжлийнхээ чиглэлээр компани байгуулаад ажилласан байна. Харин ашиг сонирхолын зөрчлийн тухайд: 1- д хуулиар зохицуулна.2- д хувийн ёс суртахуунаар шийднэ. 3- д үнэн зөвөөр сонгогдсон бол уг ажил хийгдэх ёстой.

Avatar

Od 2020-08-24 182.160.38.197

Udahgui shalgagdah nohor baih shiv dee. Er ni deedsuudiin tomiloj baigaa humuus ni ashgiin sonirholgui hun baihgui ee Bugd l huvaaj huvalzaldag bolohooroo shalgaad ch nemergui biz dee. Idej uuhiin sonirholgui eeeee l gene biz

Avatar

попор судлаач 2020-08-24 66.181.161.112

хүрэлмэдрэл иим л хүн сонгоно

Avatar

Зочин 2020-08-24 202.126.88.165

Сайхан мэргэжлийн хүн бна даа

NewsMN Гар утасны хувилбар Татах
NEWS.mn

Мэдээллийн эх сурвалж