Загастайн давааны авто замын ажил 80 гаруй хувьтай байна | News.MN

Загастайн давааны авто замын ажил 80 гаруй хувьтай байна

Загастайн давааны авто замын ажил 80 гаруй хувьтай байна

Загастайн давааны авто замын ажил 80 гаруй хувьтай байна

Завхан аймаг нь нийслэлтэй хатуу хучилттай замаар холбогдоогүй цорын ганц аймаг. Тосонцэнгэлээс Улиастай хүртэлх замыг хатуу хучилттай болгохоор 2012 оноос төлөвлөж, 2016 оны наймдугаар сард БНХАУ-ын Элчин сайд Завхан аймагт айлчлах үеэр тус аймгийн Засаг дарга Д.Батсайхан хад асга ихтэй, уулын хамгийн хүнд зам гэгддэг Загастайн давааны хатуу хучилттай замыг Хятадын хөнгөлөлттэй зээлийн хэмнэгдсэн хөрөнгөөр барьж өгөх тухай асуудлыг тавьжээ.

Олон удаагийн уулзалтын үр дүнд 2016 оны наймдугаар сарын 30-ны өдөр хэлэлцээр хийхийг зөвшөөрсөн анхны протокол гарч, 2017 оны тавдугаар сарын 2-ны өдрийн Засгийн газрын тогтоолоор хөрөнгийн асуудал бүрэн шийдэгдсэн. Түүнээс хойш тендер зарлах, гүйцэтгэгч, зөвлөх, хяналтын компаниудыг шалгаруулах, Хятадын Эгзим банктай гэрээ байгуулах зэрэг олон шат дамжлагын дараа 2019 оны долоодугаар сард авто зам барилгын ажил эхэлжээ.

Өнөөдрийн байдлаар тус замын ажил 80 гаруй хувьтай хийгдэж байгаа талаар орон нутгийн эх сурвалж мэдээлэв. Өнгөрсөн намар Улиастайгаас гарах 7 км, 114 км замын төгсгөлөөс 10 км, нийт 17 км замын хатуу хучилтыг хийж гүйцэтгэсэн байна. Өдгөө Завханчууд 50 км шороон замаар зорчиж буй аж.

Тус замын ажил арваннэгдүгээр сарын 01 гэхэд бүрэн дуусна гэж албаны хүн мэдээлжээ. Энэхүү замын ажлын явцыг Завхан аймгийн ЗДТГ-аас ажлын хэсэг гарч, мэргэжлийн байгууллагуудтай хамтарсан хяналт тогтмол хийж буй юм байна. Энэ он дуусахаас өмнө Завхан аймаг Улаанбаатар хоттой хатуу хучилттай авто замаар бүрэн холбогдох ажээ.

Б.ЖАРГАЛ

Энэ мэдээнд өгөх таны сэтгэгдэл?
4
ЗөвЗөв
4
ТэнэглэлТэнэглэл
2
ХарамсалтайХарамсалтай
2
БурууБуруу
1
ХахаХаха
0
ХөөрхөнХөөрхөн
0
ГайхмаарГайхмаар
Баярлалаа!

Холбоотой мэдээ

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

citizen 2020-08-23 202.9.40.157

syhbaatar zasmal zamtai yumuu bi ch hotsrogdson l doo ub-aas garalgyi 3 jil bolj

Avatar

Зочин 2020-08-23 103.26.194.116

Говь Алтай холбогдоогүй шүү тээнэг минь

Avatar

ИХ БӨӨ 2020-08-23 115.84.115.119

ДАВААН ДЭЭР ЗАМ БАРЬЖ ЧАДАХ КОМПАНИ БАЙСАН БОЛ АРХАНГАЙН ЦАГААН ДАВААНД ТАВИЧАХГҮЙ ЯАХАВ ДЭЭ? ТОСОНЭНГЭЛ ТЭЛМЭН ТАЛААСАА НЭЛЭЭД ДӨХӨЖ ОРОЙГООС5КМ УЛИАСТАЙ ТАЛААСАА ОРОЙГГООС 10КМ ТАВИХГҮЙ ЭЭ ? БҮРЭН ХОЛБОДОНО ГЭЖ ТҮҮХЭНД БАХГҮЙ? АРХАНГАЙ ЦАГААН ДАВААГАА 20МЕТР НАМАСГААД Ч ЧАДААГҮЙ? ЗАГАСТАЙГ 50МЕТР НАМСГНАВАЛ БОЛЖ МАГАДГҮЙ ДЭЭ

Avatar

Зочин 2020-08-23 66.181.161.15

Эксим банк

NewsMN Гар утасны хувилбар Татах
NEWS.mn

Мэдээллийн эх сурвалж