Монгол Улсаас Унгар улсад суугаа Элчин сайд З.Батбаярын мэдээлснээр, Унгар улсын өсвөр үеийн шатрын аварга шалгаруулах тэмцээний 12 хүртэлх насны ангилалд тус улсад амьдарч буй Д.Нандин-Эрдэнэ охин амжилттай оролцож, дэд байр эзэлжээ.

Тэрбээр сүүлчийн тоглолт хүртэл тэмцээнийг тэргүүлж яваад алдаа гаргаж тэнцсэнээр Унгар улсын аварга болох боломжоо алдсан ч алтан медалийн үнэтэй нүүдэл, алтан медалийн энтэй мөнгөн медальтан болсон байна.

Д.Нандин-Эрдэнэ охин шатрын их мастер, олон рекордын эзэн, дэлхийн шатрын ертөнцийн анхаарлын төвд буй залуу их мастер Д.Номин-Эрдэнийн төрсөн дүү юм. Тэрбээр ийнхүү Унгарын шатрын спортын түүхэнд насны ангилалдаа нэр нь тодорч эхэлжээ.

Б.ЖАРГАЛ