АНУ-ын засаг захиргаа сүүлийн үед Хятадын “Tik Tok” апликейшнийг өөрийн нутаг дэвсгэр дээр хориглох талаар хүчтэй яригдаж байгаа билээ. Тус аппликейшнийг бүтээгчид нь хэрэглэгчдийн мэдээллийг тагнуулын зорилгоор ашиглаж, тус улсын эсрэг цахим халдлагад ашиглаж байх магадлалтай гэж АНУ-ын тал үзэж байгаа юм.

Энэ хүрээнд АНУ-ын Ерөнхийлөгч Дональд Трамп Хятадын талаас “Microsoft” компанид аппликейшнаа зарахыг шаардаж байгаа ба 45 хоногийн хугацаа өгөөд байгаа. Тэгвэл “TikTok” компанийн ерөнхий менежер Ванесса Паппас тус компани нь АНУ дахь үйл ажиллагаагаа хумих бодолгүй байгаагаа мэдэгджээ.

Тэрбээр “TikTok” нийгмийн сүлжээ АНУ-ын аюулгүй байдалд аюул учруулдаггүй. Бид АНУ, БНХАУ-ын хооронд үүссэн геополитикийн хурцадмал байдлын золиос болж байна. БНХАУ-ын эрх баригчид хэрэглэгчдийн мэдээлэлд нэвтэрсэн гэх баримт нотолгоо байхгүй” хэмээн мэдэгдсэн байна.

Эх сурвалж: CNN