Манчестер хотын цагдаа нар цар тахлын хөл хориотой үед зарим нууц үдэшлэгүүдийг илрүүлж, цаг алдалгүй тараахын тулд цэргийн зориулалттай технологи ашиглаж эхэлжээ.

Цагдаа нарын энэ долоо хоногт цацсан бичлэгт Гортон гэх газарт өнгөрсөн долоо хоногт болсон нэгэн үдэшлэгийг хэрхэн илрүүлж байгааг харуулжээ. Ингэхдээ цагдаа нар ихэвчлэн дайны талбарт ашигладаг дулаан мэдрэгч дуранг дронтой хослуулан ашиглажээ.

Цагдаа нарын мэдээлснээр дээрх үдэшлэгт 200 гаруй хүн оролцсон бөгөөд тараахаар очсон цагдаа нарыг эсэргүүцэж байсан гэнэ. Гэсэн ч цагдаа нар үдэшлэгийг амжилттай тарааж, байшингийн эзнийг торгон, гурван сарын турш гэртээ зочин авчрах эрхийг нь хязгаарлажээ.

Эх сурвалж: RT.COM