“АСЕМ хөрөнгө татах боломж” | News.MN - Мэдээллийн эх сурвалж

“АСЕМ хөрөнгө татах боломж”

Хуучирсан мэдээ: 2016.01.26-нд нийтлэгдсэн

“АСЕМ хөрөнгө татах боломж”

Ази, Европын уулзалт (АСЕМ)-ын орнуудын Дээд хэмжээний чуулга энэ оны долоодугаар сарын 15-16-нд Улаанбаатар хотноо болно. Уг уулзалтын талаар өнөөдөр ГХЯ-ны Төрийн нарийн бичгийн дарга Д.Ганхуяг мэдээлэл хийлээ.

АСЕМ нь анх 1996 онд 26 орны гишүүнчлэлтэйгээр үүсэн байгуулагдсан бөгөөд Европын 30, Азийн 21 улс болон олон улсын 2 томоохон байгууллагыг эгнээндээ нэгтгээд байна Тус байгууллага нь Ази, Европын орнуудын эрх тэгш харилцаанд суурилсан улс төр, эдийн засаг, нийгэм соёлын нийтлэг тулгамдсан асуудлыг хэлэлцдэг Засгийн газар хоорондын албан бус яриа хэлэлцээ явуулдаг. Цаашдаа гишүүнчлэл нь улам бүр өргөжих хандлагатай байгаа бөгөөд одоогоор Турк, Украйн, Серби улс гишүүнээр элсэх өргөдөл өгчээ. Монгол Улс 2008 онд Бээжин хотноо  чуулсан 7 дахь удаагийн уулзалтаар АСЕМ-д элссэн бөгөөд тус байгууллагын үйл ажиллагаанд тогтмол, идэвхтэй оролцож ирсэн учраас 2014 онд 2016 оны дээд хэмжээний уулзалтыг манай улсад зохион байгуулах болсон. АСЕМ-ын хурлыг зохион байгуулснаар олон улсын хэмжээнд Монгол Улсын нэр хүнд өсч, гадаадаас хөрөнгө оруулалт, тусламж татах боломжийг нээх юм хэмээн ГХЯ-ны Төрийн нарийн бичгийн дарга Д.Ганхуяг мэдээллийнхээ эхэнд онцлон тэмдэглэв.

Тэрбээр, “АСЕМ-ын уулзалтын талаар олон нийтэд тогтмол мэдээлэл өгөх зорилгоор Үндэсний мэдээллийн “МОНЦАМЭ” агентлагийн байранд мэдээллийн төв байгуулж, сэтгүүлчдэд мэдээлэл хийдэг болохоор ажиллаж байна.

АСЕМ-ын Дээд хэмжээний уулзалтыг угтаж хэд хэдэн хурал болох юм. Тухайлбал, энэ оны дөрөвдүгээр сарын 21-22-нд болох Ази-Европын парламентын түншлэлийн  9 дүгээр уулзалт, тавдугаар сарын 12-13-нд АСЕМ-ын Ахлах албан тушаалтнуудын уулзалт, зургаадугаар сард АСЕМ-ын Сангийн сайд нарын 12 дугаар уулзалт, Ази-Европын хүнсний аюулгүй байдал, фермерийн сургалт болно. Харин долоодугаар сард Ази-Европын иргэний 11 дүгээр чуулга уулзалт, АСЕМ-ын Загвар чуулган, Редакторуудын дугуй ширээний 8 дугаар уулзалт, АСЕМ-ын Ахлах албан тушаалтнуудын уулзалт, Ази, Европын Бизнесийн 15 дугаар чуулга уулзалт болох юм.

Эдгээр уулзалтаас гадна хэд хэдэн улсаас өөрсдөө тусгай арга хэмжээ зохион байгуулах хүсэлт ирж байгаа. Эдгээр саналыг судлан үзэж, цаг тухайд нь хариу өгч байгаа” хэмээв.

Долоодугаар сарын 15-16-нд болох Дээд хэмжээний уулзалтын үеэр АСЕМ-ын 20 жилийн ой болох бөгөөд уг ойг угтсан арга хэмжээг Чингисийн талбайд зохион байгуулахаар төлөвлөсөн байна. Энэ удаагийн Дээд хэмжээний уулзалтын үеэр өнгөрсөн 20 жилд хийсэн ажлаа дүгнэж, ирэх 20 жилд явуулах үйл ажиллагааныхаа талаар “Улаанбаатарын тунхаглал” гаргах аж.

АСЕМ-ын бэлтгэлийг хангахаар Байр, зочид буудал, Аюулгүй байдал, ёслол, Зам тээвэр, харилцаа холбоо, нисэх буудал, Үйлчилгээ, соёл урлаг, хоол хүнс, түүний аюулгүй байдал, Дээд түвшний уулзалтаас гарах баримт бичиг, зохион байгуулалт болон Хэвлэл мэдээлэл, сурталчилгааны гэсэн 6 ажлын хэсэг ажиллаж байна.

Өнгөрсөн онд Тагнуулын ерөнхий газар, АСЕМ-ын ажлын хэсэг хамтран нийслэлийн баруун дөрвөн замаас зүүн дөрвөн зам хүртэлх зочид буудлуудад хяналт, шалгалт хийж, 47 зочид буудалд гадаадын төлөөлөгчдийг байршуулах боломжтой гэж үзсэн байна. Дээрх зочид буудлуудад камер суурилуулах, зочдын цүнхийг шалгах аппарат байршуулах зэрэг шаардлага тавьжээ. Зочид буудлуудын зүгээс дээрх шаардлагуудыг биелүүлэхэд тодорхой хэмжээний санхүүжилт шаардлагатай байгаагаа илэрхийлжээ. Төрийн зүгээс зочид буудлуудад байраа засах, тохижуулах чиглэлээр арилжааны банкуудаас зээл авахад нь дэмжлэг үзүүлэх болжээ.


Мэдээлэл хийсний дараа сэтгүүлчдийн асуултад хариуллаа.

-АСЕМ-ын уулзалтад зориулж энэ оны улсын төсөвт хэдэн тэрбум төгрөг төсөвлөсөн бэ?

-АСЕМ-ын хурал бол дээд хэмжээний уулзалт юм. Дээр нь нэмэгдээд есөн арга хэмжээ дагалдаж явагдана. Энэ жил 20 тэрбум төгрөг төсөвлөсөн. “АСЕМ Белла”-ын хувьд хувийн хэвшлийг дэмжиж, зөвшөөрөл авахад туслалцаа үзүүлж байна. Хурал дууссаны дараа төрд ямар нэг хамааралгүй болно. АцСЕМ Беллац-ын барилгыг барьж байгаа аж ахуй нэгжүүд хурал дууссаны дараа барилгыг хэрхэн эдийн засгийн эргэлтэд оруулах вэ гэдэгт одооноос санаа зовниж байна. 

-АСЕМ-ын уулзалтаас өмнө Монгол Улсаа дэлхий нийтэд сурталчилгаа ямар нэгэн арга хэмжээ зохион байгуулж байна уу?

-Уулзалт болохын өмнө Монгол Улсаа зөв ойлгуулах асуудал маш чухал. Тэр ч утгаараа ажлын хэсэг байгуулагдаад идэвхтэй ажиллаж байна. Гадаадынхан бол монголыг тэнэмэл хүүхэд, зудад нэрвэгдсэн малчид, өвөл даарсан хүн гэх мэтийн зүйлээр төсөөлж байна. Тиймээс эерэг талаас нь хэрхэн ойлгуулах талаар төсөл боловсруулаад явж байгаа. Ойрын үед МОНЦАМЭ агентлагийн байранд мэдээллийн төв байгуулаад долоо хоног бүр мэдээлэл хийнэ.

Т.ДАВААНЯМ

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

Зочин 2016-01-26 59.153.115.168

Элбэгээ энхбаяраа бүрэн нухаж чадахгүй дутуу алсан могой орхиод ард түмэн хэцүү махн. Энхбаяр маш муухагаар улсыг ийм боьгохсуурь тависан

Zochin 2016-01-26 103.229.121.33

Eebiy suudlaasaa buugaad NUB-d suuj bvl manai uls aldagdald orno uu bna uu hamaa baij uu dee ed nart?

Zochin 2016-01-26 24.84.48.62

Iim hetsuu bga ued yah gj ulsaa hund bdald oruuldag bnaa ene eronhiilogch. Olon ulsad ooriinhoo ner hundiig l osgoh gsn um bh da. Ard tumnee holdoo chirchih umaa. Ene ambitsaa gj...

Shaaltuur Toriin suultuur 2016-01-26 202.9.40.12

Ene deer suugaa piskanuud xudlaa shaaj bgaad baaxan mongo idex sanaa,oor iu ch bhgyi, tegsen tegeegyi teneguudiin oron gj delxiigeeree medne,reklam xereggyi

РАВДАН 2016-01-26 202.70.46.207

ЗА ОДОО ТЭР АЛДАГДАЛ НЬ Ч ДҮҮРЧ. АЮУЛГҮЙ БАЙДАЛ ГЭЖ НЭГ ЮМ БИЙ ШҮҮ!

Зочин 2016-01-26 203.169.49.19

АСЕМ хийлээ гээд амьдрал сайжрахгүй нь тодорхой. Худлаа баахан сүржигнэсэн улс.

Зочин 2016-01-26 59.153.112.176

Асем вилла хотхоныг бичиж мэддэггүймүүдаа бела гэшшш хахаха

Zochin 2016-01-26 84.186.200.83

Purevsuren,Gankhuyag gedeg 2 manuuhaig ASEAM iin uulzalt bolohoos umnu hurdhan solih heregtei,tegehgui bol hural hairan ur dungui bolchihno.iim hachin 2 nuhur Mongol ulsiig tuluuluud baij taarahgui. neg ni tamhinii naimaachin ,deerees ni bolovsrol medle engiin hariltsaanii soyolgui.Ugaasaa ene 2 sanaachlaagui zohion baiguulah gej baahan mungu uren taran hiigeed duuslaa.Avligatai temtseh gazar shalgah heregtei.

zochin 2016-01-26 122.201.22.170

Hen Mongold odoo hurungu hiih yum bee? bitgii hudlaa ajil hiisen dur esge.....iim tsarai uruvgar humuust hen mungu uguh yum be? Naad show-gaa zogsoo. Humuus ta nariig uzen yadaj baina

Иргэний бодол 2016-01-26 150.129.140.229

АСЕМийн зардал алдагдал болох нь илт. Гэхдээ алсдаа тойруу замаар үр өгөөжөө өгнө гэж л сэтгэлээ тайтгаруулахаас.Манай Элбэгээгийн нэг дутагдал бий л дээ.Дотооддоо сайн ярьж, тооцоо судалгаа сайн хийгээгүй байж гадаадад явж байгаад юм амалчихдаг.

АСЕМ бол гай 2016-01-26 183.81.171.135

АСЕМ бол бөөн гай шүү дээ. Түүнд зарсан мөнгөө буцааж олж авч чадахгүй алдагдалд орох буй заа