Өнөөдөр Истанбул, Хонгконг руу тусгай үүргийн нислэг үйлдэнэ | News.MN

Өнөөдөр Истанбул, Хонгконг руу тусгай үүргийн нислэг үйлдэнэ

Өнөөдөр Истанбул, Хонгконг руу тусгай үүргийн нислэг үйлдэнэ

Өнөөдөр Истанбул, Хонгконг руу тусгай үүргийн нислэг үйлдэнэ

Улсын Онцгой комиссын  шийдвэрээр наймдугаар сард гадаад улс орнуудаас иргэдээ татан авахаар 14 удаагийн тусгай үүргийн нислэг төлөвлөгдсөн. Өнгөрсөн хугацаанд найман удаагийн нислэг үйлдээд байна. Тэгвэл өнөөдөр /2020.08.20/ Истанбул, болон Хонконг руу тусгай үүргийн нислэг үйлдэх юм.

Истанбулаас Европт байгаа иргэдээ татан авчрах бол Хонконгоос  Тайвань болон Зүүн Өмнөд Азийн орнуудаас нутаг буцах хүсэлт гаргасан 170 орчим иргэнийг эх оронд нь авчрах аж.

ЦААШИД ХИЙГДЭХ НИСЛЭГҮҮД

  • Наймдугаар сарын 21-нд Франкфурт-Улаанбаатар
  • Наймдугаар сарын 22-нд Сөүл-Улаанбаатар
  • Наймдугаар сарын 24-нд Токио-Улаанбаатар
  • Наймдугаар сарын 26-нд Франкфурт-Улаанбаатар
  • Наймдугаар сарын 27-нд Сидней-Улаанбаатар чиглэлд тусгай нислэг үйлдэнэ.

Дашрамд дурдахад, Монгол Улсын Шадар сайд, Улсын онцгой комиссын дарга Я.Содбаатарын шийдвэрээр  наймдугаар сарын 30-ны өдөр Казахстан улсын нийслэл Нурсултан, наймдугаар сарын 31-ний өдөр АНУ-ын Сиатл хот руу тусгай үүргийн нэмэлт нислэг хийхээр шийдвэрлэсэн билээ.

Нурсултан хот руу хийх нислэг замдаа Киргиз улсын нийслэл Бишкек хотод зогсож, хилээ хаасны улмаас тус улсаас нутаг буцах боломжгүй байгаа Монгол Улсын 30 гаруй иргэнийг авах бөгөөд эдгээр хоёр  нислэгээр нийт 520 орчим иргэн эх орондоо ирэх юм.

Ийнхүү нэмэлт нислэгийг үйлдсэнээр энэ сард нийт 17 удаагийн нислэгээр 4240 гаруй иргэнийг эх оронд нь авчрах юм байна.

Э.БУРАМ

Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

1 Сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-08-20 202.126.88.38

Монгол хүн гэж хөгийн шүү бас хаа яваа газраа аль гайгүй бэлэн зэлэн сайн сайхан зүйлс бүхэнд хамаарах гэж үзнэ ……хамаарах хамаарахдаа хавь ойр хаяагаа хадрана…яг л дэнгийн эрвээхий шиг….

NewsMN Гар утасны хувилбар Татах
NEWS.mn

Мэдээллийн эх сурвалж