О.Баасанхүү: Огцруулах саналаасаа буцахгүй

Хуучирсан мэдээ: 2016.01.26-нд нийтлэгдсэн

О.Баасанхүү: Огцруулах саналаасаа буцахгүй

Ерөнхий сайдыг огцруулах хуулийн төслийг дэмжиж гарын үсэг зурсан гишүүдээс О.Баасанхүү гишүүн буцахаар шийдэн, саналаа татахаар хөөцөлдөж явна гэх мэдээлэл цацагдаад байна. Энэ талаар түүнээс тодрууллаа.

-Засгийн газрын тэргүүнд хариуцлага тооцох саналаасаа та буцахаар шийдээ юу. Ийм мэдээлэл цацагдаад эхэллээ?

-Огцруулах саналаасаа буцахгүй. Анх би Засгийн газрын хэрэг эрхлэх газрын дарга С.Баярцогтод хариуцлага тооцох асуудлыг УИХ-д тавьсан ч Үндсэн хуулийн цэцээс гаргасан шийдвэртэй холбоотойгоор энэ асуудлыг хэлэлцэх боломжгүй болсон. Үндсэндээ хуульгүй болсон. Тийм учраас хариуцлага тооцох боломж одоо л гарч ирж байгаа. Засгийн газарт хариуцлага тооцох олон шалтгаан бий. Үндсэн хуулийн цэцэд “Lexys-570” өгсөн Засгийн газарт хариуцлага тооцохгүй гээд яах юм. Зах зухаас нь дурдахад энэ.

-Хэрвээ таныг огцруулах саналаасаа татгалзахгүй бол 2012 оны УИХ-ын сонгуульд намын нэрээр дэвшиж УИХ-ын гишүүн болсон учраас эргүүлэн татна гэсэн гэх юм?

-Намайг айлгах гээд байгаа юм уу, эсвэл янз үзээд байна уу. Наад яриад байгаа асуудлууд чинь ноцтой шүү. Гэхдээ би буцахгүй.

Г.ДАРЬ

 

NewsMN Гар утасны хувилбар Татах
NEWS.mn

Мэдээллийн эх сурвалж