Зөвлөгөө: Үхлийн аюултай хүнсний бүтээгдэхүүнүүд | News.MN

Зөвлөгөө: Үхлийн аюултай хүнсний бүтээгдэхүүнүүд

Зөвлөгөө: Үхлийн аюултай хүнсний бүтээгдэхүүнүүд

Зөвлөгөө: Үхлийн аюултай хүнсний бүтээгдэхүүнүүд

АНУ-ын Хүнс, эмийн хяналтын удирдлагын газраас хүмүүсийн өдөр бүр хэрэглэдэг аюултай хоол хүнсний жагсаалтыг гаргажээ. Туркийн “Sözcü” сонинд тус жагсаалтад багтсан хоол хүнсний талаарх зөвлөгөөг нийтэлсэн байна. Үүнд:

Өндөг: Өндгийг зөв хэрэглэхгүй бол салмонелла бактерын халдварын эх үүсвэр болдог байна. Мэргэжилтнүүд өндгөө хөргөгчинд удаан байлгалгүй, шинээр нь хоол хүнсэндээ хэрэглэхийг зөвлөжээ. Мөн түүхий өндөг агуулсан хоол хүнсээс татгалзах хэрэгтэйг анхааруулсан байна.

Мөөг. Зарим мөөг маш хортой тул амь насанд аюул учруулах чадалтай. Хордлого, үхлээс өөрийгөө болон хайртай хүмүүсээ хамгаалахын тулд та бэлтгэх гэж байгаа хоол хүнсний бүтээгдэхүүн аюултай эсэхийг дахин нэг удаа шалгаж үзэх хэрэгтэй.

Брокколи. Ногоон ногоо, ялангуяа цэцэгт байцаа зэргээс бие махбодид E.coli гэх мэт хортой бактерын халдвар үүсэхээс сэргийлж сайтар угаагаарай. Шанцайтай салат, бууцай ба аругула зэрэг навчит ногооноос халдвар дамжих боломжтой.

Кофе. Энэ ундааны хор хөнөөлийн талаар олон хүн мэдэх билээ. Хэдийгээр биемахбодийг сэргээж, сайхан үнэр амтаараа хүмүүсийн өдөр тутмын хэрэглээ болсон ч эрүүл мэндэд тийм ч сайн үр дагавар авчирдаггүйг эрдэмтэд тогтоожээ. Дэлхийн улс орнуудад тарьж ургуулж буй кофены үрийг химийн бодисын аргаар амттай болгож, өнгө оруулдаг нь нэгэнт нууц биш болсон. Судлаачид гадуур зарагддаг кофенд маш олон төрлийн химийн хорт бодис агуулагддаг гэдгийг олж тогтоон, олон нийтэд зарласан билээ. Кофе нь арьсанд хортой. Кофены хэт их хэрэглээ нь шүдний өнгийг алдагдуулахаас гадна нойргүйдэлд хүргэж, шингэн алдуулдаг байна.

Туна. Дэлхийн хүмүүсийн хамгийн их хэрэглэх дуртай загас. Гэвч энэхүү загасыг хэтрүүлж хэрэглэвэл хор болдгийг судлаачид тогтоожээ. Ялангуяа хэвлий дэх болон нярай хүүхдэд аюултай, тэдний мэдрэлийн системд сөрөг нөлөө үзүүлдэг байна. Туна загасанд хуримтлагдах мөнгөн усны хэмжээ маш бага. Гэсэн ч зарим судлаачид үүнийг долоо хоногт хоёроос илүү удаа хэрэглэхийг зөвлөдөггүй байна.

Хясаа. Энэ бүтээгдэхүүнийг хоол хүнсэндээ хэрэглэхдээ сайтар угааж цэвэрлэх шаардлагатай ажээ. Хясаанууд нь халдвар тээвэрлэгч болдог байна. Эмч нар харшилтай хүмүүс, мөн жирэмсний сүүлийн шатандаа буй эмэгтэйчүүдэд хясаа хэрэглэхийг зөвлөдөггүй аж.

Хиам. 10-аас доош насны хүүхдийг хооллох үед амьсгал нь боогдсон тохиолдлын 20 хувь нь хиамнаас үүдэлтэй байсан гэсэн судалгаа гарчээ. Харвардын их сургуулийн эрдэмтэд хиамны төрлийн бүтээгдэхүүн их хэрэглэх нь элдэв өвчлөл үүсгэхэд нөлөөлдөг эсэхийг судалжээ. Ийм төрлийн хүнснээс ердөө 50 граммыг идэхэд чихрийн шижингээр өвчлөх эрсдэл хэд дахин нэмддэг аж. Учир нь хиам үйлдвэрлэхэд хэрэглэдэг элдэв төрлийн амтлагчууд нь хавдрын эс үүсэх таатай орчин бүрдүүлдгийг тогтоосон байна.

Эх сурвалж: FORBES
Б.ЖАРГАЛ

Энэ мэдээнд өгөх таны сэтгэгдэл?
4
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

/*-*/ 2020-08-18 49.0.212.4

Хиамэы орцонд чинь 00-ын цаас дэвтээж хутгаж хольдогг юм. Өндөг ыол манай монголд тансаг хэрэглээ.Броколи монголд бараг тарьдаггүй

Avatar

Асуулт 2020-08-18 43.242.243.159

Гахайн мах, өөхтэй мах, архи г.м

Avatar

Зочин 2020-08-18 202.55.188.35

Кофе биед хортой гэдэг.

NewsMN Гар утасны хувилбар Татах
NEWS.mn

Мэдээллийн эх сурвалж