Эхлээд ипотекийн зээлээ 2 хувиар бууруулчих! | News.MN

Эхлээд ипотекийн зээлээ 2 хувиар бууруулчих!

Эхлээд ипотекийн зээлээ 2 хувиар бууруулчих!

Эхлээд ипотекийн зээлээ 2 хувиар бууруулчих!

Ипотекийн зээлээ  хугацаа хожимдуулалгүй төлж буй 34 мянган зээлдэгчиддээ 2 хувийн хөнгөлөлт үзүүлж чадахгүй гурван сарыг барж буй эрх баригчид зээлийн хүүг нэг оронтой тоонд оруулах стратеги батлахаа мэдэгдэв. УИХ-ын ээлжит бус чуулганаас уг стратегийг баталснаар зээлийн хүү нэг оронтой тоонд орно. Сэрдэггүй бол сайхан л зүүд.

Улсын нэгдсэн төсөв нь 4.8 их наяд төгрөгийн алдагдалтай, экспорт  энэ оны долоон сарын байдлаар 800 орчим сая ам.доллараар буурсан, ам.доллар нь 2853 төгрөгтэй тэнцсэн,  цаашаа ч өсөх прогнозтой, хадгаламжийнх нь хүү 12 хувь, зээлийн дундаж хүү 16 хувь байхад зээлийн хүүг нэг оронтой тоонд оруулах боломж үнэндээ хязгаарлагдмал.

Арилжааны хэдэн банкиндаа хүч хэрэглэж богино хугацаанд зээлийн хүүг бууруулж, шоуддаггүй юм бол бодит хөрс нь бүрдээгүй байна гэж хэлж болно. Хэрвээ хөрс нь бүрдсэн юм бол яагаад УИХ-ын сонгуулийн өмнө парламентаар баталсан ипотекийн зээлээ цаг хугацаандаа төлж буй иргэдэд 2 хувийн хүүгийн хөнгөлөлт үзүүлэх амлалтаа хэрэгжүүлэхгүй өнөөдрийг хүрэв.

Монголбанкны мэдээгээр 46115 иргэн ипотекийн зээлээ хойшлуулсан бол 34 мянган иргэн сар бүр тогтмол 8 хувийн зээлээ төлж байна.  Нийт 80 мянга орчим иргэн ипотекийн зээлд хамрагдсанаас 40 хувь нь сар бүр тогтмол төлбөрөө төлж байна гэж хэлж болно. Тэдэнд гурван сарын хугацаанд 2 хувийн хүүгийн хөнгөлөлт үзүүлэхэд 7 тэрбум төгрөг шаардагдах тооцоог төв банк гаргасан.

Эх үүсвэрийг хаанаас гаргах вэ гэдэг дээр гацав уу, эсвэл амалснаасаа бултахаар шийдэв үү, судалгаа Засгийн газарт хүрсэн ч өнөөдрийг хүртэл хэрэгжсэнгүй,  иргэд хүлээсээр…

Цар тахлын улмаас эдийн засаг хүндэрч, төсвийн орлого 1 их наяд төгрөгөөр тасарсан ч гэлээ хөнгөлөлт эдлүүлье гэвэл 7 тэрбум төгрөгийг зохицуулах боломжтой. Ахмад настны 6 сая хүртэлх төгрөгийн зээлийг тэглэхэд 680 орчим тэрбум төгрөг шаардагдаж, зохицуулалт хийсэн. Зах зээл рүү мөнгө гаргаагүй учраас хор уршиг нь бага туссан. Ипотекийн 2 хувийн хөнгөлөлт ч бэлнээр шууд иргэдийн гарт очихгүй учраас эргээд эдийн засагт хүргэх хор хохирол нь бага.  Шаардагдах эх үүсвэрийн хэмжээ ч ахмад настны тэтгэврийн зээлийг тэглэсэнтэй харьцуулахад 10 орчим хувьтай л тэнцэнэ. Ийм байтал энэ зохицуулалтыг хийчиж чадаагүй нь зээлийг нэг оронтой тоонд оруулах яриа нь эрх баригчдын хувьд орон нутгийн сонгууль угтсан синдром байх вий гэдэг хардлага дагуулж буй.

Учир нь зээлийн хүүг зах зээлийнх нь жамаар бууруулъя гэвэл ам.долларын төгрөгтэй харилцах ханшийг бууруулах арга хэмжээ авахаас ажлаа эхлэх ёстой.  Үүний тулд хөрөнгө оруулалтыг татаж, экспортын орлогоо нэмэгдүүлэх шаардлагатай.

Хэрвээ энэ арга хэмжээг хэрэгжүүлэхгүй бол УИХ-ын сонгуулийн өмнө шатахууны үнийг литр тутамд нь 150 төгрөгөөр буулгаад наадмын дараа буцаад өссөн шиг түр зуурын арга хэмжээ болоод л өнгөрнө.

Зээлийн хүүг бууруулах асуудал яригдахад улстөрчид банкууд л хамаг юмны эзэн суусантай холбодог. Гэвч агуулгаараа зээлийн хүүг бууруулах асуудал дан ганц банкуудаас хамаардаг зүйл биш. Тэр тусмаа УИХ-аар стратеги баталчихаар хэрэгждэг асуудал огт биш. Гадаад, дотоод олон хүчин зүйлээс хамаарч зээлийн хүү тогтдог учраас бүх талуудын оролцоог хангах ёстой болдог.

Эдийн засагчид зээлийн хүүнд хамгийн том нөлөө үзүүлж байгаа зүйл нь банкны эх үүсвэрийн өртөг бөгөөд  гадаад валютын ханш, инфляцаас шууд хамаардаг гэж үздэг.

Иймээс эрх баригчид аа, зээлийн хүүг бууруулах арга хэмжээ авах нь орон нутгийн сонгууль угтсан шоу биш юм бол эхлээд ипотекийн зээлээ 2 хувиар бууруулан 6 хувь болгож, 34 мянган зээлдэгчдээ хөнгөлөлт эдлүүл.

Эдийн засгийн нөхцөлөө сайжруулаагүй, ипотекийн зээлээ 2 хувиар бууруулж, гурван сарын хөнгөлөлт үзүүлж чадахгүй хэрнээ зээлийн хүүг нэг оронтой тоонд оруулах тухай ярих нь итгэл үнэмшил төрүүлэхгүй байна.

Г.ХОРОЛ

Энэ мэдээнд өгөх таны сэтгэгдэл?
15
ЗөвЗөв
3
ТэнэглэлТэнэглэл
2
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

20 сэтгэгдэл

News.mn сайтад сэтгэгдэл оруулахад анхаарах зүйлс

Avatar

иргэн 2020-08-17 103.111.68.3

Эрх баригчдыг амлалтаа биелүүлж ипотекийн зээлээ хойшлуулаагүй төлж байгаа иргэдийн зээлийн хүүг 2% бууруулахыг шаардаж байна

Avatar

dfsdaf 2020-08-17 119.40.98.106

Юун 2 хувь бэ? Энэ асуудал заримд нь 8% заримд нь 5% болсон. Бүх танил талтай этгээдүүд 5% болгосон. Мэдээллийн санд авсан байрныхаа хаягийг өөрчлүүлэхэд л 5%. Үүнийг шалгуулах асуудал где? Арилжааны банкууд 8%-ийн 7%-г авдаг болсон уу? Одоо барилгын компаниуд байраа хүүгүй лизингээр өгөөд эхэлчихлээ. Ө.х. байр аваад үлдсэн мөнгөө суваргаад төл гэсэн гэрээ хийж байна. Ямар ч хүү байхгүй. хугацаа нь янз бүр ч 8-10 жил гэж байна. энэ чинь ипотек биш үү. Хүүгүй ипотекийг хувийн хэвшил хийгээд байна

Avatar

onom 2020-08-17 119.40.98.106

Төр хүү буулгах талаар ярих нь зах зээлийн бус аймаар үзэгдэл. Төр банк, хүү зэрэг асуудлаар ямар ч бодлоготой байх ёсгүй. Ердөө бодлого ч ярьж болохгүй. Зах зээлийн үл үзэгдэгч гар зохицуулах ёстой. Харин банкирууд төртэй хуйвалдан хүүлэх ажиллагаагаа ямар ч асуудалгүй хийж болно. Хуульд захиалан өөрт ашигтай заалт оруулж болно. Энэ талаар хэнд ч хэлэхгүй мэдэгдэхгүй. Нэг мэдэхэд л хуульд өөрчлөлт орно. Энэ тухай манай том эдийн засагч нэртэй ном ярьдаг нөхөд 1 ч үг хэлэхгүй. Үнэхээр…

Avatar

ОНОМ 2020-08-17 119.40.98.106

Маш товчдоо, зээлийн хүү-ний тухай ТӨР ярьвал эдийн засгийг алдаг. Харин тэд далдуур хуйвалдвал эзийн засгийг алдаггүй юм гэсэн. Ном ярьдаг эдийн засагч нэртэй нөхдүүд хүү буулгах тухай ТӨР ярих бодлого ярина гэхээр л гарч ирээд зах зээлийн эдийн засгийн үл үзэгдэгч гарын тухай үлгэрээ эхлэнэ. Ард нь банкирууд яаж төрд төлөөлж, яаж хуйвалддаг тухайд ган хийхгүй. Яагаад гэвэл тэр талаар ярих гэхээр төлбөр төлөгч байдаггүй байх. мөнгө төлсөн нь хөгжмөө захиална.

Avatar

onom 2020-08-17 119.40.98.106

Ер нь монголын банкирууд хуульд хүртэл захиалж өөрчлөлт оруулж чаддаг гэдгийг бид харсан. Тэд банк бизнес эрхэлж болох тухай заалт оруулснаар уул уурхайн олон компанийг дампууруулж, худалдаж авч чадсан байдаг. Асуудал үүсэнгүүт хуулиа буцаагаад өөрчилсөн тэгээд л асуудал дуусчихдаг. Тэд хэвлэл мэдээлэл, Э/з нэртэй ном ярьдаг нөхдүүдийг асар их яриулдаг. Төр зээлийн хүү-г бууруулахад оролцож болдоггүй тухай маш их яриулдаг. Тэгсэн атлаа ардуур нь улс төрчидтэй бааранд, ресторанд, саунд …

Avatar

ОНОМ 2020-08-17 119.40.98.106

8%-ийг улс 4% арилжааны банк 4% -иар хувааж авдаг байсан. Баделхан 2 жилийн өмнө төрөөс өгч буй зээлийг 1% болгосон тухай ярьсан байдаг. Засгийн шийд ч гарсан юм билээ. ө.х. арилжааны банкууд 7% хувь авдаг болсон уу гэдэг асуудал байгаа. ипотекийн зээлийн эх үүсвэрийг нэмэгдүүлэхийн тулд гэж хэлдэг. Тэр нь юу гэсэн үг болох тухай хэн ч ам ангайж ярьдаггүй ийм нэг асуудал дарагдаад нууцлагдаад л байгаа. Иймэрхүү ажлыг хэн хийдэг гэхээр Банкны лобби бүлэглэл, хэвлэл мэдээлэл, хөлсний э/з нэртэй ..

Avatar

bitgiii davar 2020-08-17 182.160.36.143

TERNII OROND ZEELEE TEGLUULEEGUI AHMADUUDDAA 6 SAYIIN ZEEL OLGOOD TEGLE, BATTULGA IREH SONGUULIAR SHUUD UNANA, AHMADUUDIIG YALGASAN ADGIIN DENEG

Avatar

Ediin zasagch 2020-08-17 192.82.66.72

banknii holsnii bicheech nar ih dongosch bna aa. zasag bur hucheer hyazgaar huund togtooh heregtei. Banknii ezed suuldee horongondoo hahaad suuldee bur uls toriin nam alban tushaal hudaldaj avdag bolj, suuldee bur zasgiig hudaldaj avah geed bna sh dee bodit baidal. Zugeer l bankniihaa ajliig hiigeed yavdag bolch yahav, etsest ni mongo ni ihdeed orlogo ni hahaad l niigemiin hariutslagaa uhamsarlahgui shunaldaa diildeed oorsdoo bayjihaas busdiig bodohgui baigaadaa l eserguutseed baigaa.

Avatar

Зочин 2020-08-17 202.126.92.99

yag zow 5% bolgochix tgul neerei unxeer sain ajilsan gej itgeye texv

Avatar

Зочин 2020-08-17 202.131.240.170

AN-II HULSNII BICHEECH, l*****n SITE

Avatar

Зочин 2020-08-17 192.82.68.11

Сөрөг хүчний бууны нохойнууд короновирустэй тэмцэж буй энэ хүнд үеийг далимдуулан МАН-ын нэр төрийг гутаах бохир аргаа хэрэглэн орон нутгийн сонгуульд тэднийг унагах ажилдаа идэвхтэй оров бололтой Тэд төрд гарч ирэх бүрдээ амласнаа биелүүлдэг бил үү Эсрэгээр улс орон нь өр зээлд л орж улсын данс улайн ард түмний амьдралын төвшин мууддаг Тэгээд олон түмнийг хашрааж гомдоодог

Avatar

Зочин 2020-08-17 210.121.173.224

ingeel nam yariad bhiim. zugeeer l ard tumnii tuhai unen um l bichsen bn shd . namgui bol amidarch chadahgui bnuu

Avatar

ЗЭЭЛГҮЙ АХМАД НАСТАН 2020-08-17 43.228.131.182

Улс төр сонирходоггүй бөгөөд аль нам эвсэл дэмждэггүй хүний хувьд Хүрэлсүхийн засгийн газар ажлаа хийгээд амьдралаа өөрөө зохицуулаад зээл болон татвараа төлөөд бор хоногоо өнгөрүүлж байгаа иргэдээ ер анхаарахгүй байгааг юу гэж ойлгох вэ Улс төр сонихогчидоо Эсвэл хамаг юмаа дуусгаад Хүрэлсүхийн халамжийг бодлогийг горьдоод суух уу Ингэж бодохоор Сүрдэнзан Хүрэлсүх юу ч хийхгүй байгаа нь харагдаад байна шүү дээ

Avatar

Зочин 2020-08-17 103.57.95.199

одоо амлалтаа биелүүлэхгүй бол орон нутгийн сонгууль будаа болно доо МАН ХХкомпанийхан.

Avatar

Зочин 2020-08-17 66.181.183.165

Хожуудсан хариугаар яах юм. УИХ-ын сонгуульд алаг эрээнээр сонгож гаргаагүйгээс хойш худал сүрдүүлэг хэрэггүй.

Avatar

Зочин 2020-08-17 103.57.93.198

sonin shuu hunii iluudel mongond ulsaaraa huu tolj osgoj ogdog jinhen mongo huuleltiin songodog jishee heden mongo huulegchin divaajin yumuudaa

Avatar

/*-*/ 2020-08-17 49.0.212.4

Өнгөрсөн 4 сарын нэгээн! Тэр чинь сонгуулийн шоу байлаа, манай намын сонгуулийн молигонд итгэж дахин үнэмлэхүй гаргаж ирсэнд баярлалаа хүүхээ !

Avatar

Зочин 2020-08-17 203.91.115.41

Songuuliin show l baisan shd

Avatar

zochin 2020-08-17 180.233.124.30

hadglamjaa buuruulldaa tegeel bolooshd yagaad hadglamjaa buuruulku bgaan bas mafijitsan yumuu

Avatar

Ард 2020-08-17 66.181.168.8

чи ойлгохгүй ээ

NewsMN Гар утасны хувилбар Татах
NEWS.mn

Мэдээллийн эх сурвалж