Хэнтий аймгийн Батноров сумын Бэрх тосгонд иргэн А-гийн жоншны олборлолтын Идэрмэг-Өсөх нөхөрлөлийн уурхайн 50 метрийн гүнд хоёр хүн нурангид дарагдсан осол энэ сарын 14-ны өдөр гарсан. Тэгвэл аймгийн Онцгой байдлын албаны алба хаагчид осолдсон хүмүүсийн нэг болох 19 настай Б-г өчигдөр 83.1 метрийн малталтаас эсэн мэнд гарган тус сумын эмнэлэгт хүлээлгэн өгсөн байна. Түүний бие нь тогтвортой байгаа аж.
Харин 27 настай Х-ийн цогцсыг өнөөдөр /2020.08.17/ 04:15 цагт уурхайн 35 метрийн нуранги дороос олж, цагдаагийн байгууллагад шилжүүлэн өгчээ. Эх сурвалжийн мэдээлж буйгаар Идэрмэг-Өсөх нөхөрлөлийн жонш олборлох далд уурхай нь зөвшөөрөлгүй үйл ажиллагаа явуулж байсан аж.
Э.БУРАМ
Холбоотой мэдээ