Нийслэлийн АН, МАН сонгуульд оролцох хүсэлтээ хүргүүллээ

Монгол Улсын орон нутгийн сонгууль ирэх аравдугаар сарын 15-ны өдөр товлогдсон. Хуульд заасны дагуу тус сонгуулийн санал авах өдрөөс 60 хоногийн өмнө нам, эвслүүд Сонгуулийн хороонд мөрийн хөтөлбөрөө хүргүүлэх учиртай. Энэ дагуу Аймаг, нийслэл, сум, дүүргийн Иргэдийн Төлөөлөгчдийн Хурлын 2020 оны ээлжит сонгуульд Нийслэлийн Ардчилсан намын хороо оролцох хүсэлтээ өнөөдөр (2020.08.15) Нийслэлийн Сонгуулийн хороонд албан ёсоор хүргүүллээ.

ХОТЫН ТӨСӨВ САНХҮҮГИЙН ЭРХ МЭДЛИЙГ НЭМЭГДҮҮЛЭХЭД АНХААРНА

МАН нам ээлжит сонгуульд нэгдмэл удирдлага, нэг зорилготой оролцоно гэдгээ илэрхийлсэн юм. УИХ-ын гишүүн Д.Сумъяабазар “Бид мөрийн хөтөлбөрөө зургадугаар сард сонгуулийн хөтөлбөрөө аудитын байгууллагад өгч, хянуулсан. Улаанбаатар хотын олон асуудлыг шийдэх гаргалгааг мөрийн хөтөлбөрт тусгасан. Тухайлбал, түгжрэлийг зохицуулахын тулд ШУТИС-ийн мэргэжлийн багтай хамтран ажиллаж байна. Анх 400 мянган хүн амд тааруулж, хот төлөвлөлтөө зохион байгуулсан учраас өнөөдөр нийслэлд маш олон асуудал үүссэн. Эрх зүйн зохицуулалтыг нэн даруй хийнэ. Хотын төсөв санхүүгийн эрх мэдлийг нэмэгдүүлэхэд нэн тэргүүнд анхаарна” гэв.

ИРГЭНДЭЭ ЭЭЛТЭЙ НИЙСЛЭЛ ХОТ БАЙГУУЛАХААР ХИЧЭЭЖ АЖИЛЛАНА

Нийслэлийн Ардчилсан намын хорооны даргын үүрэг гүйцэтгэгч Д.Пүрэвдаваа хэлэхдээ “НИТХ-д 45 төлөөлөгч АН-аас нэр дэвших ёстой. Үүний дагуу тохирох боловсон хүчнийг нэр дэвшүүлнэ. Хоёрдугаарт, мажоритар тогтолцоо байгаа цагт мөнгөний асуудал үргэлж яригддаг. УИХ-ын сонгуулиар яригдаж байсан 100 сая төгрөгийн дэнчингийн асуудал ч мөн дурдагдсан учир нь энэ. Гэхдээ Сонгуулийн ерөнхий хорооноос зардлын дээд хэмжээг заагаад өгчихсөн. Үүний хүрээнд бид сонгуулиа шударгаар зохион байгуулах ёстой.

Бид иргэндээ ээлтэй байх мөрийн хөтөлбөрийг боловсруулсан. Өнөөдрийн нийгэмд хотын түгжрэл, утаа зэрэг нь үнэхээр тулгамдсан асуудал болж байна. Бидний хувьд төрийн үйлчилгээг цомхон хэрнээ дөт болгох, хялбаршуулах, цахимжуулахаар төлөвлөж байна. Дөрвөн жилийн өмнө АН-ын санаачилгаар нийтийн тээврийн үйлчилгээг цахимжуулж, U-Money гэх үйлчилгээг амжилттай нэвтрүүлсэн. Энэ жишгээр бид аль болох иргэндээ ээлтэй нийслэл хотыг байгуулахаар хичээж ажиллана” гэв.

Э.БУРАМ

7 сэтгэгдэл

Хариулахаа болих

Зочин 2020-08-15 126.255.76.60

News.mn admin n end bainga Belgium bolzoo geed zar gargaad baigaa huniig tsagdaad barij uguuch esvel ta nar uursduu taviad baidag yumuu? Ilt huuli bus zar surtchilgaa yavaad baihad !!!! Tsagdaa n anhaarch arga hemjee avna uu!!!!

Хариулах

Зочин 2020-08-15 139.5.218.189

Ёстой хэлчихье. Энэ сонгуулийн дараагаар халдвар монголд тарна. Олон хүнд халдвар тарж, улс төржилтөөс болж үхнэ. МАН-ын хулгайч нараар дамжаад айл бүрт халдвар тараах зам нээгдэнэ.

123456 2020-08-15 49.0.212.4

АН сонгуульд ороод дэмий л байгаа юм даа, Ер нь бусад жижиг сажиг намууд болон бие даагч нар ч оролцох хэрэггүй, МАН л 100 хувь болох нь дээр. Хойтон ерөнхийлөгчийн сонгууль ч мөн адил. МАН 100 хувь болж аваад бүх юмны дарга нар болж аваг цаашаа.