Тэр зүгээр тамхилахаар л гарсан...

ЗХУ-ын домогт рок дуучин, хөгжимчин, жүжигчин, барималч, сийлбэрч Виктор Цой биднийг орхин одсоноос хойш хэдийнэ 30 жил өнгөрчээ. Түүний амьдрал, үхэл, хайр дурлал, дуу эгшгийг зүрхэндээ тээж явдаг, “Цой” хэмээх хөгжмийн ертөнцөд харьяалагддаг хэн хүнд зориулсан дурсгалын тоглолт наймдугаар сарын 15-ны 18:00 цагт “Hard Rock Café Ulaanbaatar”-т болох юм.

Тус тоглолтыг Улаанбаатар дахь Оросын Шинжлэх Ухаан, Соёлын Төв хамтран зохион байгуулж байна. Энэхүү үдэш бидний зүрхэнд хоногшсон 25 дууг дуучин Т.Энхтөмөр, “X VIT” хамтлаг эгшиглүүлэх юм. Тоглолтын такс: 20 мянган төгрөг бөгөөд дэлгэрэнгүй мэдээллийг 99333661, 91112282 утсаар авах боломжтой.