Монгол Улсын Ерөнхий сайд У.Хүрэлсүх БНХАУ-аас Монгол Улсад суугаа Элчин сайд Чай Вэньруйг 2020 оны 08 дугаар сарын 13-ны өдөр хүлээн авч уулзав. УИХ-ын ээлжит сонгуульд ялалт байгуулж, шинэ парламент, Засгийн газар ажлаа эхэлсэнд БНХАУ-ын дарга Ши Жин Пин, Төрийн зөвлөлийн Ерөнхий сайд Ли Көцян нар баяр хүргэн мэндчилгээ дэвшүүлснийг Элчин сайд Чай Вэньруй уламжилж, амжилт хүсэв.
Ерөнхий сайд У.Хүрэлсүх гадаад бодлогын залгамж чанарыг хадгалж, Иж бүрэн стратегийн түншлэлийн харилцааг гүнзгийрүүлэхийн төлөө идэвхтэй хамтран ажиллахаа илэрхийлэв. Хоёр улс Ковид-19 цар тахлаас үүдэлтэй хүндрэлийг даван туулах, худалдаа, эдийн засгийн хамтын ажиллагааг хэвийн болгох, ялангуяа уул уурхайн бүтээгдэхүүний экспорт, импортыг нэмэгдүүлэх зэрэгт анхаарах нь зүйтэй гэж үздэгээ тэмдэглэв.
Хятадын тал хоёр улсын харилцаа, хамтын ажиллагааг хөгжүүлэхэд өндөр ач холбогдол өгч ирснийг Элчин сайд Чай Вэньруй нотлож, дээд, өндөр түвшний айлчлал, уулзалтын давтамжийг хадгалах, хамтын ажиллагааны механизмуудын ажлыг тогтмолжуулах нь чухал гэв. Талууд “Ногоон гарц” түр журам, томоохон төсөл, хөтөлбөрийн хэрэгжилт зэргийн талаар ярилцав гэж Засгийн газрын Хэвлэл мэдээлэлтэй харилцах хэлтсээс мэдээллээ.
Зочин 2020-08-13 202.131.245.6
зөв…
зочин 2020-08-13 66.181.161.102
Нохой долоо …,, Нүүрс авчихл даа ,, гэж царай алдсан л байна шдэ ….Очиж очиж Монгол улсын Ерөнхий сайд нэг муу төлөөлөгчийн газрын даргийг царай алдан гуйсан байна шд.
Х 2020-08-13 220.221.64.51
Уул уурхайн бүтээгдэхүүнийг нэмэгдүүлнэ гэж яриад байх юм, Монголын газар нутаг өнөөдөр ямар эрсдэлд орж байгааг, хэдэн хувийг хэн ухаж төнхөж байна уу гэдэг судалгаа, хуулийн заалтын залруулга л тулгамдсан асуудал болоод байна даа.
Заагч 2020-08-13 202.179.31.252
Хар хрх хятадад хоолойгоо тасдуулах нь дээ их тэврэлдээд элэгдүүлж нухуулах жамтай.