БНСУ 2011 онд хүчтэй аадар борооны улмаас хамгийн их хохирол амсч байжээ. Энэ сарын 1-нээс хойш тус улсад хүчтэй аадар борооны улмаас нийт 33 хүн амиа алдаж, есөн хүн ор сураггүй алга болж, найман хүн бэртэж гэмтсэн талаар Лхагва гариг (2020.08.12)-т тус улсын Засгийн газрын Гамшгийн аюулаас урьдчилан сэргийлэх төв штабаас мэдээлэв.

Энэхүү байгалийн гамшгийн улмаас 7800 гаруй хүнийг нүүлгэн шилжүүлсэн бөгөөд өнөөдрийг хүртэл 3000 гаруй нь гэр орондоо эргэн очих боломжгүй байгаа аж. Гамшигт ойролцоогоор 6000 барилга байгууламж өртөж, 25 мянга орчим га хөдөө аж ахуйн эдэлбэр газар усанд автсан байна.

Өнгөрсөн амралтын өдрүүдэд Өмнөд, Хойд Чолла муж, Кванжу хотод 13 хүн амь насаа алдаж, 11 хот, мужийн 7000 орчим иргэн орон гэрээ орхихоос өөр аргагүй болж, 3400 иргэн түр орогнох байранд толгой хоргодож буй талаар мэдээлсэн билээ.

Эх сурвалж: TASS, YONHAP
Б.ЖАРГАЛ