Чухаг спорт төвөөс санаачлан зохион байгуулж буй сагсан бөмбөгийн "Чухаг" зуны лигийн баруун болон зүүн бүсийн хүснэгтийн байдлыг та бүхэндээ хүргэж байна.

Энэхүү зуны лиг нь нээлттэй зохион байгуулагдаж байгаа бөгөөд Гоё дээд лиг, 21 аймгийн үндэсний дээд лигийн тамирчид холбоо хамаарахгүйгээр чөлөөтэй оролцож буйгаараа онцлогтой.

Зүүн бүсийг Гоё дээд лигийн “Улирлын үнэ цэнэтэй тоглогч” О.Сэргэлэн болон Т.Мэндбаяр, А.Баярбат, Т.Нандин тэргүүтэй Эрдэнэт залгамж баг тэргүүлж байгаа бол тэдний араас үндэсний лигийн дэд хэсгийн хүрэл медалийн эзэд, Д.Дархантөгс, О.Очирбат, С.Эрдэнэдалай зэрэг Монголын сагсан бөмбөгийн шилдэг тамирчдыг эгнээндээ нэгтгэсэн Баянгол-Итх болон үндэсний лигийн дэд хэсгийн аваргууд болох Налайх-Бизон багууд удаалж байна.

Баруун бүсийг залуучуудаас бүрдсэн SCF тэргүүлж, тэдний араас Friends 21 болон Sonio Team багуудын хожил, хожигдол тэнцүү удаалж байна.

Бүс тус бүрээс амжилтаараа эхний дөрөвт бичигдсэн багууд плэй-оффын шатанд шалгарч, цааш учраа таарсан багтайгаа цуврал гурван тоглолт хийх юм.