МИАТ-ийн онгоцонд мэндэлсэн ихэр охид маргааш эмнэлгээс гарна

Хуучирсан мэдээ: 2020.08.12-нд нийтлэгдсэн

МИАТ-ийн онгоцонд мэндэлсэн ихэр охид маргааш эмнэлгээс гарна

МИАТ-ийн онгоцонд мэндэлсэн ихэр охид маргааш эмнэлгээс гарна

Истанбулаас-Улаанбаатарыг чиглэн нислэг үйлдэж байсан МИАТ-ийн хөлөгт мэндэлсэн ихэр охид ээжийнхээ хамтаар маргааш эмнэлгээс гарах нь. Наадмын өмнөхөн буюу 2020 оны долдугаар сарын 9-нд тусгай үүргийн нислэгээр зорчиж явсан эх амаржиж, хоёр ихэр охин мэндэлсэн юм.

Эхийг амаржих үед агаарын хөлөг ОХУ-ын Сочи хотын дээгүүр нислэг үйлдэж байсан бөгөөд Халдварт өвчин судлалын үндэсний төвийн Яаралтай тусламжийн тасгийн эрхлэгч Б.Батсүх, тус онгоцоор зорчиж явсан эх баригч н.Ендондаваа, хүүхдийн их эмч н.Отгончимэг, н.Сугармаа, ЭХЭМҮТ-ийн САЭЭ-ний тасгийн сувилагч Буянжаргал нар ихэр охидыг эх барьж авсан байдаг. Ихэр охид долоон сартай мэндэлсэн юм.

Тусгай үүргийн онгоц “Буянт-Ухаа” нисэх онгоцны буудалд газардангуут ихэр охидыг ээжийнх нь хамт Халдварт өвчин судлалын үндэсний төвд хүргэсэн. Халдвар хамгааллыг сахих дэглэмийн дагуу гадаадаас ирсэн иргэдийг эхний удаад 21 хоног эмнэлгийн хяналтад, дахин 14 хоног тусгаарлалтад авч буй. Ихэр охидын хувьд ч мөн энэхүү 35 хоногийн хугацаа дуусч, маргааш Халдварт өвчин судлалын үндэсний төвөөс гарч, гэртээ харих нь ээ.

Г.ХОРОЛ

Энэ мэдээнд өгөх таны сэтгэгдэл?
13
ЗөвЗөв
3
ХөөрхөнХөөрхөн
2
ТэнэглэлТэнэглэл
0
ХахаХаха
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!
NewsMN Гар утасны хувилбар Татах
NEWS.mn

Мэдээллийн эх сурвалж