“Реновирус ес, аравдугаар сард өндөр дэгдэлттэй байдаг” | News.MN

“Реновирус ес, аравдугаар сард өндөр дэгдэлттэй байдаг”

“Реновирус ес, аравдугаар сард өндөр дэгдэлттэй байдаг”

“Реновирус ес, аравдугаар сард өндөр дэгдэлттэй байдаг”

ЭМЯ-ны Тандалт, шуурхай удирдлагын хэлтсийн дарга Д.Нарангэрэлээс зарим нэг зүйлийг тодрууллаа.


үйтэн сэрүүний улирал эхлээгүй байхад иргэдийн дунд томуу, томуу төст өвчин нэмэгдэх хандлагатай байгааг эмч нар анхааруулж байна. Энэ жил улирлын томуугийн вакциныг хэдэн сараас хийж эхлэх вэ?

-Дэлхий дахинаа цар тахлын вакцин гарч амжаагүй энэ нөхцөлд улирлын томуугийн вакциныг өргөн хүрээнд хийх нь үр дүнтэй гэсэн зөвлөмж өгч байга. Тийм учраас вакцинд хамрагдах хүн амын тоог нэмж, томуугийн вакцин захиалж авахаар ажиллаж байна. Энэ жил улирлын томуугийн дархлаажуулалтыг эрт эхлүүлэх хүсэлтээ НҮБ-ын Хүүхдийн санд хандаж, Засгийн газрын хөрөнгөөр вакцин захиалсан.  Эхний ээлжийн вакциныг есдүгээр сарын 15-наас ирүүлэх мэдээтэй байна. Дэлхий дахинд улирлын томуугийн вакцины хомсдол байгаа учраас аль болохоор хурдан захиалан авч, эрдэлт бүлгийн хүн амыг хамруулахаар Эрүүл мэндийн яам ажиллаж байна.

-Томуу, томуу төст өвчнөөс гадна халдварт өвчний дэгдэлт ямар байна вэ?

-Монголд тарваган тахлын идэвхжлийн үе болж байна. Бусад халдварт өвчний дэгдэлт харьцангуй гайгүй байна. Одоо гэдэсний халдварт өвчин бага зэрэг нэмэгдэх хандлагатай байна. Гэхдээ энэ жилийн хувьд ард иргэд гараа сайтар савандаж угааж, ариутгадаг, усаа буцалгаж уудаг болсон учраас халдварт өвчний дэгдэлт эрс буурсан.

Хүн амын дунд реновирусийн ханиад элбэг байгааг Эрүүл мэндийн яамнаас мэдээлсэн. Зарим хүмүүс энэ ханиадыг харшилтай андуурч эмчилгээ хийх тохиолдол гарч байна. Реновирусийн ханиад туссан хүнд ямар шинж тэмдэг илэрдэг вэ?

-Реновирус бол амьсгалын дээд замыг үрэвсүүлдэг. Ялангуяа хамар, нүд, залгиур хоолойг үрэвсүүлдэг вирусийн төрөл. Харьцангуй хөнгөн явцтай ханиадыг үүсгэдэг. Бид энэ вирусийг томуу гэлгүй ханиад үүсгэдэг вирус гэдэг. Энэ вирус нь ес, аравдугаар сард өндөр дэгдэлттэй байж байгаад 11, 12 дугаар сараас улирлын томуугийн вирусийн эргэлтэд ордог.

Ийм учраас бага насны хүүхдүүдийг сайтар анхаарах хэрэгтэй. Намар цагт өглөө, оройдоо сэрүүхэн байгаа учраас эхний ээлжинд хүүхдээ дулаан хувцаслах хэрэгтэй. Хоёрдугаарт, шим тэжээлтэй халуун бүлээн хоолоор хооллох. Мөн аньс, чацаргана, нэрс гэх мэт дархлаа дэмждэг хүнснээс гадна барагшун хэрэглэх нь зүйтэй. Барагшуныг хэрэглэхдээ буцалгахгүйгээр бүлээсгэж, ууна. Хүүхдийг аль болох олон нийтийн газраар явуулахгүй байх хэрэгтэй. Хамгийн гол нь амны хаалтаа тогтмол зүүж, гараа сайтар угаах нь чухал. Хүүхдийг эрт унтуулж, дархлааг нь дэмжиж, хичээл сургуульд нь бэлдээрэй.

-Гадаадаас тусгай үүргийн онгоцоор иргэдээ татан авч байна. Коронавирусийн түргэвчилсэн оношлуурын нөөц хэр хүрэлцээтэй байна вэ? Өдөрт дунджаар хэчнээн оношлуур ашигладаг вэ?

-Коронавирусийн түргэвчилсэн оношлуурыг өдөртөө их хэмжээгээр хэрэглэж байна. Тусгай үүргийн онгоц хүлээж авбал өдөртөө 200, 300, зарим тохиолдолд 600 ширхэгийг хэрэглэж байна. Одоогоор түргэвчилсэн оношлуурын нөөц хангалттай. Цаашид тусгай үүргийн онгоц нэмэгдэж, улирлын томуугийн үе ирэх учраас ДЭМБ-ын гэрчилгээтэй газраас оношлуурынхаа нөөцөө нэмэгдүүлэх арга хэмжээ авч байна.

А.СҮРЭН
Гэрэл зургийг Д.ГАНБҮЖИН

Энэ мэдээнд өгөх таны сэтгэгдэл?
4
ЗөвЗөв
2
ТэнэглэлТэнэглэл
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Kkkkkk 2020-08-10 203.91.112.170

Iim medleggui emgediig zaluuchuudaar solih tsag bolsoon naadah chini yuch medehgui

Avatar

зочин 2020-08-10 203.91.115.244

Энэ вирус нь ес, аравдугаар сард өндөр дэгдэлттэй байж байгаад 11, 12 дугаар сараас улирлын томуугийн вирусийн эргэлтэд ордог гэж юу гэсэн үг вэ, 11, 12-р сардаа томуу болж хувирдаг вирус уу

Avatar

Зочин 2020-08-10 150.129.143.126

ОЙЛГОМЖТОЙ ҮГЭЭР ХҮМҮҮСТ ТАЙЛБАРЛАЖ ӨГ ГЭЖ НААД ДАРГАДАА ХЭЛЭЭД ӨГӨӨЧ.ЭНГИЙН ХҮМҮҮС ЮМ НЬ ЭРГЭЛТЭНД ОРЖ ЮУ БОЛООД БАЙГААГ ОЙЛГОХГҮЙ. ТИЙМЭЭС ЭРГЭЛТЭНД ОРДОГ ГЭДЭГ ТЭНЭГ ҮГЭЭ ХЭЛЭЛГҮЙ НЭГ САЙХАН МОНГОЛООР ТАЙЛБАРЛУУЛЖ АВЧ БАЙМААР БАЙНА.

Avatar

Зочин 2020-08-10 103.229.120.144

Юу юуны туханд хүрэлгүй тэнэг энэ тэрд нь хүрдэг та яасан -"ТЭНЭГ-" хүн вэ

Avatar

Зочин 2020-08-10 139.5.217.207

Populist movements are rising up, decrying the “danger and destruction” of capitalism. This false populist sentiment is perpetuated by four groups: politicians manipulating the “us vs them” mentality, the ultra-rich who wish to see others not succeed, university professors who have either never worked in the real world or have spent so much time in academia they forgot what the real world was like and blindly idealistic college students that also embrace “microaggressions” and “trigger warnings.

NewsMN Гар утасны хувилбар Татах
NEWS.mn

Мэдээллийн эх сурвалж