Энэ жил Өмнөговь аймгаас 230 ээж “Эхийн алдар” одон хүртлээ | News.MN

Энэ жил Өмнөговь аймгаас 230 ээж “Эхийн алдар” одон хүртлээ

Энэ жил Өмнөговь аймгаас 230 ээж “Эхийн алдар” одон хүртлээ

Энэ жил Өмнөговь аймгаас 230 ээж “Эхийн алдар” одон хүртлээ

Монгол Улсын Ерөнхийлөгч Халтмаагийн Баттулга 2020 оны наймдугаар сарын 9-10-ны өдрүүдэд Өмнөговь аймагт ажиллаж, бүтээн байгуулалтын ажлын явцтай танилцлаа. Энэ үеэрээ тус аймагт амьдардаг ээжүүдэд “Эхийн алдар” одон гардуулав.

Энэ жил Өмнөговь аймгаас “Эхийн алдар” одонг нийт 230 ээжид, үүнээс Нэгдүгээр зэргийн одонг 9, Хоёрдугаар зэргийн одонг 221 ээжид одон хүртээж байгаа юм.

Монгол Улсын Ерөнхийлөгч Халтмаагийн Баттулга “Эхийн алдар” одон хүртсэн ээжүүдэд хандан үг хэлж, нийт ард түмнийхээ нэрийн өмнөөс болон хувиасаа халуун талархал илэрхийлж, баяр хүргэлээ. Мөн өрх гэр бүхэнд энхрий үрсийнх нь аз жаргалтай дуу хадаж, эрүүл саруул, эрдэм боловсролтой иргэн болж өсөн торнихыг хүсэн ерөөв.

Монгол Улсын Үндсэн хуулийн 33 дугаар зүйлийн 1 дэх хэсгийн 7 дахь заалт, Монгол Улсын Ерөнхийлөгчийн тухай хуулийн 15 дугаар зүйлийн 1 дэх хэсэгт заасны дагуу олон хүүхэд төрүүлж, өсгөн хүмүүжүүлсэн эхчүүдэд “Эхийн алдар” одон гардуулах тухай Монгол Улсын Ерөнхийлөгчийн зарлиг 2020 оны тавдугаар сарын 29-ний өдөр гарсан.

“Эхийн алдар” одонг жил бүрийн Олон улсын хүүхдийн эрхийг хамгаалах өдрөөр буюу зургадугаар сарын нэгний өдөр гардуулдаг уламжлалтай боловч дэлхий даяар тарсан коронавируст цар тахлын нөхцөл байдлыг харгалзан үзэж, энэ жил одон гардуулах үйл ажиллагааг хойшлуулаад байсан билээ.

Энэ жил “Эхийн алдар” одонг улсын хэмжээнд 10,677, үүнээс Нэгдүгээр зэргийн одонг 720, Хоёрдугаар зэргийн одонг 9,957 ээжид хүртээх бөгөөд “Өндөржүүлсэн бэлэн байдлын зэрэг”-т шилжүүлсэнтэй холбогдуулан Монгол Улсын Ерөнхийлөгч Халтмаагийн Баттулга засаг, захиргааны нэгжийн түвшинд үе шаттайгаар гардуулахаар болсон юм.

Эх сурвалж: president.mn

Энэ мэдээнд өгөх таны сэтгэгдэл?
1
ЗөвЗөв
1
ХөөрхөнХөөрхөн
1
ТэнэглэлТэнэглэл
0
ХахаХаха
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-08-10 202.9.46.196

Төмөр зам тавьснаас хойш Өмнөговь, Дорноговийн хүн ам эрс өсч байгаа. Үнэхээрийн гайхалтай том бүтээн байгуулалт болсон.

Avatar

Зочин 2020-08-10 192.82.71.228

Рапорт авч бхд нь Тамгын газрын дарга нь ард нь зогсдог болчихсон юм уу

Avatar

ХЭЦҮҮ ЦАГТ ХУЛГАЙЛСАН МӨНГӨӨ БУЦААГААД ӨГЧИХ ӨӨ 2020-08-10 202.126.90.73

ТӨМӨР ЗАМ ЦУСЛАГЧ

Avatar

зочин 2020-08-10 202.21.100.210

Говийн ганц айл одоо цөндөө айл болоо байлгүйдээ. Над дээр ч гэсэн нэг айлыг биччих ээ. кккк

Avatar

зочин 2020-08-10 202.21.100.210

Хуулиа баталчихвал хүн ам хурдан өснө дөө. Эрчүүд ч хуулиа хурдан хурдан дагна даа.

NewsMN Гар утасны хувилбар Татах
NEWS.mn

Мэдээллийн эх сурвалж